ونا اسمي حبيبه عندي 17سنه ابويا و اميي عايشين بس ما بينهم مشاكل كتير و ابويا كل يزم يسب و يلعن فينا هو م بخيل بس الفلوس اللي بيدهالني بي نسمع بيهم شتايم و ضرب قد كد و صراحه عندي مشكله نفسي اغيرها ونا شخصيه عطفيه اووي و الكلمه بتقصر فيا و ببقا عاوزه حنان و معامله حلوه من ابويا بذات وانا في اولي اعدادي كنت في مشاكل كتير و لقيت برنامج صحابي نزلوه كان عاجبني فا نزلتو و كان برنامج شات و كد زي الواتس و كنت حاطه صورتي فا دخلي شاب في الاول كنت خايفه و بعدين كلمني و كلمتو وفضلنا نتكلم كتير اووي و كنت مبسوطه و حبيتو بجد بعد سنه امي اكتشفت اني بكلم واحد و عرفت ابويا ابويا ساعتها ضربني ضرب و قاطعوني و مكنوش بيكلموني و بعد فتره رجعت علاقتي بيهم و و كان نفسي ابطل اني اكلم حد بس بعد ما اهلي رجعولي الفون رجعت كلمت نفس الولد و رجعنا لي بعض و عدا شهور وامي عرفت تاني و عاقبتني تاني و كنت باخد الامور عند الي هو هتسحبي الفون هكلمو تاني و بعد ما رجعلي التلفون كلمتو و عرفت انو ارتبط بي كذا واحده من بعدي و عرفت انو كان بيضحك عليا و قولت خلاص م هكلم حد تاني بس لسه ناقصني حاجه عاوزه اهتمام و كد فا فيوم اهلي فتحو محل ملابس تحت البيت و كان جبنا ناس شغاله في محل اللي جبنبنا و واحد كان طل ما يشوفني يضحكلي و يبصلي و حسيت انو حبني و كنت بحب نظراتو المفضوحه و انو يقلدني و يحاول يلفت انتباهي بس من غير ما نتكلم وكالعاده امي عرفت و كلمتو و خلتو ميبصليش كنت دايما حاسه ان امي م عاوزاني ابقا مبسوطه الوقت عدا و دخلت ثانوي و عرفت شله صحاب و كنت شايفه انوو كلو يبكلم و كلو بيحب و بيتحب و صحبتي اقنعتني اعرف ولد و عرفتني علي محمد و صدفت انو كان جاري و قريب مني قعدنا نتكلم و كننا صحاب و امي عرفت تاني و سحبت الموبايل و بعدين عرفت من صحبتي دي انو محمد بيحاول يوصلي و عاوز يكلمني و فرحت اووي اول مره اغيب و حد يكون مهتم بيا كد و عاوز يعرف انا روحت فين و بالفعل اول ما خدت الفون كلمتو و قالي انو بيحبني و كان بيدور عليا و قلق عليا و حسيتو بجد بيحبني وفضلنا شهور نتكلم و هو كان تالته ثانوي و كنت حاسه اني هتكشف و ماما قالت ان لو عرفت حاجه تاني هتقول لي بابا و بابا عصبي ممكن يموتي فعلا فا قولتلو انا هبعد و بتاع و فعلا بعدت شهر لقيتو. بعتلي واتس و كلمني و قالي انو م المفروض يبعت بس انتي وحشتيني و قالي انو ناوي خير اول ما يخلص هيجي و يتقدم و عرفني ان اختو هتتخطب و ساعتها عرفت امي و رجعنا انا و هو في السر من غير ما امي تعرف و المره دي فضلنا فتره طويله اوي لحد ماةحصل مشاكل مع اهلي و امي خدتنا و روحنا بيت اهلي تاني يوم عرفت ان محمد كان مرتبط بي واحده عليا اكتابت و كنت بروح لو اعاتب لحد ما جه وقالي انو ندمان و انا صدقتو و رجعنا و كان كويس و معرف عليا حد خالص و قدعنا سنه مع بعض لحد ما جه اليوم اللي قالي في انو زهق و عندو مشاكل و ظروف و تاني يوم عرفت انو رجع لي نفس البنت و اكتابت و كنت كل يوم بعيط بيني و بين نفسي و كنت مدمره حرفيا و قررت انساه بي غيرو و كلمت غيرو كتيررر اوووي و كنت لسه بفكر فيه و عاوزه كلو يبقا زيو بقيت شخص وسخ بيكلم كتير و م خايف من حد و كنت بجحه بروح احكي لي امي اي حاجه عشان تعرف اني م بخبي عليها حاجه و انا بكلم كتير كان نفسي ابقا ساويه بس م عارفه لما بحاول يوم او يومين و الاقي نفسي زهقانه و زعلانه اخش الاقي كتير بعتنلي و ارد عليهم و انسي نفسي بجد نفسي في حل اني ابطل اللي بعملو ده 😔
