ماذا أفعل في هذا الوضع الأسري الذي دمر نفسيتي؟

السلام عليكم

انا بنت اتولدت عرفت أن ابويا سابني ومشى انا واخويا وقال لماما حطيهم في ملجأ وراح اتجوز وماما خدتنا وربتنا واتجوزت واحنا معاها

العريس كان طيب وبيصرف علينا وحنين وانا كنت صغيره انا واخويا لكن في يوم من الايام اتحرش بيا وانا صغيره مش فاهمه حاجه بس على حسب ذاكرتي اتحرش بيا بلمسات بس وماما مكنتش اعرف ومحدش يعرف

وانا طفله مكنتش فاهمه حاجه ولكن لما كبرت وفهمت كرهته بطريقه كبيره واهملت دراستي وصرت شخصيه وحشه اوي اكره الناس والتجمعات وعائلتي اكرهها كتير لان امي دايما كانت في أي حاجه تقول عليا انا الغلطانه جوزها هو الي صح

مكنتش اعرف انو شيطان كانت دائما تدعي عليا وبتضربني وابويا خلف من مراته التانيه وبيحب الولد ومش بيحبني انا واخويا ولا بيسأل عليا وانا بكرهو بس امي كرهتني في حياتي كل شويه تقولي هودكي لبوكي زي الكلبه يخلوكي خدامه

وبقت تدعي عليا وتقولي داهيه تخدك وتقولي مش عايزاكي وانا نفسيتي تتدمر ولو قلت لي ليه مقلتيش لامك على أن جوزها اتحرش بيكي لانو بيصرف علينا وماما مش هقدر تشتغل رغم كل ده وهي بتجرحني وبتذلني اعمل ايه؟

نفسيتي بتدمر

ماذا أفعل في هذا الوضع الأسري الذي دمر نفسيتي؟

سؤال من احد أعضاء فدني

تم النشر الأحد، ٢٧ يوليو ٢٠٢٥

2 إجابة

وعليكم السلام ورحمة الله، عزيزتي. أولا، أريد أن أقول لك إنني أشعر بحجم الألم والحزن الذي تحملتِه طوال حياتك، وما مررتِ به من تحرش وإهمال وعدم دعم من الأشخاص المقربين خاصة والدتك وزوجها، هذا شيء صعب جداً ويُؤثر عميقاً على النفسية. لا تخجلي من مشاعرك ولا تعتقدي أن ما حصل لك هو ذنبك أبداً، أنت لم تختاري ما حدث، وأنت تستحقين حياة أفضل بكثير من هذه المعاناة. دعيني أساعدك خطوة بخطوة: تقبلي مشاعرك: من الطبيعي جداً أن تشعري بالألم، الغضب، الحزن، وحتى الكراهية أحياناً تجاه الأشخاص الذين آذوك. هذه المشاعر طبيعية وليست خطأ منك. اتركي لنفسك مساحة تعيشي فيها هذه المشاعر بدون لوم أو قسوة على نفسك. ابحثي عن دعم نفسي مختص: الحُرش في الطفولة والتعامل القاسي من الأسرة يؤثر على نفسيتك بشكل عميق. من المهم أن تتواصلي مع أخصائية نفسية أو معالج نفسي يمكنه مساعدتك على تخطي هذه المرحلة وتعلم كيف تستعيدي ثقتك بنفسك وتبني شخصيتك من جديد. في موقع فدني يمكنك البحث عن خبراء في الاستشارات النفسية والطلبات الخاصة بالمساعدة العاجلة. ابدئي بالعمل على نفسك: رغم أن الأمر قد يكون صعباً، حاولي أن تفرغي طاقتك في أشياء تحبينها مثل هواية أو تعلم مهارات جديدة، أو حتى متابعة دراستك أو عمل بسيط. النجاح والشعور بالإنجاز هما طريق مهم لتغيير نظرتك لنفسك وللعالم. حددي حدود مع من يؤذيك: عندما تشعرين أن العلاقة مع أحد أفراد العائلة تؤذيك، حاولي أن تبعدي نفسك ما استطعتِ عن التفاعلات التي تسبب لكِ الألم، وضعي حدود واضحة تحمي مشاعرك. ثقي بالله واطلبي منه العون: لا تنسي أن الله رحيم وعادل، وهو السند الحقيقي الذي يمكنك اللجوء له. تعرضك لأذى لا يعني أنك مهملة أو مذنبة، بل أنك محُقة في طلب العدل والكرامة. أعلم أن الألم كبير جداً، لكنك قوية أكثر مما تتخيلي. لا تخجلي من طلب المساعدة، وفكري في مستقبلك وبناء حياة أفضل لكِ تتناسب مع طموحاتك وقيمك. لو احتجتِ مساعدة في التنسيق مع أخصاءات في موقع فدني، أنا هنا دائماً لمساعدتك في إيجاد الدعم المناسب. هل تودين أن أساعدك في البحث عن استشارات نفسية أو خطوات تطبيقية محددة يمكن أن تبدأي بها؟ أنت لست وحدك، وأتمنى لكِ كل الخير والسلامة والقوة. 🌷

