السلام عليكم
هنا فى فدني كلنا يعتبر عيله واحده وكلنا بنحاول نساعد بعض ...انهارده مش مشكله وهتردوا عليها لا عايزه اعمل حاجه مختلفه الهدف منها هو "التقدير "
عايزين نعبر عن امتناننا وشكرنا لشخص كان هو السبب فى راحه بالنا ،الشخص اللى وسط كل المساعدات كلامه هو اللى لمس قلوبنا وريح بالنا ..لأن كلمه شكرا دي بتبسطنا كلنا وبتحسسنا بشعور حلو 💗
اعملوا منشن للشخص ده هنا، وقولوا له شكراً على وجودك وعلى حلك اللي فرق معانا.. خلونا ننشر طاقة حب وتقدير ونفرح بعض بأبسط الكلمات."
+عادي مش شرط شخص واحد ممكن اكتر عادي 💗💗
هبدأ انا
"حضرتك مش بس قدمت ليا حل، لا كنت بمثابة أخ كبير وموجه حكيم ليا في وقت كان صعب بالنسبالى حابة أعبر عن خالص شكري وتقديري لحضرتك، لأن بفضل نصيحتك وتشجيعك قدرت أكسر حاجز الخوف اللي كان معطلني، وأخدت الخطوة اللي كنت مترددة منها جدا ولو الموقف اتعاد تانى بفتكر كلامك
ربنا يبارك في عمرك، ويريح بالك ويطمن قلبك زي ما ريحت بالي وقتها وساعدتني.. وأتمنى من كل قلبي إن حضرتك تلاقي دايماً الناس اللي تسندك وتساعدك في كل خطوة في حياتك زي ما كنت سبب في مساعدتي. بجد ممتنة جداً ليك🤍🤍 @Esmat Ali
يا ست البنات والله كلك أصل وذوق وكلامك ده على راسي من فوق والمنشور اللي عملتيه ده أثر فيا جدا وحسسني بجد بجميل صنع الله في جبر الخواطر 🤲 أنا معملتش غير اللي يرضي ربنا والجدعنة مابتطلبش شكر بس بجد ربنا يجازيكي خير الجزاء على ذوقك ده ويديكي على قد نيتك البيضاء ✨ ويجعل كل خطوة بتخديها فيها توفيق وبركة من عنده ويكتبلك القبول في الأرض والسماء ويحبب فيكي خلقه دايما 🤍 وشكرا بجد على دعوتك اللي ترد الروح دي ويارب دايما نكون سبب في خير لبعض ونفضل دايما مجبورين الخاطر بفضل الله ونعمه ربنا يبارك في عمرك ويحفظك من كل سوء يا رب 🌷
تم النشر الثلاثاء، ٢١ أبريل ٢٠٢٦
لعرض السؤال في فدني اضغط هنا