وعليكم السلام ورحمة الله وبركاتة..طيب بصي أول حاجة متحسيش انك انتي بس اللي بتمري ب كدا لا في كتير كدا ومنهم انا باختلاف حجات لكن النصيحة انك متعشيش دور الضحية فوقي منو انتي لسة صغيرة... هتعملي اية لو عندك الجرأة انك تكلمي وتواجهي مامتك ياريت دي نصيحة نا بنصحها ليكي وياريت لو بتقدري اعمليها نا للأسف مش قادرة اعمل كدا مش قادرة اقف قدامها واعيط واقولها عن التراكمات اللي جوايا عشان كدا بقول ل نفسي ياريت اواجة ف انتي لو تعرفي تعمليكدا اعملي .. تاني حاجة متكتميش احكي لحد واثقة فية بنات بيحسو بيكي عندهم نفس المشكلة بس باختلاف حاجات ناس شايفة معاملة مامتك معاكي لكن صدقيني الكتمان بيوجع بس ومش هتستفادي منو حاجة ودا اللي مخليكي بتفكرني في الانتحار لكن لو تطلعتي ع المشكلة بنظرة اكبر هتلاقي في ناس زيك واكتر لكن مفكروش بالطريقة دي ... انتي عارفة انك شبهي اوي بس الفرق انو نا من كتر الكتمان اتغيرت بقيت عصبية وبرد على ماما وبزعق وبقا عندي عقدة انو اتجوز واجيب عيال واعيش اللي عيشتو تاني نا عارفة انو بالنسبة للناس دي مشكلة تافهة لكن انا عارفة وحاسة بيكي انو دا وجع صعب اوي لأنو من وجهة نظري الأهل قادرين يغيرو حياة اولادهم اعتقد لو ماما كانت صحبتي كان هيتغير كتير فيا ومكنتش هغلط في حاجات كتير ولأنو مش انتي اللي وحدك كدا حابة اقولك كأنو لم يكن هتتعبي اة هتتعبي بس ربنا شايف وعارف انك تستاهلي ربنا هيعوضك في حاجة غير نا متأكدة من كدة زي ما متأكدة انو هيعوضني انتي ادعي كتير واحكي لبنات وعيطي لكن متكتميش جواكي وإياكي تلجأي لولد في المرحلة دي عأساس انو بيحبك حاولي عن قد م تقدري تبعدي عن كدا وحاولي تخطيط لمستقبلك ومتسبيش نفسك لفكرة نا بقيت كدا بسببهم لا ... مفيش حد بينجح وهو مركز في الماضي.. ربنا يرزقك راحة البال واطمئنان القلب وتيسير الامور مع العفو والعافية ♥️♥️
شكرا لكلامك بجد ...مبدئيا انا والله بحاول ابطل فكرة الانتحار هي اصلا تخيلات غظب عني مش بعرف ابطلها أما انا عارف. أنه غلط وحرام وان شاء الله عمري ما هلجأ للحل ده+ معنديش ابدااا ااجرأة اكلم ماما لأنها هتقول عليا متدلعة وكمان للاسف هي شافت اليوميات بتاعتي من كام يوم وحرفيا ده كان الناقص واه بنتكلم عادي بس علاقتي معاها مش كويسة وانا مش فاهمة اشمعنا انا+ طبعا موضوع الولد ده مستحيل اعمله والحمد لله مليش اي صلة باي ولد+ شكرا بجد أن حضرتك قريتي رسالتي ورديتي عليا انا حاسة براحة كتير اوي
تم النشر الأربعاء، ٢٠ أغسطس ٢٠٢٥
لعرض الإجابة في فدني اضغط هنا