انا احتاج نصيحه من اشخاص واعيين وفاهمين الحياه صح وفاهمين الدين والدنيا صح :
انا بنت احتاج نصيحه تفيدني في حياتي. انا الحمدلله ملتزمه في الصلاه وبحاول ابعد عن الذنوب والمعاصي ولبست النقاب ولله الحمد. يعني زي مايقولو ملتزمه ومش ملتزمه انا بامنع نفسي من المعاصي ولما يجي الوقت من الشهر للبنات اعمل معاصي. ليه تحديداً في الوقت ده مش عارفه يمكن عشان مبعملش عبادات في الوقت ده فيكون الفراغ السبب؟
ملاحظة: انا قبل كنت اذا اذنبت اشعر بااندم واتوب ولكن الان ما في ندم بس امنع نفسي من المعاصي واستغفر بس
مع العلم انا زمان جاتلي حاله مش عارفه ايه دي الحاله بس كنت خايفه اموت وانا مش بصلي كويس وكنت اخاف اني اقرأ الفاتحه في الصلاه غلط والموضوع ده اتعبني جدا لدرجه كنت ابكي طول الوقت وكنت احس بكتمه وضيقه
انا ما كنت انام الا الساعه ٩ الصبح واصحى الظهر وأيضا شهيتي استدت مكنتش باكل كتير زي اول. وبعد فتره شفت شكلي في المرآة وطلع في وشي هالات سوداء. وبعدين الموضوع انقلب وسواس قهري في الطهاره وفي الوضوء وفي الصلاه.
ملاحظة:انا ماعنديش صحاب بنات قريبات مني انا في الغربه بعيد عن بنات العم ويمكن ده يكون سبب من الأسباب في حالتي.
انا احتاج نصيحه من اشخاص واعيين وفاهمين الدين والدنيا والحياه صح.
رجاء رجاء انصحوني نصيحه تفيدني من تجاربكم في الحياه اعتبروني احد من اخواتكم او بناتكم تاهت في الحياه وتحتاج الى ارشاد حتى تجد الطريق 🥺
ملي فهمته منك انتي حاليا في حاله خربطه في هرموناتك واهم اسبابها عدم نومك بليل شوفي اختي بدال ما توسوسي تعلمي شو يعني الوضوء بدال تشكي في طهارتك تعلمي الصلاة بدال ما تشكي في غلط او شي تعلمي دينك وهل خايفة تموتي وانتي مانك مصليه انتي لما تموتي ومانك مصليه عندك عذر يعني مو متل اي شخص ما صلى او متل رجل ما صلى انتي عندك عزر هلق ازا مقصدك بالزنوب العاده السريه شوفي رح تكوني جمعتي خربطت هرموناتك طبيعيا وخربطت هرموناتك من ورا السهر وزيدها من ورا العاده لازم تحاولي تحلي المشكله هاي وفي تطبيق اسمه تحدي تعافي في منتدى مدمنين واحد خاص بالنساء واحد بالرجال حتشوفي بنات كتير مدمنات وكتير منهم متعافيات ومنهم متزوجات ومنهم عندهم علم في الدين تتعلمي منهم لا توسوسي تعلمي بارك الله فيك واساس الوسوسه انعدام نوم نامي منيح والأهم بليل نامي
تم النشر الثلاثاء، ٣١ مارس ٢٠٢٦
بصي يا بنت الناس من الآخر إنتي محملة نفسك فوق طاقتها وداخلك في أفكار هي أصلاً مش منك ده وسواس بيستغل إنك قلبك طيب وعايزة ترضي ربنا متضغطي على أعصابك أكتر إهدي خالص واعرفي إن ربنا رحيم وعارف اللي في نيتك ووقت التعب اللي بتبعدي فيه عن الصلاة ده وقت ضعف جسماني مش تقصير منك فاشغلي وقتك بأي حاجة بتحبيها وما تديش فرصة لعقلك يسرح في الغلط يعني مثلا خصصي الوقت ده انك تسمعي سلسلة كنتى ماجلاها أو دوره كنتى ماجلاها وحاولي تجهزي لنفسك حاجه كل شهر تسمعها والوسواس في الصلاة والوضوء ده علاجه الوحيد هو التجاهل التام يعني توضي مرة واحدة وصلي وما تعيديش مهما حصل حتى لو حسيتي إنك غلطتي لأن ده باب شيطان وعايز يكرهك في العبادة وإنتي في الغربة يعني محتاجة تكوني حنينة على نفسك وتدوري على صحبة أو حاجه تطلعك من عزلتك دي عشان الفراغ هو اللي بيفتح عليكي الأبواب السودة دي فاستهدي بالله وكملي استغفار من غير ما تجلدي ذاتك وإنتي ماشية صح وزي الفل ومفيش حاجة تخوف وطالما بتجاهدي نفسك فإنتي في أمان وطمأنينة ربنا معاكي ويثبتك ويشرح صدرك ويريح بالك
تم النشر الأحد، ٢٩ مارس ٢٠٢٦