تم النشر الأحد، ٢٧ يوليو ٢٠٢٥


السلام عليكم ورحمه الله وبركاته طب خلينا كده يعني نركز في حاجه مهمه جدا هل الواقعه بتاعت التحرش دي حصلت مره ولا اكثر من مره هل حصل في سن صغيره فانت يعني مش متذكره بالشكل الكافي هل حاليا في اي حاجه في تعاملاتهم معاكي بشكل او باخر ده مهم جدا نعرفه ليه مهم جدا في حاجات بتحصل كده لما بنوى عليها لما بنكبر ممكن من خوفنا من الموضوع يعني ممكن تكوني عرفتي موضوع التحرش ده لما كبرتي وبقيتي فاهمه يعني ايه تحرش فبداتي تحاولي تسترجعي بالذاكره تلاقي حاجه شبه المعلومه اللي انت اخذتيها عن التحرش او فهمك للتحرش تكون شبه اللي انت فهمتيه عشان تشوفي اذا كنت تعرضتي للموضوع لا من خوفك من الفكره نفسها ممكن تكوني رجعتي لاي موقف كان غير مقصود ده وارد انا بقول احتمالات موقف يكون كان غير مقصود منه وانت شفتي انه لا هو هنا اكيد كان يقصد ان هو يتحرش بيا فعشان كده لازم نبص على الموضوع كويس قوي قوي قوي قوي قبل ما نتقصر نفسيا خلينا كده نشوف النظره دي الاول وبعدين نبدا كده ندخل في التاثرك النفسي بالموضوع طيب ماما مش مصدقه ماشي وارد جدا ان ماما ما تصدقش لانه اا راجل كويس جدا معكم ومعاها. مش قادره تصدق ده وده وارد جدا وبيحصل حتى من الاباء الواعيين يعني من كتر من الموضوع صادم من كتر ما هو ما بيقدروش يصدقوه فبيحاولوا ان هم ااا ينفوه بشكل او باخر باي حاجات تانيه كويسه يقولوها لا الحاجات الكويسه اللي موجوده دي تمشي وجود الحاجه الوحشه. فاا خلينا كده نبص على الناحيه دي الاول وبعدين ناخذ الموضوع.

تم النشر السبت، ٢ أغسطس ٢٠٢٥

15 تعليق

بصراحه study account قال كل حاجه كنت هقولها ... حبيبتي حقيقي مش ذنبك حاجه وسط الناس الأنانيه دي متلوميش نفسك يجميله انتي نفسك اهم منهم افصلي بنفسك عنهم ومتخليش الأزمه دي تأثر علي ثقتك بالناس وطوري نفسك واحده واحده ركزي فمزاكرتك دلوقتي ولو بتحبي حاجه اشتغلي عليها وطوري نفسك فيها رياضه بقا هوايه معينه اعمليها ومتسبيش نفسك وسط جو البيت دا ومتستنيش حد فيهم يسعدك او يعمل حاجه اسعدي نفسك بنفسك واعتمدي علي نفسك وانا متأكده انك شخص. قوي وهيقدر يتغلب عالظروف اللي اتحط فيها ... واشتغلي فريلانسر ومتقفيش وكله عند ربنا ... وربنا لو مش عارفه انك قدها مكنش حطك فيها كملي يبنوته واعملي لنفسك حياه بعيده عن جوهم وقرفهم

تم النشر الخميس، ٣١ يوليو ٢٠٢٥


انا الحقيقه مش فاهمه يعني ايه فرنلاس بس بعد اذن حضرتك ابعتيلي البوست وشكرا على وقفتك جمبي❤️❤️❤️

