وانا صغيره تم الاعتداء عليا من قبل حد قريب مني وفضل الوضع ده مستمر سنين لم بدات افهم ان ده غلط وبعدت وبقيت امنعه حتي ان مره هددته اني هأذيه بالسكينه بس مبعدش مقولتش لاهلي لان حاولت اوصل المعلومه دي لامي بكذه طريقه بس هيا كانت رافضه الفكره لم لقا مني رفض بدء هيهددني بأختي الصغيره وانو بلمس جسمها قدامي بحركات قذره وقتها قولت لامي واقنعتها كتير واقتنعت واتخانقت معاه ومكنش حد يعرف لانو كان شاب ١٩ سنه وهيا مقالتش لحد بس هو حاول كذه مره بعده ففهمت ان مفيش فايده من تهديد أمي وبقيت اهدده أنا اكتر من مره أن اقول لوالدي ومن وقتها هو بقا يخاف يقرب بس دايما عندي رهبه بسببه أنو ممكن يقرب من اختي تاني لان أختي احتياجات خاصه وهيا مش بتوقفه ومش فاهمه ان مينفعش تعمل كده كمان بق عندي خوف من أي رجل حواليا او اي شاب يبصلي لم شاب يبصلي او يتعامل معايا ببقا قدامه متماسكه بس من جوايا بنهار وخايفه بحاول اسيطر علي خوفي ده بس اوقات اترعش او ايدي او رجلي بتحركو بتوتر كمان أهلي خلو ثقتي في نفسي صفر مامتي كانت بتضربني ونا صغيره وكنت بكون معقده بسببها وكانت دايم تزعق ولو اتكلمت تقولي متكلميش والكبار بتكلم او كلامك غلط اسكتي هي ممكن تكون صح بس طريقته كانت بتجرحني ولم بدات اكبر كانت تقعد تقولي انتي تخنتي ف كنت اجوع نفسي عشان اخس وتقولي ابتسامتك وحشه في الصور ف مبقتش ابتسم في اي صوره مع ان كلهم بيقولو ابتسامتي حلوه بسبب انه كانت بتمنعني من الكلام ونا صغيره بقيت منعزله عن اي حد وعن العيله كنت كذه مره احكي عن حاجات هي قالته زمان او اي حد من العيله عمله زمان ف تقولي انتي قلبك أسود كده لي حبي الناس وبلاش الكره ده بقيت عايشه مع تلفوني حتي معنديش أصحاب وكل م اجي اوجهه ب أي حاجه أو أفكر اتكلم في حاجه بدخل في حاله انهيار وعياط واي كلمه قليله بتخليني أعيط دايما كنت بستحمل أي حاجه وادفن الماضي كله بس كنت برجع للنقطه الصفر وبدمر تاني انا مش عارفه اعمل وكمان عشان اختي ذو الاحتياجات الخاصه لان خايفه عليه ان قريبي يقرب منها وانا معرفش وكمان حاسه ان كل ااحاجات دي بتدمرني نا لسه ١٥ سنه ومبقاش عندي طاقه اكمل السبب الوحيد اللي مخليني عايشه هو اختي
خلينا نقول انك محتاجة تتعلمى طرق الدفاع عن النفس الشخص القذر ده طول ما شايفك ضعيفة وانه يمتلك قوة نفسية او جسدية اكبر منك هيفضل يعمل كده ومش هيوقف للاسف زى ما انتى شطورة وبتعافرى فى الدفاع عن نفسك وبتدورى على حلول عشان كمان الاذى ده ميوصلش لاختك فاحنا هنستخدم الاول طرق ذكية وسهلة هتروحى المطبخ وتبشرى بصلة وتعصرى البشر ده لحد ما تاخدى الميه بس ....وتجيبى اى بخاخه صغننه زى بتاعت البيرفيوم كده ...وتحطى فيها مية البصل ...