انا مخطوبه بقالى سنه و 3 شهور حصل فيهم كذا موقف من خطيبي هو اتقدملى بعد ما خلصت معهد تمريض حكومى واتفق مع اهلى أثناء قرايه الفاتحه انى هشتغل بعد الجواز وهو وافق جه بعدين كنت عايزه أكمل كلية ولكن مصاريفها 24 الف ف السنه
فكنت بتكلم معاه قولتله انا هنزل اشتغل عشان مصاريف الكلية لان والدى متوفى قالى متنزليش وانا هدفعهملك فمنزلتش جه بعدها كان طالع عمره وقالى انه طالعها بالتقسيط فبقوله طيب عشان مصاريف الكلية رد قالى ماشى بس هقصر معاكى في المواسم والاعياد قولتله من ناحية اى يعني رد وقالى من ناحية كل حاجه
المهم قفلت معاه وكلمت اخويا اتخانق معايا وقالى متخليهوش يدفعلك حاجه فخطيبي جه عندنا عشان يدينى الفلوس كنت متفقة معاه ان الترم الاول هدفع 13 الف لقيته جايب 10 بس المهم مرضتش اخدهم منه وهو ادانى يومها 1000 جنيه في الوقت دا كنت عايزه اشترى لاب توب عشان الدراسة وطبعا هو مش عايزنى أنزل اشتغل في مستشفى من الاول
وانا فهمت انه عمل كدا عشان متعودش ع الشغل فميعرفش يقعدنى بعدين المهم بعدها اتفقت معاه انى عايزه اعمل ليزر قبل الفرح وخصوصا ان فرحنا هيبقا في شهر 8 السنه الجايه وانا مكلماه ع الموضوع من شهر 10 السنادى عشان ألحق اخلص جلسات قالى انه مش معاه دلوقتي اكمل جلسات ادانى الفين في شهر 10 وقالى هديكى 2000 تبدئى بيهم في شهر 11 ع الرغم كان معاه الفلوس اللي رجعتهمله بتوع الكلية
المهم وهو ف العمره قولتله انا حوشت فلوس اللاب توب وناقصنى بس 2000 ممكن اكمل من اللي انت بعتهم وتيتا هتبقا تكملى ع الجلسات كل شهر قالى ماشى
هو عنده اخين توأم اصغر منه كان مقدملهم ف معهد قبل كدا مصاريف الواحد فيهم 14 ألف ف السنه بعد مخلصو سنه اولى راحو سحبو ملفاتهم من وراه جه لما رجع من العمرة راح قدملهم تانى بمصاريف تانيه الكلام دا من قريب
انا فتحت معاه موضوع جلسات الليزر قالى معييش فلوس خليكى الشهر الجاى وهو اصلا كان مأخرنى شهر كمان ف الاول وهم اصلا 2000 جنيه
الموضوع انا شيفاه مش قصه فلوس مش عارفه هل هو بيعودنى على حاجه معينه عشان بعدين لما نتجوز ولا هو بطبعه بخيل بس هو مش كدا مع اهله عشان عنده اخت برضو بيدفعلها مصاريفها حوالى 40 الف او اكتر وهو دلوقتي قلب عليا وبيقولى انتى مش هتشيلينى ولا هتستحملى ظروفى انتى بتحسسينى بالعجز وانتى ملكيش امان وكلام من دا
هو ديما يقولهولى لما نتكلم ف حته الماديات حاليا قولتله انا هشتغل ومش عايزة منك حاجه هعملهم بفلوسى بس بعد الجواز انا هشتغل وانا خايفة اسيب الشغل بسبب تصرفاتك دى فضل يقولى انتى هتهددينى انا مبتهددش
المهم في الاخر قولتله هسألك سؤال هو احنا لو اتجوز إن شاء الله وكنت عايزه مصاريف الكلية وواحد من اخواتك عايز مصاريف كليته هتدفع لمراتك ولا اخوك رد قالى انتى متدخليش إخواتي في الموضوع وملكيش دعوة بيهم ولا بمصاريفهم لا دلوقت ولا بعدين
ده الرد اللي عندي اذا كان يعجبك
اما انا مش بخيل ولا بتأخر على حد في حاجة واللي شايف غير كدة يروح يكشف رديت قولتله انا سألتك سؤال لا ادخلت وسألت انت بتدفع كام ولا عايزه أعرف تفاصيل دى حاجة متخصنيش جاوبنى على سؤالي من وقتها مردش عليا
لعرض السؤال في فدني اضغط هنا