اهلا بيكي يا حبيبة .. بصي يا قمر .. مفيش بيت مفهوش مشاكل عائلية .. انا مقدرة جدا، اللي مريتي بيه من مشاكل، وان اي بنت في سنك هتبقى محتاجه طبعا للاهتمام، خاصة من الام والاب .. بس يا حبيبة هل ينفع نسقط في الاختبار اللي ربنا وضعنا فيه؟ اللي انتي فيه واللي احنا فيه في الدنيا كلها اختبار من ربنا .. مش معنى كده اننا نغلط!! يعني مش معنى انك متعطشة للاهتمام والحنية والحب اللي مش موجودين في البيت .. تهربي من الجو ده وتعملي علاقات بره. ده مش مبرر للغلط ابدا .. بعد اول علاقة انتي ذكرتيها الخاصة بالشات اللي كان ما بينك وما بين الولد الاولاني اللي قولتي رجعتي لقتيه كلم كذا واحده .. كنت بقول لنفسي وانا بقرأ باقي القصة يارب تكون فهمت!!! فهمت ان الشباب ديه مفيش في دماغها غير هدف واحد بس، وهي تعشم البنات الصغيرة، وتلعب وتتسلى بيهم. لكن للاسف انتي وقعتي في نفس الغلطة ... بل وصاحبتي شلة مش كويسة .. بتحرضك كمان على الحرام! منتظرة ايه تاني يا حبيبة علشان تفوقي بجد من اللي انتي فيه، منتظرة ايه تاني علشان ربنا يبعت ليكي اشارة يقولك فوقي الطريق ده اخرته نفق مظلم، مفهوش فيه اي خير ..! ابتعدي يا حبيبة عن كل ذلك .. وتوبي لربنا .. ربنا غفور رحيم وباذن الله هيغفرلك. المهم تبدأي بقطع علاقاتك مع كل علاقاتك مع الاولاد، وكمان البنات السيئة اللي عرفتيهم، وابدئي خالطي نفسك ببنات صالحين، تعينك على الطاعة. قربي من ربنا وانتي ستجدي الراحه والسعادة اللي انتي عايزاها. ربنا يوفقك ويعينك
تم النشر السبت، ٣ فبراير ٢٠٢٤
طبيعي جداً في السن ده الذي يسمي بالمراهقة تبحثي عن الحب والأهتمام وخاصة أنك بتبحثي عن لأنك مفتقدها بس خلي بالك الناس أكترها بتتسلي مش بتحب وده بقي كتير أحرصي وتجنبي العواقب لأن العواقب وخيمة لكن هقولك أنتي حتي وهو لو حبيته وحبك يعني هيجاي بعدين بينه وبين نفسه يقول بس هي بنكلمني وبعد الجواز ممكن تكلم غيري ويشك فيكي طول الوقت وجوازك هيبقي مشاكل ليل نهار وهترسي علي الطلاق غير إن العلاقات غير الشرعية حرام بتغضب ربنا حاولي تقربي مش ربنا ولعلمك ربنا بيبعد عنا ناس عشان فيه ناس غيرها أحلي منها العوض الحقيقي الجميل اللي بيحبك جداً وحقيقي في الطريق بس عشان ده يحصل قربي منه وشوفي وقارني نفسك دلوقتي ولما تكونيجي في قربه والسلام لقلبك
تم النشر الأحد، ٤ فبراير ٢٠٢٤
بصي عموما ربنا غفور رحيم وخلاص اطلعي من كل ده وركزي في حياتك وما تخليش المشاكل اللى في البيت تبقى شماعه ليكي انتي غلطي وده عادي المهم انك ما تفضليش تقرري الغلط ده وحاولي تعرفي صحاب بجد حقيقين ويفهموكي ويحبوكي بجد وقربي من ربنا واحكيلو كل حاجه قي قلبك
تم النشر الأحد، ٤ فبراير ٢٠٢٤
طب والله يا حبيبة انتى بنت جميلة جدا اهو ...شوفى لما بيبقي فى حاجة جميلة بنقول لا بس لو زودنالها ده هتبقى احلى اهو نفسك الجميلة اللى بتعافر عشان تمشى صح دى هى حاجة جميلة فيكى ...ما تيجى نزودها بقى بحاجة عشان تبقى احلى كمان . نزود استعانه بالله نزود تقدير لنفسنا نزود ثقه فى جمالنا من غير ما نستنى حد يقولنا الجميل فينا ها مستعده يا جميلة؟
تم النشر الأحد، ٤ فبراير ٢٠٢٤
ع فكره كل ال مريتي بس بيعدي بي اي بنت او اي ولد فا متحطيش فدماغيك وي متصدقيش اي حد ال بجد بيحب حد هيروح يتقدم لي
تم النشر الأحد، ٤ فبراير ٢٠٢٤
كل انسان له ماضي وحش مبيحبش يفتكره سيبك من اللي عملتيه كله وابتدي صفحه جديده مع نفسك بينك وبين ربنا انك مش هتعملي حاجه غلط تاني ولو غلطي تاني متياسيش وكملي مره ف مره هتلاقيكي اتغيرتي للاحسن ربنا يهديكي ويسترها معاكي
تم النشر السبت، ٣ فبراير ٢٠٢٤
اولا التجارب الحياتية شئ كويس جدا بيفدنا و بيعلمنا اشياء كثير جدا جدا اول حاجة بنتعلم منها ازاي نتعامل في حياتنا و نعرف السكة دي نهايتها اية ...... انتي حبيتي تجربي الخب واتصدمتي مرة و اتنين وثلاثة عشان لسة تجلربنا مبتدائة عشان بنبني خبرات عشان نتعلم منها .... انا لو في مكانك اهتم بنفسي بحياتي الشخصية التعليم واني اهتم برياضة جظيدة انا حبة اتعلمها اتعلم عزف علي موسيقا دة عيخليني اكون عندي تواصل مع العالم الواقعي الحقيقي مشكلتك انك مكنش عندك تواصل مع العالم الحقيقي منتي في عالم افتراضي وتساب والحجات الي بعدتنا عن التواصل الحقيقي دة بيعلمنا مين بيضحك علينا ومين حببنا بجد تعلم اشياء جديدة بيخلينا مدركين حياتنا وانتي لسة صغيرة اصنعي عالمك عشان تقرري مين يدخل ومين ميدخلش اختيار القرارات الصح هيفرق كتير
تم النشر الأحد، ٤ فبراير ٢٠٢٤
حاضر
تم النشر الأحد، ٤ فبراير ٢٠٢٤
لعرض السؤال في فدني اضغط هنا