انا كان مقفول عليا وانا صغيره ولسه بدا اتعامل مع الناس واروح دروس وكدا
الفكره ان تعاملي انا بحسه طفولي بالنسبه للي في سني او صحابي اللي معايا
هل دا عادي ؟ هل المفروض اغير من طريقتي لاني بتعامل بعفويه ومش كنت بفكر دا هيدل اني لسه عيله
والموضوع مأثر فيا بالذات لما اشوف دا من عيون زمايلي وصحابي والمدرسين بتوعي
بصي يا قمر هو ده طبيعي جدا طبعا .. الموضوع هياخد معاكي شوية وقت وبعد كده هتكسبي حاجات جديدة وهتنضجي اكتر وكل ده هيتلاشي. بس الموضوع اشبه بطفل لسه بيتعلم الكتابة او المشي فبيقع وخطه مش بيبقى مرتب .. لكن بعد كده هيتحسن شوية ب شوية. اهم حاجه حاولي تثقفي نفسك بالقراءة ، وتنخرطي اكتر وكوني اصدقاء .. علشان خبرتك تزيد. وكل ما خبرتك الحياتية هتزيد، كل حاجه بتتغير مع الوقت. اهم حاجه تخلي بالك من نفسك، وتبدأي شوية ب شوية تفكري في الكلام قبل ما يطلع منك، لان مينفعش برضه اي كلام يتقال بعفوية جامدة لانه ممكن مكانش ينفع مثلا يتقال.
تم النشر الثلاثاء، ٢١ نوفمبر ٢٠٢٣
خليكى على طبيعتك ومتحاوليش تغيريها عشان تبقي زيهم مثلا.. بالعكس بقي طفولتك دى هى اللى بتميزك بشكل جميل
تم النشر الخميس، ٢٣ نوفمبر ٢٠٢٣
انتي جميلة زي ما انتي تعاملي بتلقائيتك عادي مع الي يستاهلك انتي بس لازم تخدي حذرك من فكرة ان ممكن اي شخص يستغل طيبتك وطفولتك دي وهتلاقي الي يشوف طفولتك دي احسن حاجه فيكي م عيب او سنك كبير ع دا
تم النشر الأربعاء، ٢٢ نوفمبر ٢٠٢٣
وبعدين دي حاجه تميزك والله أنا شايفه كده وكمان في ناس بتتصنع الطفوليا وبعدين انتي بتقولي لسا ببدايه الموضوع ف متخافيش وحده وحده وهتكتسبي خبره من الي حواليك ومتقلقيش
تم النشر الأربعاء، ٢٢ نوفمبر ٢٠٢٣
بصي احنا مش محتاجين نغير من نفسنا عشان نعجب الي حوالينا خليكي علي طبيعتك وحبي نفسك زي مانتي متخديش ع كلام الناس انتي جميله زي مانتي وحافظي ع برائتك وقلبك الابيض ومتخليش حد يأثر فيكي بسلبيه
تم النشر الخميس، ٢٣ نوفمبر ٢٠٢٣
اذا احتجت لاى حاجة أنا ديما موجودة وان شاء الله اكون فدتك
تم النشر الثلاثاء، ٢١ نوفمبر ٢٠٢٣
عليكى ديما داعمة لنفسك ودينا قولى لنفسك أنا قوية أنا جميلة أنا مميزة وصدقينى هتفرق معاكى جدا ده عن تجربتى الشخصية
تم النشر الثلاثاء، ٢١ نوفمبر ٢٠٢٣
بصى ياقمر واسمحى انى اقولك انك فعلا قمر لأن كل ما خلق الله جميل اولا بصى أنا هقولك تجربتى الخاصه مع الثقة ويارب تفيدك أنا معايا أختين توئم وانا التالتة وهما ملامحهم اجمل منى وانا سمرة وهما ابيض منى بصراحة زمان النقطة دى كانت بتديقنى لانى سمرة ومش كان عند ثقة فى نفسى لحد ما فى فترة وقفت قدام المرايا وقولت لنفسى أنا ربنا خلقنا جميلة مش لون بشرتك ولا العوامل الخارجية هتاثر فيا تانى لا أنا جميلة وسعيدة ومن يومها وانا كل ما لاقى نفسى ثقتى اتهزت بقول فى لنفسى أنا حلوة أنا جميلة أنا مميزة بدى لنفسى ثقة
تم النشر الثلاثاء، ٢١ نوفمبر ٢٠٢٣
شكرا ..ممكن لو عندك نصايح للثقه
تم النشر الثلاثاء، ٢١ نوفمبر ٢٠٢٣
بصى يا قمر أنا عندى 20 سنه ولسه بتعامل بعفويه وبلعلب ومش يهمنى رائى الناس حتى لو هما شايفين انى طفلة كل واحد حر فى حياتو أنا كنت عايشه ملكة إلى بطلبة قبل ما اصحى بيكون عندى لعبة أو اى كان بالرغم أن اخوانى عاقلين بس على الاقل انتى مش خبيثة فا انتى كده قمر ومش تتغير دى نصيحتى الشخصية
تم النشر الثلاثاء، ٢١ نوفمبر ٢٠٢٣
لعرض السؤال في فدني اضغط هنا