انا منجذبه لشخصين ازاي اعرف بحب مين فيهم مين اللي مشاعري ناحيته مش لحظيه
الاتنين مناسبين جدا ليا و حاسه اني بحب الاتنين وتوقعت حياتي المستقبليه معاهم هما الاتنين دا لوحده ودا لوحده
اعرف منين انا بحب مين فيهم واكيد انت عارفه ان دا غلط جدا بس الفكره اني مش عارفه اختار
الاول ابن خالتي وهو أكبر مني 10 سنين وبحسه فاهمني وحنين جدا وكانت علاقتنا ولو لحد ما ظهر الشخص التاني حسيت معه إني طفله وبدأت اتبسط وشفت النور حاسه لامس حاجه جوايا ببقى مبسوطه وبحس نفسي وانا معه بيلمس الطفله اللي جوايا ع عكس ابن خالتي اللي في العلاقه دي اكيد ببقى مبسوطه بس مبسوطه بشكل عاقل
مش عارفه احدد مشاعري وحاسه اني خايفه واكيد في عيوب ابن خالتي بطبيعه شغله مبنتكلمش طول اليوم ولما بينزل اجازات ممكن تشوفه وممكن لا أما التاني بيكلمني طول اليوم ويزعل لو متكلمناش يوم
خايفه من اني اختار غلط وحاسه الشخص التاني علاقتي بيه ممكن تبقى متوتره شويه ومش مضمونه ممكن نصيحه كأني اختكم يابنات
السلام عليكم ورحمه الله وبركاته بصي يا جميله اللي بيكون مهم جدا عشان خاطر نقدر نحدد مين هو انسب شخص يقدر نكمل معه هو ان احنا نكون محددين اولوياتنا اولوياتنا دي بتكون اللي هو ايه الحاجه اللي فعلا انا من غيرها الحياه هتكون صعبه بالنسبه لي واحدد ايه الحاجه ال انا اقدر اعيش من غيرها. تفرق جدا فخلينا نقول كده ايه الحاجه لو موجوده انت هتكوني تمام جدا حتى لو الحاجه الثانيه مش موجوده؟ يعني استقرار مادي ولكن مش حاسه انك بتتعاملي بطبيعتك اللي هي بطفولتك مثلا لو الوضع ده بالنسبه لك هو الاكثر اريحيه خلاص يبقى تمام يبقى هتقدري تحددي على الاساس ده مين الشخص المناسب لو العكس يبقى برده تقدري على اساس ده تحددي مين الشخص المناسب لازم تكوني حاطه اولوياتك في المعايير اللي انت على اساسها بتحسي انك على طبيعتك وبتحسي انه ده الانسب ليكي ده تقدري تحدديه ازاي تحددي اولوياتك دي عن طريق الحياه اللي عدت عليك في الحياه ايه اكثر حاجه حطيت في ضغط بضغط نفسي ايه الحاجه اللي بتمثل لك انت وشخصيتك انت الاريحيه الاكبر دي حاجه محدش ان هو يقول لك اختاريه ده ما تختاريش لان كل واحد هيختار على اساس المريح بالنسبه له وده حاجات بتختلف من شخص للتاني.
تم النشر السبت، ٢١ يونيو ٢٠٢٥
مثلا لو انتي عايزه تفضلي قريبه من العيله ومنها اختاري ابن خالتك حاسه عايزه تخرجي منها اختاري التاني او شوفي طباع كل عيله مثلا واي مناسب ليكي او طموح كل شخص واي مناسب ليكي فيه حاجات كتيره جدا ممكن تفكري فيها بس تعرفي اي هيكون الفيصل في الحيره دي؟ انك تقفلي الشباك وتستنيهم يخبطوا على الباب اللي هيخبط فيهم هو اللي المفروض تختاريه
تم النشر الأحد، ٢٢ يونيو ٢٠٢٥
استخيري وربنا مش ح يخذلك
تم النشر الأربعاء، ٢٥ يونيو ٢٠٢٥
لعرض السؤال في فدني اضغط هنا