Shahd

احيانا الاحساس بالوحدة والمنبوذية بيكون مش بسبب الناس نفسها لكن بسبب حالة نفسية جوانا خلتنا نحس ان محدش شايفنا او فاهمنا بس الحقيقة ان وجودك في الحياة مش صدفة وربنا اختارك تكون في مكانك دا عشان لسه ليك حاجات حلوة مستنياك يمكن انت مش شايفها دلوقتي بس هتظهر في وقتها متخليش تجربة او وجع يخلوك تصدق انك مرفوض انت بس محتاج تهدي وتبدأ تبني علاقتك بنفسك الاول خليك الشخص اللي تتمنى الناس تبقى زيه خليك طيب بسيط بتتعامل بصدق وبدون توقعات ولو قابلت الناس الغلط متخليش دا يغيرك بالعكس خده كدرس يعلمك تميز الصح من الغلط انت لسه صغير ولسه الطريق قدامك ومفيش وقت فات كل حاجه ممكن تتغير لما تبدأ خطوة بسيطة كل يوم وافتكر دايما ان ربنا شايفك حتى لو الناس كلها مش شايفاك

شوفي هو الخذلان صعب وكلنا عدينا بالاحساس ده بس الطريق لتجاوزه مش بالانتقام ولا اننا نتمنى اللي وجعنا يتوجع زينا لان كده بنفضل مربوطين بيه وباللي عمله فينا اكتر حاجة هتريحيكي فعلاً انك تسيبيه لله وتفكري في نفسك انتي وتتعلمي ازاي تحطي حدود تحميكي من تكرار التجربة دي سامحي مش عشانه لكن عشان قلبك يرتاح وعشان ما تفضليش شايلة هم وحد هو اصلاً مش فارق معاه لو اتعذبتي ولا ارتحتي خدي من التجربة درس وقوة واعملي بداية جديدة لنفسك وركزي على اللي يستاهلك واللي يديكي قيمة بجد

16سنه دا سن صغير جدا بصراحه بصي انا مش هرمي كل اللوم عليكي لان الاول و الاخر البدايه بتكون من الاهل بس دا مش مبرر خالص للي عملتيه انا مش هلومك ولا اقولك لي عملتي كدا لاني عارفه ان دي حاجه عمرك ما تخيلتي انها تحصل اصلا بس نعمل اي الشيطان هو دا هدفه اصلا انو يدخل بني ادم النار انت اهم حاجه انك حاسه ب الذنب وطول ما انت حاسه ب الذنب هتعرفي تتوبي ولو وتوبتي ورجعتي تتوبي تاني اوعي تيأسي ابدا او تشوفي نفسك وحشه وتستحقري نفسك لأنك كدا مش هتعرفي تتوبي هو اللي حصل دا مينفعش ومش عادي بس احنا بني آدمين وكل بني آدم خطاء ف انتي حاولي تمسحي اي ابلكيشن بتكلمي عليه حد حتي التيك توك امسحيه لانك ممكن تبقي توبتي ومقرره انك مش هتقعي ف الذنب تاني وتظهرلك حاجه غصب عنك حاولي تقربي من ربنا اوي واشتكيله لو مش بتصلي حاولي تصلي عارفه انك هتكوني محبطه لانك مش هتكوني ملتزمه ف الاول بس حاولي طول الوقت تكوني متوضيه واول ما تسمعي الاذان صلي علي طول خلصي وارفعي ايدك ل ربنا وادعي انو يكرهك ف الذنوب واهلك ملكيش دعوه ب مشاكلهم لانك لو حطيتي كلامهم ف دماغك هتتعبي اي صاحب سوء ابعدي عنه وعلفكره مش لازم تكوني بتكلمي ولد عشان يحسسك ب قيمتك وانك حلوه وكل الحجات دي لا انت مش محتاجاه ولا محتاجه كلامه انت بس محتاجه تحبي نفسك وتقربي ل ربنا وربنا يتوب عليكي وعلينا جميعا

بص بعيدا عن كل اللي قولته دا ف دي غلطات غيرك بيغلطها ف انت اكيد مش هتعرف تصلحها بس انت غلطتك انك مسكت موبايل والدك ودورت فيه المفروض دي حاجه انت مينفغش تعملها ومتقولش ان مامتك اكيد مشافتش الكلام بينهم ف قولت تشوفه انت وتقولها لان دا مينفعش وعلفكره اكيد هي شافت حاجه زي كده صدفه بس متكلمتش عشان مفيش واحده هتقبل ع نفسها حاجه زي كدا ف انا عايزه اقولك انت ملكش دعوه بمشاكلهم دي خالص لان لو ركزت ف كل مشكله انت اللي هتتعب ف الاخر وكمان انت ف سنه مهمه يعني لازم تذاكر وتجيب مجموع وبماان اني كنت بمر ب بمشاكل عائليه برضو ف مكنتش بعرف اركز ف مذاكرتي ف كنت بروح عند اي حد من اهلي يعني مثلا جدك وجدتك لو عايشين لوحدهم ممكن تروح تقعد معاهم فتره تفصل من المشاكل دي شويه وتركز ف مذاكرتك تقعد عند خالك عمك خالتك اي حد من قرايبكو واهم حاجه مش كل حاجه تتقال تحطها ف دماغك لأنك بجد هتتعب جدا

مرسي ليكي اوي

بعاني من نفس المشكله للأسف انا كنت شاطره جدا ف ابتدائي و اعدادي ومامتي كان نفسها ادخل تمريض وفعلا اشتغلت ع نفسي ف تالته اعداي وجبت المجموع بس للاسف متقبلتش ف دخلت ثانوي مع ان اهلي كلهم كانو رافضين ف بسبب الضغط اللي عليا طبيعي اشتكي ف مجرد ما اتكلم يقولولي انت اللي دخلتيها ب مزاجك وانت تشيلي مسؤليه نفسك وانت ازاي تشتكي انا معنديش مشكله لاني فعلا انا اللي لازم اشيل مسؤليه نفسي واني لما بشتكي ببقي محتاجه تشجيع مش احباط وللاسف هما مش فاهمين كدا وكل كلامهم ان انا فاشله واني هخزلهم

بمر ب حاجه شبه كدا برضو ومش عارفه اي حلها