السلام عليكم ، هو طبيعي تحسي ب خوف لإن إختيار شريك لحياتك قرار لازم تاخديه ب جديه و تفكري فيه بعُمق ، الموضوع أكيد محتاج نُضج و حسن تصرف و غالباً في اختيار ذي ده لو أنتِ مرتاحه تجاه شخص معين و في قبول فبتستشيري والدتك أو والدك فإذا كانو شايفين الشخص ده كويس أو لاء لإنهم عندهم خبره تجاه الموضوع ، هو مش قله نضج منك إنك ترفضي بس لازم يكون في سبب غير الخوف ، يعني حاسه بعدم ارتياح تجاه الي متقدملك ،من كلامك معاه حسيتي إنه مش ناضج كفايه و أفكاره مش عجباكي أو مش عاجبك أسلوبه ، إذا كنتي قصدك إن الي متقدمينلك أكبر منك بكتير ف ده طبيعي يحسسك بخوف كون سنك أصغر منهم ، طبعاً بردو اختيارك و موافقتك تكون مبنيه على حسب الي متقدملك سواء هو شخص عاقل و محترم ولا لاء ، عموماً الأحسن و الأفضل إنك تصلي استخاره قبل مترفضي أو توافقي و إن شاء اللّٰه ربنا هيقدملك الي فيه الخير
ايوا بصلي الحمدلله قبل ما ادي اي قرار وربنا ييسر الي في الخير
تم النشر الخميس، ٢٣ أكتوبر ٢٠٢٥
العفو 💗، هو من الأحسن طبعاً إنك تدي فرصه للي قدامك حتى لو كان فارق السن كبير ف ممكن يكون احسن من شباب كتير، بس الأهم بعد متتعرفي على الشخص إنك تصلي استخاره عشان حتى لو هو كويس قدامك ف ممكن يكون مش مناسب ليكي و الله أعلم
تم النشر الخميس، ٢٣ أكتوبر ٢٠٢٥
شكرا ليكي اوي بجد انا مش عارفه هل في سبب تاني ولا ايه لرفضي بس انا اصلا في العموم لو ما ارتحتش بعيدا عن السن خالص مش هوافق لان مش هقدر اكمل مع الشخص دا ، بس السن دا برضو بيكون حاطك حاجز قدامي ويمكن بيخليني اشوف وادي الموضوع اقل من حجمه وبكون مش مهتميه جامد بس والله مش بحب الي بيحصل دا لان كدا يعتبر مش بدي فرص لحد يعبر عن شخصه ولا أفهم عقليته كويس ، بس سبحان الله أغلب الي برفضهم كدا بعرف بعديها حاجه اشكر ربنا الف مرة ان الموضوع اصلا ما تمش وان محصلش نصيب بس المقصد من سؤالي هل يعني تفكيري في حوار فرق السن الكبير دا ظلم للي قدامي لان هو ما اخدش فرصه في التعبير عن نفسه وكدا وكمان اقصد ان بنات العيله يعني بنات عمي اخواتي بنات عماتي وخلاتي والخ مرتبطين بناس اكبر منهم بحدود من ٣ ل ٧ سنين متفاوت الموضع وعارفه ان دا هبل مني انا مش بقارن بس بستغرب ان الي بيتقدم ليا اكبر مني بكتير وانا اصلا اصغر واحده في بنات العيله يعتبر الي مش قاصر اقصد
تم النشر الخميس، ٢٣ أكتوبر ٢٠٢٥
لعرض الإجابة في فدني اضغط هنا