السلام عليكم - مينفعش اي كلام ما بين ولد وبنت الا للضرورة يمكن انتي بالنسبالك مجرد كلام لكن متعرفيش هو بالنسباله ايه -انتي حاليا في فترة مراهقة وفي الفترة دي بتبقي عايزة كل اللي حواليكي يهتم بيكي وبتبقي حاسه انك كبرتي خلاص وممكن تعملي اي حاجة بس المرحلة دي اصلا بتبقي مشاعرك متلغبطة وحساسة زيادة ف مجرد ما لقيتي اهتمام من الشاب دا حسيتي انك محبوبة وكدا - بس انا حابة احذرك معظم الشباب اليومين دول خطر كبير علي البنات وبيعرفوا يمثلوا عليهم كويس اوي ويقنعوهم انهم اهم حاجة في حياتهم لو سابته هيموت من غيرها وهو اصلا ممكن يكون بيكلم اتنين وتلاتة في نفس الوقت (للاسف معظمهم كدا الا من رحم ربي)وخليكي عارفة انه مهما اتكلمتوا مش هيجي يوم ويجي يتقدملك لانه هو كان بيسلي وقته بيكي ولما يجي يتجوز هيدور علي وحدة تكون مكلمتش حد قبل كدا - ف الحل ابعتيله رسالة انك خايفة ربنا ومش هتكملي في العلاقة دي واعملي بلوك من كل حته وتقفلي الباب دا نهائي وملكيش دعوة ب اي كلام هيقوله واستغفري ربنا - وانصحك في الفترة دي قوي نفسك وقوي شخصيتك واقنعي نفسك انك غالية اوي وربنا خلاكي جوهرة صعبة المنال ف بلاش ترخصي نفسك لحد عايزك بالرخيص مهما كنتي وحيدة او معندكيش اصحاب او منعزلة حتي عن اهلك اكتفي بربك وبنفسك اعملي كل حاجة بتحبيها بس في حدود الشرع والحلال - اسفة لو طولت عليكي بس والله نصيحة من قلبي لاختي الصغيرة ربنا يحفظك يا رب
كلام صحيح 100%
تم النشر السبت، ١٤ فبراير ٢٠٢٦
اكيد انتي عندك حق اول مره اشوف حد عاقل كدا ربنا يثبتك ي حبيبي
تم النشر السبت، ١٤ فبراير ٢٠٢٦
فهماكي ولما بفكر بحسه انه اكبر اختبار من ربنا ان لما معظم اللي حوالينا يعملوا الحرام ويستمروا عادي وكانه حاجة عادية فهل هتعمل زيهم ولا خوفك من ربنا اكبر ؟ قال بسم الله الرحمن الرحيم (قُل لَّا يَسْتَوِي الْخَبِيثُ وَالطَّيِّبُ وَلَوْ أَعْجَبَكَ كَثْرَةُ الْخَبِيثِ) +العفو انتي زي اختي
تم النشر السبت، ١٤ فبراير ٢٠٢٦
تسلميلي ي حببتي علي النصيحه فوقتني شويه بس انا عارفه الكلام ده كلو بس فهمه حته انك شيفا كل الي حوليكي كدا واقنعوكي انها عادي ونسيتي انها حرام وربنا حرمهاا بس الحمدللت فقت. شكرا ي حببتي
تم النشر السبت، ١٤ فبراير ٢٠٢٦
وعلي فكرة هو لو كان شخص كويس وبيحبك بجد كان هيخاف عليكي من الحرام ومن نفسه لو بيحبك بجد هيدخل البيت من بابه مش هينط من الشباك
تم النشر السبت، ١٤ فبراير ٢٠٢٦
لعرض الإجابة في فدني اضغط هنا