انا مش متخصص ... بس انت لما بيجيلك فراغ بتعملها... وايه سبب الفراغ انا مش عارفه... لو كانت مشكلة محتاجة علاج فهنا الطبيب المتخصص هوه الي هيقدر يفيدك... وأي مرض نفسي فله علاج طبي معروف وله متخصصين مش حاجة عيب ولما تعمل الذنب ده لازم تتوب... والتوبة من معناها انك فعلا خت قرار انك مش عايز تعملها تاني... شروط التوبة: -الإقلاع عن الذنب في الوقت الحالي -الندم بعد الذنب -العزم على عدم العودة لذنب تاني او انك تاخد قرار خلاص معنتش هعمل الذنب ده تاني - العمل بالحاجات الي تبعدك عن الذنب -متعملش الحاجات الي بتقربك من الذنب ومن الحاجات الي هتفيدك تبعد عن مشاهدة المواد دي ○ انك متسترسلش في التفكير، أي أفكار بتذكرك بلذة المواد او مشاهدة المواد حلوة ولا لأ، امنع نفسك من التفكير ده -اتعلم أحكام غض البصر لأنك لما متنظرش للنساء ده بيخلي الشهوة عندك متندفعش للفواحش ○ ابعد عن الأماكن المختلطة بالنساء لانها فيها مفاسد زي النظر للنساء واندفاع الشهوة في الأماكن دي وده له حكم ديني وله تفصيل، اتعرف على إمام مسجد واسأله "علمني اتعامل ازاي وانا في المدرسة او وانا في الدرس وفيه نساء مثلا" "وايه الحكم هل حرام ، هل جائز" ○ ان يكون عندك حاجات في يومك بتعملها زي مثلا واحد عنده شغل بيشتغل واحد في دراسة واحد عنده تمرين وانت الحمد لله في سنة دراسية شوف مثلا لو حابب تلعب تمرين رياضة معينة أو تلعب جيم ومن الحاجات دي تشترك في آكاديمية قرآن ... المجتمع هناك لطيف وجميل، الآكاديمية فيها نشاطات: حفظ القرآن ، درس ديني بيعلمك حاجات هتفيدك في الدنيا والآخرة وفيها من الخير الكثير جدا ، ليك محفظ بتتعامل معاه ، في رمضان أو في العيد يبقا فيه نشاطات توزيع تمر على ناس ، دورة فيها دروس مفيدة موضوعاتها: أحكام غض البصر ، أحكام التعامل مع النساء ، أحكام كذا ، ازاي تبقا قائد من المسلمين تتفوق في دراستك وتساعد المسلمين ○ الصبر وهوه إن الانسان يستحمل أثناء الابتلاء الألم أو شدة الأمر وهي دي سنة الحياة التي جعلها الله في الكون إنَّا هَدَيْنَاهُ السَّبِيلَ إِمَّا شَاكِرًا وَإِمَّا كَفُورًا (٣) مقال عن الصبر: https://www.islamweb.net/ar/article/237319/الصبر-نصف-الإيمان مقال عن فهم الدنيا برضوا هيفيدك: https://share.google/8Mg6FPx5oBWHAgevF بص من الآخر كل الفوايد الي بقولهالك دي والنصايح دي كلها موجودة في آكاديمية القرءان
لعرض الإجابة في فدني اضغط هنا