تم النشر الأحد، ٢٧ يوليو ٢٠٢٥


واي المشكلة في انك تعملي كل ده دلوقتي.. مش قصدي انك حالا تتجوزي و تستقلي لكن خديها بالتدريج يعني حاليا نركز في الاستقلال النفسي و منربطش مشاعرنا بالناس الوحشة دي .. ثانيا ازاي استقل ماديا دلوقتي ؟ وانا لسه مش معايا شهادة اشتغل بيها .... الموضوع سهل و بسيط عندك حاجات كتير .. منهم اسرع و اكتر حاجة بتجيب فلوس الفريلانس .. خدي كورسات فيه موجودة علي اليوتيوب مجانية اتعلمي الفريلانس و بعدها ابدأي اشتغلي فيه هيجيبلك فلوس بالهبل و مش هتحتاجي لحد و كده تبقي استقليتي نفسيا و ماديا و باقيلك بس شهادتك الحلوة زيك و العريس الحلو اللي هيسعدك و كده تكوني طلعتي من الخرابة .. مش لازم كله مرة واحدة و لكن بالتدريج اعملي اللي تقدري عليه دلوقتي .. اعملي اي حاجة متقعديش كده في المشاعر و الناس السلبية دي ... ممكن تعملي علي فكرة حاجات كتير غير الفريلانس ممكن تقدمي محتوي هادف جميل بتحبيه علي اليوتيوب او أي منصة كويسة بتدي دعم مادي دي حاجة حلوة بردو.. لو عندك خبرة تعليمية او شاطرة في مادة ممكن تدي دروس خصوصية للابتدائي.. ممكن تشتغلي اسيستنت مع مدرس .. ممكن ونتي في البيت تعملي اي مشروع لحد ما تاخدي شهادتك تعملي شنط و تاسسي البيدج بتاعتك و دي من أنجح الحاجات او اكسسوارات استنلس سوقها ماشي او منتجات سكين كير بردو ... في حاجات كتيييير اوووووي شوفي انتي تحبي اي و الحاجة اللي تدخليها ادرسي السوق بتاعها كويس و متستعجليش لأنك مش هتنجحي في البداية الموضوع محتاج صبر .. بس ابشرك لو صبرتي ابشرك بجد .... و متقوليش انك صغيرة و مش هتقدري انتي تقدري و نص يا عسل و الله محتاجة بس حبة شجاعة و تقومي تشتغلي ... انتي متستاهليش ابدا تعيشي وسط ده ابدا ولا اي حد .. انتي تستحقي حياة احسن والله استعيني بربنا وادعيه و توكلي عليه و حاولي و متيأسيش ... ف زي ما قلتلك الفريلانس اسرع وأسهل حاجة تجيب فلوس و سهل تتعلميها اوي مش محتاجة تكوني كبيرة او في مستوي معين عشان تبدأي كورساتها المجانية مالية الدنيا ... في امان الله يت جميلة لو احتجتي حاجة انا موجودة

تم النشر الأحد، ٢٧ يوليو ٢٠٢٥


حبيبتي ربنا يجبر بخاطرك ويبعدك عنهم ويراضيكي يا رب حقيقي ما عليكي إلا بالدعاء خليكي دايما بتتكلمي مع ربنا لعله يعوضك وبإذن الله ربنا يكتبلك كل الخير اللي فالدنيا ويهونها عليكي يا رب

تم النشر الاثنين، ١١ أغسطس ٢٠٢٥


عليكي بالدعاء حتى لو سيطر اليأس

تم النشر الاثنين، ١١ أغسطس ٢٠٢٥


انا فهماكي بس ماما مربياني من وانا صغيره بابا قالها ارمهيم في ملجأ هي معملتش كده وربتنا الي مشوشني أن ماما سعات حنينه وساعات لا الي بيخليني ازعل منها أنها بتغلطني وتصدق جوزها وانا بقول أن هي بتعمل كده عشان مش عارفه حقيقته وكمان بتضربني ضرحالتي والكل شايفني انا الي غلطانه وجوز امي ملاك وانا نفسيتي بتدمر لدرجه ان بقيت بحس أن انا بتوهم واحاول اعيش العيشه دي وخلاص انا تعبت وغير كده انا ضعيفه جسديا عندي نقص فيتامينات كتير وفقر دم وحالتي رايحه خالص وانا تعبت كل شويه تضربني بالخرطوم جامد اوي وانا ابويا سابني معنديش اب وتحرش وام مش فاهمه وكل شويه روحي لبوكي هيخلوكي خدامه انا بقيت مريضه

