بصي يا بنت الناس من الآخر إنتي محملة نفسك فوق طاقتها وداخلك في أفكار هي أصلاً مش منك ده وسواس بيستغل إنك قلبك طيب وعايزة ترضي ربنا متضغطي على أعصابك أكتر إهدي خالص واعرفي إن ربنا رحيم وعارف اللي في نيتك ووقت التعب اللي بتبعدي فيه عن الصلاة ده وقت ضعف جسماني مش تقصير منك فاشغلي وقتك بأي حاجة بتحبيها وما تديش فرصة لعقلك يسرح في الغلط يعني مثلا خصصي الوقت ده انك تسمعي سلسلة كنتى ماجلاها أو دوره كنتى ماجلاها وحاولي تجهزي لنفسك حاجه كل شهر تسمعها والوسواس في الصلاة والوضوء ده علاجه الوحيد هو التجاهل التام يعني توضي مرة واحدة وصلي وما تعيديش مهما حصل حتى لو حسيتي إنك غلطتي لأن ده باب شيطان وعايز يكرهك في العبادة وإنتي في الغربة يعني محتاجة تكوني حنينة على نفسك وتدوري على صحبة أو حاجه تطلعك من عزلتك دي عشان الفراغ هو اللي بيفتح عليكي الأبواب السودة دي فاستهدي بالله وكملي استغفار من غير ما تجلدي ذاتك وإنتي ماشية صح وزي الفل ومفيش حاجة تخوف وطالما بتجاهدي نفسك فإنتي في أمان وطمأنينة ربنا معاكي ويثبتك ويشرح صدرك ويريح بالك
جميعاً إن شاء الله
تم النشر الثلاثاء، ٣١ مارس ٢٠٢٦
العفو ،ربنا يحفظك
تم النشر الأحد، ٢٩ مارس ٢٠٢٦
شكرا جزيلا
تم النشر الأحد، ٢٩ مارس ٢٠٢٦
لعرض الإجابة في فدني اضغط هنا