تم حذف هذا السؤال
كل واحد فيكم بيضحك على نفسه أو بيضحك على التاني وبيستغل التاني لإشباع رغبات معينة عنده لحد ما يلاقي البديل! أنت محتاجة حد تفضفضي له وهو وفر لك دة وهو كذكر محتاج للأنثى في حياته وأنت وفرتي له دة! علاقتكم ببعض ممكن تسميها ارتباط مؤقت لحد ما كل واحد يلاقي البديل - لو هو سماها صحوبية فهو بس بيلطف من الموضوع علشان يوهم نفسه أو يوهمك أنت أن الموضوع مش حرام وكدة لكن في الحقيقة اللي بياخده منك هو اللي أي ولد مرتبط بياخده من البنت المرتبط بيها أو اللي بيسرح بيها - هي الحاجة الذكورية للأنثى التي ستبقى في الذكر ما بقي على وجه الأرض من الناس اثنان! الموضوع حرام قطعا - وإحساسك إنك مش عارفة تصلي وبتكلميه علشان تعرفي تصلي فدي أحدث اختراعات الشيطان لإضلال بني آدم! أنت محتاجة تملي الفراغ اللي في حياتك بصحاب بنات لحد ما ربنا يرزقك بابن الحلال وتتقي ربنا في نفسك - هو دة حل مشكلتك!
تم النشر الثلاثاء، ٣٠ مايو ٢٠٢٣
طيب عايزة اقولك اني اساسا مرتحتش للكلمتين اللي هو قالهم دول اصلا! (وعايز يقرب علشان نبقى أصحاب قريبين من بعض بس وانى اكون مبسوطه ديما علشان هو بيحب إن اللى حوليه كويس مبسوطين) بصي انا مقدرة جدا انك محتاجة حد يهتم بيكي وتحكي كل للي جواكي، بس ده مش حل! انتي مش بتصلحي حاجه .. انتي بتقعي في مشكلة اكبر .. وده للاسف بيتسلى بيكي اصلا! وانتي من جواكي عارفه ده كمان، بس المشكلة مش فيه على قد ما المشكلة فيكي دلوقت، طبيعي جدا انك تنجذبي لحد وتتعلقي بيه خصوصا لو هو داس على اكتر حاجه انتي محتاجها، فهماني ! الولد اصلا بيدخل للبنت ازاي؟ انتي دلوقتي ليكي احتياج معين ف هو دخل من المدخل ده .. زي ا بالظبط تبقى محتاجة فلوس وفلان عارف انه لو جه وعرض عليكي فلوس هتقبلي .. لا اكتر ولا اقل. سبيه دلوقت .. احسن ما لاموضوع يتطور بعد كده وتندمي .. على حاجات اكبر من كده .. مقدرة ان ممكن تكون حياتك فيها مشاكل ويمكن حياتك فاضية نوعا ما مش لاقيه حد جمبك ومعاكي، بس صدقيني مش ده الحل .. عفي نفسك ومفيش حاجه اسمها صحوبية .. حتى لو هو قالك احنا صحاب .. هو عارف وانتي عارفه كويس انها مش كده. يبقى بلاش تضحكي على نفسك! اعملى صحبة بنات، وانزلي احفظي قرآن وهتلاقي صحبة تعينك على كل حاجه انتي بتمري بيها.. وانزلي تطوع لو حابه واعملي صداقات (بنات) .. دوري على حلول فعلا .. بلاش تهربي .. وابأي حلي المشاكل اللي انتي بتمري بيها .. بلاش تهربي منها بالعادة او بالكلام مع ولاد ... لانها بتيجي ع واحد في الاخر ل اما انتي او هو ..
تم النشر الثلاثاء، ٣٠ مايو ٢٠٢٣
اولا ً جميل جدا انك صريحه مع نفسك بالشكل ده وده بداية الصلاح وان جواكي خير كبير اوي بس اللي حاصل معاكي ده كل اضطراب نفسي وبمعني اوضح صراع داخلي ما بين الخير الكامن جواكي والغلط اللي بتعملية. الحل واضح وصريح هو متعب بس الحل الوحيد ان الخير اللي جواكي ينتصر علي الغلط.. ثانيا نصيحه مني كواحد حصل معاه اللي بتقوليه ده بالحرف قبل كده والحمدلله بفضل الله قدرت ابعد عن كل ده بس بالصبر والصلاة فقط لا غير .. ابعدي عن اي ولد لانه لاذي اللي هيجيلك منه اكبر من اي اذي هتشوفيه في حياتك وده عن تجربة مش كلام .. ابعدي عن اي ولد الا في الحلال فقط . لو علي العاده ليها علاج بالتدريج مش مره واحدة... لكن العلاقات صدقيني مشكلة اكبر واكبر واكبر من اي حاجة ف الدنيا.. ربنا ييسرلك الخير كله ويهديكي للخير ديما...🤲
تم النشر الثلاثاء، ٣٠ مايو ٢٠٢٣
مفيش حد قريب منى كل واحد مشغول ف حياته حتى ماما اللى كنت اول ما ارجع من بره احكلها على الصغيره قبل الكبيره مبقتش تسمعنى علشان مشغوله ديما ومش ذنبها ولا ذنب حد ..لما ببقى عايزه أخرج ساعات بيترفض علشان انا كده بدلع يعنى اى أخرج ..يا رب ويعينك
تم النشر الأربعاء، ٣١ مايو ٢٠٢٣
مش حل والله لان الحل ده من وجهة نظرك صح بس للاسف غلط كبير اوي وهيوصلك لحاجة اكبر من العاده السيئة .. ابعدي ولو عندك حد قريب منك اتكلمي معاه .. اخرجي وفرغي طقتك واشغلي وقتك متخليش فيه اي فراغ ف يومك .. ابعدي ابعدي ابعدي .ده الحل الصح والاصح ليكي ولمستقبلك .. ربنا موجود قولي يا رب هيعينك... اقسملك بالله انا كنت ف نفس وضعك ومجرب تجربة اشد من كده وانا اهو بقولك الحل من تجربتي الشخصية. ... ربنا يعينك عل الخير 🙏
تم النشر الثلاثاء، ٣٠ مايو ٢٠٢٣
انا بجد حوالت كتير اوى ابعد عن الاتنين ومش عارفه خالص ومحدش هيحس بقد اى انا تعبت ...انا حاليا بختار الوضع الاحسن والوضع الاحسن انى أكلمه علشان اعرف اصلى لأن بجد مش بعرف اصلى خالص ف الحاله التانيه غصب عنى وانا تعبت جدا من المحاولات وده كان احسن حل لحد دلوقتى انى أكلمه علشان اعرف اصلى والتزم
تم النشر الثلاثاء، ٣٠ مايو ٢٠٢٣
لعرض السؤال في فدني اضغط هنا