خليها فى جيبك من غير ما حد يشوفها ....ومن غير اى تهديد ...كل ما الشخص ده يقرب منك ( حتى لو بتترعشى ) طلعى البخاخه ورشى منها فى عينه علمى اختك قاعدة واحده بدون شرح كتير ( المناطق الحساسه دى عييب وشاوريلها علي المناطق دى ) . التمرين بقى ليكى ولاختك ....اللى يقرب من جسمنا .....نقفل ايدينا زى البوكس كده ونخبط جامد ونبعده.....ونجرى من المكان وانتى تتفرجى على اساليب الدفاع عن النفس وتتعلمى اكتر وتدربى نفسك https://www.youtube.com/watch?v=8Tjr_mDjhTM&pp=ygUp2KfZhNiv2YHYp9i5INi52YYg2KfZhNmG2YHYsyDZhNmE2KjZhtin2Ko%3D كل ما تحسى انك اقوى ده هيظهر عليكى وهتبطلى تتوترى ان شاء الله واللى قدامك هيحس وهيلم نفسه ربنا يحفظك انتى واختك ...ولو الامر اصبح اكثر خطورة فواجب عليكى تكلمى بابا وناس تانيه كبار وتفضحيه ...ولو قدرتى تصورى اى حركة ليه تجاهك هيكون احسن طريقة تعلنى بيها عن الاذى ده
تم النشر الجمعة، ١ سبتمبر ٢٠٢٣
بصي اولا - حاولي على قد ما تقدري تقعدي مع اختك وتفهميها بطريقة بسيطة ان مثلا مينفعش حد مهما كان يلمس اماكن معينه في الجسم، وان لو حصل كده ف لازم تقولي اللي حصل. هي لازم تكون فاهمه، علشان تقدر تتكلم بعد كده لو حصل حاجه وانتي مش موجوده مثلا وقتها. ثانيا - انتي ما شاء الله واعية بما فيه الكفاية بالنسبة للموضوع ده، وكويس انك وقفتي الشخص ده عند حده، ولو الشخص ده كررها تاني سواء ليكي او اختك، انتي في الحالة ديه انتي لازم تقولي لوالدك فورا. اما بالنسبة لخوفك ... ف طبعا انا مقدرة اللي مريتي بيه، خاصةً ف الموضوع ده بس انتي لازم تعرفي ان مش كل الناس وحشة بالشكل ده، مش كل الناس مريضة .. ومش لازم اللي حصلك زمان يتكرر تاني، حطي برضه في الاعتبار انك قوية ومسكتيش، يعني غيرك ممكن اساسا ولا يتكلم مع الموضوع ده لحد، او حتى يوقف اللي بيحصل. اما انتي معملتيش كده، انتي قوية بما فيه الكفاية وقدرتي انك تمنعي الاذي، وعلشان كده انا واثقة ان لو الموضوع اتكرر معاكي تاني من اي حد انتي برضه هتدافعي عن نفسك كويس جدا. وهي ديه الفكرة اللي لازم تكون مترسخة جواكي، انك مش هتسكتي عن حقك وهتدافعي عن نفسك، واعتبري الناس ديه مريضة، بس مش كل الناس كده. اما بالنسبة لماما ومعاملتها - على فكرة هو الموضوع زي ما قولتي بالظبط .. هي ممكن تكون بتقولك على حاجه صح، ولكن طريقتها غلط، او طريقتها صعبة جدا .. وجارحه .. وهنا هنحاول اننا الاول نفهم شخصية ماما. لان لما نفهم اللي قدامنا بيتصرف كده ازاي؟ او ليه بيعمل كده معانا، الموضوع بيكون سهل جدا بعدين. اول شئ هل عندك شك انك ماما بتحبك؟ اكيد بتحبك. ولكن بعض الاهالي معندهمش الوعي ده، يعني لو جيتي تكلميها في موضوع الصحة النفسية والوعي والتربية الايجابية .. ممكن الرد بتاعها بمنتهي البساطة يكون ايه الكلام الفارغ ده! وده رد طبيعي لحد اساسا هو معندوش وعي، رد طبيعي لحد اساسا مش مهتم ولا معترف بالكلام ده. يعني لما نيجي نقول ل اب مثلا مينفعش تضرب ولادك، لان الموضوع ده اثبت فشله ف التربية اساسا، وهو مش صحي ولا انساني اساسا. عارفه ممكن يرد يقول ايه؟ هيقول ما احنا اضربنا كلنا واحنا صغرين يعني كان ايه اللي حصل لينا! يعني شوفي العقلية ديه بتفكر ازاي؟ هما اتربوا كده .. والتنشئة بتاعتهم كانت بالشكل ده .. ف فيه ناس عقليتها مش بتنمو يعني معندهاش اطلاع على كل جديد بيحصل. او مش بتحاول تنمي من نفسها وبفكرها. والنوع ده بيكون مع اولاده بيتصرف نفس التصرفات اللي اتربي عليها. وفيه نوع بيدرك حجم التصرفات ديه وبيدرك انها كانت غلط وبيبدا انه فعلا ينمي نفسه. حاولي تفهمي عقليتك مامتك .. لما تفهميها انتي من نفسك هتعذريها هتقولي لنفسك اكيد مكانتش اساسا تربيتها سوية، اكيد نشأت في بيئة شكلتها وبقت كده. ولكن مفيش شك انها بتحبك، ولكن زي ما قولنا تصرفتها وحبها غلط. اتمنى اكون افادتك بشئ.
تم النشر الأربعاء، ٣٠ أغسطس ٢٠٢٣
حاولي انك متقعديش انت و اختك مع قريبك ده في مكان لوحدكوا لازم يكون معاكوا حد سواء مامتك أو والدك لو موجود او لو في اخ كبير او أي حد كبير واعي يكون اخد باله من تصرفات قريبك ده و ياريت تتكلمي في التصرفات الي مامتك بتعملها مع أي حد انت تقدري تتكلمي معاه براحتك و كمان يكون قريب لمامتك عشان يتكلم معاها و يفهم ليه بتعمل كدة و ياريت متقوليش على الي قريبك بيعمله غير لمامتك بسس و ممكن الشخص الي هتتكلمي معاه ده تقولي له أن قريبك ده بيداقك انت و اختك و انت مش بتحبي تقعدي معاه
تم النشر الأربعاء، ٣٠ أغسطس ٢٠٢٣
علي فكرة دا اللي حصل لك مش عيب انت إنسان والإنسان طبيعي يواجه مشاكل بس انت عارفة أن احنا بنعصر المانجا والفواكه عشان نطلع اجمل مافيها فأنت ربنا بيعصرك عشان يطلع اجمل ما فيكي يا غالية أنت لازم تقربي من ربنا القرب من ربنا دوا بجد واللهي الذي خلق الكون انا بحلف لك أن القرب من ربنا دوا وقولي الاذكار وادعي كتير كدة هتحفظي نفسك وهتحفظي أختك وحاولي تعلمي أختك الدين دا ربنا أكرم المرأة والله دائما مع حبيبه يعني هو معاك دائما حتي لو مش بتصلي مسيرك هتقربي من ربنا وتصلي حاولي تصلي وتجاهدي في سبيل الله دا ابتلاء عشان ربنا وحشه صوتك يريد أن يسمعه ماينفعش نقول ربنا عاوز العوز دا يعني الاحتياج دا احنا اللي عاوزين ربنا بجد ربنا مش هيسيبك ابدا ربنا قادر أنه يعوضك ربنا معاك وجنبك ماتقلقيش اطمني علي الاخر
تم النشر الجمعة، ١ سبتمبر ٢٠٢٣
لعرض السؤال في فدني اضغط هنا