واحده صحبتي كانت على علاقه بشخص دامت حوالي اربع سنين كان بيحبها اووي اول سنتين مثلا وموجود فى حياتها بعد كده بدأ يختفي لوحده ٥ ايام وبعدها اسابيع وبعدها شهور وكل مره يقولها انه هيتغير وتاني يوم يختفي تاني هي الحمدلله عارفه انه حرام وخلاص بعدت بس التعلق هو الي وحش بالذات إن ده اول شخص تكلمه هل كده هو توكسيك ولا مريض نفسي
السلام عليكم، مفيش حاجة اسمها بيحبها قوي لسنتين، هي بالنسبة له كانات مجرد علاقة غير رسمية مش ملزم معها بأي حاجة، جايز كان فيه مشاعر لكنها مجرد "مشاعر" ممكن يحسها أي شاب ناحية بنت أو العكس ومفيش مانع يرتبط بها كملأ للفراغ العاطفي وتفريغ للمشاعر دي لحد ما ييجي وقت الارتباط الجاد. *** تصرفات البعد والرجوع، أسلوب مستخدم للتلاعب النفسي وتعليق الطرف التاني أو ممكن يكون فيه احتمال إنه كان بيحس بملل في علاقته بها فبيبعد وبعدين يحس بحنين فيرجع وهو عارف إنه ضمن وجودها دايما وإنها هتصدقه وترجع له وهكذا لحد ما يزهق تماما ويقطع العلاقة نهائيا ويشوف مغامرة جديدة. وسواء كانت مشاعر من ناحيته فعلا وتغيرت أو هو كان متلاعب نفسي أو توكسيك مش هيفرق كتير، الأكيد إنه مش حب صادق ولا جاد. كويس إنها بعدت، التعلق والذكريات هياخدوا وقتهم والانشغال في الحياة والأهداف اليومية والعمل على تطوير نفسها هيشغلها وهياخدها واحدة واحدة من كل ده وهتبقى مجرد ذكرى وتجربة أو درس قاسي تعلمت منه وتعمل حسابها بعد كده عشان متكررش نفس الخطأ. بلاش مقاومة أو إجبار للنفس على النسيان، المقاومة بتقوي الشيء ولو قالت لنفسها تنسى حاجة هتفكر فيها أكتر فخليها تعيش حياتها عادي والزمن كفيل يعالج كل ده. بالتوفيق. 💚💚
تم النشر الأحد، ١٨ أكتوبر ٢٠٢٦
هذا السلوك اللي وصفتيه يبدو أكثر ميلاً للتلاعب النفسي أو السلوك السام (toxic) من كونه مرض نفسي واضح، لأن المرض النفسي يحتاج تشخيص متخصص ولا يُحكم عليه من وصف علاقة واحدة. الاختفاء المتكرر ثم الوعود بالتغيير ثم العودة لنفس الدورة هو نمط كلاسيكي من الإهمال العاطفي والتلاعب، حيث يبقي الشخص الآخر معلقاً دون التزام حقيقي. هذا يسبب تعلقاً شديداً خاصة لو كان أول تجربة، لأن الدماغ يربط بين اللحظات الجيدة الأولى والأمل في العودة. صديقتك عملت الخطوة الصحيحة لما بعدت، وده يتوافق مع القيم الإسلامية اللي بتحمي النفس من الضرر. التعلق ده طبيعي في البداية، لكنه يحتاج وقتاً وجهداً للتخلص منه. نصيحتي العملية: تشجعيها على ملء الفراغ بأنشطة مفيدة زي الرياضة أو تعلم مهارة جديدة أو التركيز على الدراسة أو العمل، وتكتب يومياً ثلاث أسباب تجعل استمرار التفكير فيه غير مفيد. كمان، تتجنب أي تواصل حتى لو كان "مجرد سؤال"، لأن أي اتصال يعيد تنشيط التعلق. لو استمر التعلق مؤثراً على نومها أو تركيزها، ممكن تفكر في استشارة معالج نفسي متخصص في العلاقات لمساعدتها على فهم نمط التعلق عندها وتجاوزه. هي مش لوحدها في هذا الشعور، وكل خطوة تبعد فيها عن هذا النمط هي خطوة نحو علاقة أصح وأكثر احتراماً في المستقبل.
تم النشر الأحد، ١٨ أكتوبر ٢٠٢٦
بصي خليها تشغل بالها هي خلاص عرفت ان دا حرام والعلاقة طولت اوي وخدت من طاقتها كتير خلي تتوب ودا شخص ميستحقش انها تفكر فيه هو كان بتسلي ف ربنا رحمها منه اهم حاجه تحاول تشغل بالها تحفظ قران تسمع بودكاست تتكلم مع بنت تفهمها كدا يعني وتكثر من الاستغفار
تم النشر الاثنين، ١٩ أكتوبر ٢٠٢٦
لعرض السؤال في فدني اضغط هنا