تم النشر الأحد، ١٠ أغسطس ٢٠٢٥


مش شايفه

تم النشر الأحد، ٢٧ يوليو ٢٠٢٥


الصراحة كلهم غلطانين .. و مش من حقك انك تحكمي علي نفسك و تشوفي نفسك وحشة او تقللي من ثقتك بنفسك بسببهم ... بصي يا قمر انتي مش مكروهة او قليلة قيمة او حاجة لا بس انتي اتحطيتي في وسط ناس أنانية.. اب و ام انانيين .. و الذنب مش ذنبك ابدا ده ذنبهم هما ! ف انتي ليه تتحملي نتايج اخطائهم... ف بصي استقلي عن اهلك تماما .. و عارفة ان ده صعب للبنات بس انسي ان عندك أهل اتعلمي خدي كورسات قوي نفسك واعتمدت عليها افتحي بزنس لحد ما تبني نفسك و تستقلي ... و تقابلي ابن الناس الكويس اللي تكملي معاه حياتك و يسعدك و يدعمك ... و اه علي فكرة لسه في ناس كويسة كتيييير و الله بس انتي صدمة طفولتك هتخلي عقلك الباطن يخاف من اي شخص يقابله ف نصيحة متحكميش علي كل الناس بسبب مواقف او ناس وحشة قابلتيها.. لان مش كله زي بعض .. اشتغلي علي صحتك النفسية و انصحك اوي بطبيب نفسي )مش عشان مريضة او حاجة لقدر الله ( و لكن عشان التقويم السلوكي انتي بعض موقف زي ده بقي عندك أزمة ثقة في الناس اللي حواليكي و ده هياثر علي علاقتك مستقبلا بناس كتير منهم جوزك اللي ممكن يكون احسن انسان في الدنيا ونتي حباه لكن مش هتعرفي تتقبلي تقربه منك بسبب اللي حصل ده ... " ف روحي طبيب نفسي واشتغلت علي صحتك النفسية .. و تخطي وانسي لان صدقيني الحياة قصيرة و مش مستاهلة ف متضيعهاش ونتي محبوسة في الصدمة دي حاولي تتعافي بسرعة زي ما قلتلك نظفي دايرتك استقلي بنفسك واشتغلي علي صحتك النفسية و التقويم السلوكي زي ما قلتلك و توكلي علي الله يا قمر .. و بس انتي مش غلطانة ابدا اهلك هما اللي غلطه .. حابة تسامحيهم تمام مش حابة يبقي انتي خصيمهم أمام الله يوم القيامة و ربنا عمره ما هيضيع حقك ... و مامتك و ده الغالب في الستات اللي بتتجوز تاني ممكن حتي لو عرفت انك معاك حق تميل لجوزها بردو .. بسبب ضغط المجتمع المنيل بستين نيلة اللي احنا فيه ... و بس بتمنالك كل السعادة و الفرح في حياتك و انا عارفة ان تخطي ده صعب بس صدقيني اول ما هتقفي علي رجلك و تعتمدي علي الله ثم علي نفسك محدش هيهزك بالتوفيق يا جميلة

تم النشر الأحد، ٢٧ يوليو ٢٠٢٥


يارب🤍🤍

تم النشر الاثنين، ١١ أغسطس ٢٠٢٥


انا رأيي ان المشكلة مش زوج والدتك ولكن المشكلة هي والدتك .. لأنها حسب اللي قولتيه قاسية وسليطة في الكلام فده لما يحصل لك ٢٤ ساعة على مدار سنين ومن مصدر الرحمة لكي فدي صدمة وثاني حاجة دمار نفسي .. وقد يكون والدك ابتعد بسبب تأذيه من والدتك / فأصبحتي مرهقة نفسيا إلى أن ظهر ده في فترة المراهقة فانوهمتي ان السبب في الارهاق ده هو زوج والدتك مع انك كنتي طفلة وقد يكون موقف غير مقصود منه او مجرد خيال منك / وقد يكون فعلا هو أخذه الشيطان واعتدى ولكن المؤثر الأكبر اعتقد هو والدتك (فإيه رأيك)

تم النشر الأربعاء، ٣٠ يوليو ٢٠٢٥


لو مشوفتيهوش اكتبلي علي اليوتيوب جرافيكو.. هتظهرلك قناة التيم ادخلي واساليهم علي التفاصيل

تم النشر الأحد، ٢٧ يوليو ٢٠٢٥


شفيه؟

تم النشر الأحد، ٢٧ يوليو ٢٠٢٥


بعته البوست ادخلي و هما هيشرحولك كل حاجة عنه و يعني اي هو اصلا ... لو مش شايفاه قوليلي ابعته تاني

تم النشر الأحد، ٢٧ يوليو ٢٠٢٥


شوفي ده كورس فريلانس اونلاين مجاني انا هشترك فيه هبعتلك البوست بتاعه هنا لو حابة تبدأي

تم النشر الأحد، ٢٧ يوليو ٢٠٢٥


كلامك اثر فيا بس انا لسه اصغر من ١٨سنه للأسف انا لو كنت كبيره كنت هعمل كل ده بدون شك

تم النشر الأحد، ٢٧ يوليو ٢٠٢٥

لعرض السؤال في فدني اضغط هنا

عندك مشكلة؟ محتاج استشارة؟ فدني مجتمع يساعدك في حل مشاكلك ويجيب عن أسئلتك