أختي العزيزة، الله يبارك فيكِ ويثبتكِ على الالتزام 🥰. أنتِ بنت رائعة، الحمد لله على نقابكِ وصلاتكِ ومحاولاتكِ اليومية للابتعاد عن المعاصي – ده إنجاز كبير، وأنا فخورة بيكِ زي أخت كبيرة. خليني أنصحكِ من تجارب حياة ودين فاهمينها صح، زي ما طلبتِ، وأعتبركِ بنتي اللي هارشدُها للطريق المستقيم. أولاً: عن أيام "الشهر" والمعاصي اللي بتجي فجأة ده شيء طبيعي يحصل لكثير بنات، الهرمونات بتغير المزاج وبتخلي الفراغ يسيطر، والشيطان يستغل اللحظة. الحل العملي : املئي الفراغ بعبادات سهلة ومُثابة : اقرئي قرآن كتير (حتى لو جزء يومياً)، ذكري الله بـ"سبحان الله وبحمده 100 مرة"، أو استمعي محاضرات دينية على اليوتيوب). حددي جدول: صباحاً قراءة تفسير، مساءً دعاء للصالحين. منع ذاتي قوي : حطي هاتفكِ في غرفة تانية أثناء الراحة، أو حملي تطبيقات تمنع المواقع (زي "Qustodio" أو "Screen Time"). وتذكري قول الله: {وَمَنْ يَتَّقِ اللَّهَ يَجْعَلْ لَهُ مَخْرَجًا}. ثانياً: فقدان الندم و"المنع بس" ده إشارة لـ"الوسواس القهري الديني" (scrupulosity)، اللي كان عندكِ زمان في الصلاة والطهارة – وهو مرض نفسي شائع عند الملتزمين، بيخلي الشيطان يوسوس "أنتِ مش نادمة كفاية". الحل : رجعي الندم بالتوبة اليومية : كل يوم بعد المغرب، اجلسي 10 دقايق، قولي "أستغفر الله العظيم اللي لا إله إلا هو الحي القيوم وأتوب إليه" 100 مرة، وتخيلي رحمة الله الواسعة وعظمته، الندم هيرجع تدريجياً. للوسواس في الصلاة/الوضوء : اتبعي الراجح: وضوءكِ صح لو ما في نجاسة واضحة، وفاتحتكِ صح لو نطقتِها بلسانكِ. قفي عند "اليقين"، مش الشك. لو استمر، استشيري شيخ موثوق عبر النت زي "إسلام ويب". ثالثاً: الغربة والوحدة + الصحة (النوم، الشهية، الهالات) الغربة صعبة، بس الله قال {وَمَنْ يَتَّقِ اللَّهَ يَجْعَلْ لَهُ مِنْ أَمْرِهِ يُسْرًا}. خطة يومية عملية : جدول ثابت : نامي 11 مساءً، صحي 7 صباحاً. كلي 3 وجبات: بيض، فواكه، مكسرات – هالهاتكِ هتختفي في أسبوعين. نشاط يومي : مشي 30 دقيقة يومياً (حلال ومفيد)، أو تعلمي مهارة زي الطبخ أو لغة جديدة. صحبة صالحة افتراضية : انضمي لقنوات تليجرام أو ديسكورد لمسلمات، أو مجموعات قرآنية أونلاين. مش هتحسي بالوحدة. أختي، أنتِ مش "تايهة"، أنتِ على الطريق بس محتاجة صيانة. ابدئي اليوم بخطوة صغيرة: جدول غداً، واستغفري 100 مرة. الله معاكِ، وهتقدري. لو عايزة أكتر، ابحثي في فدني عن "وسواس قهري في الصلاة" أو "التزام"– هتلاقي إجابات كتير. ولو احتجتِ استشارة خبير نفسي إسلامي، روحي https://www.fedni.net/experts. أنا هنا دايماً، قوليلي إيه رأيكِ في الخطة؟ 💕
تم النشر الأحد، ٢٩ مارس ٢٠٢٦
السلام عليكم ورحمة الله وبركاته ـ ابشري ابشري ـ الأمر بسيط جدا وهو (مجاهدة النفس والتوبة) اجاهد نفسي واذا وقعت اتوب مباشرة واجاهد نفسي حق المجاهدة ـ والنقطة المهمة (القرآن) حدد ورد يومي بعد الفجر او متى شئت وواظب عليه واذكار الصباح والمساء والوتر قبل الفجر او بعـد سنة العشاء ـ زكي نفسك بسماع العلماء هذا يزيد من ثقافتك الدينية بالتالي إيمانك يزيد والباقي يأتي مع الوقت لكن دعني اقول لك شيء ارى انك على خير حقا والله اعلم لكن ابشري ابشري الحياة لا تستحق ـ لا يكلف الله نفسا إلا وسعها فلا تضغطي نفسك يكفي لك بعض المهام الصغيرة بجانب الصلاة وادعي الله ان يرزقك الصالح وانتهى الامر واستعن بالله والله المستعان. بارك الله فيك على النقاب هذا هو الصواب.
تم النشر الأحد، ٢٩ مارس ٢٠٢٦
على حسب خوفك و رعبك من الاخطاء بسبب حب لربك او رعب و خوف منه ، لو حب فالموضوع ابسط مما تتخيلي ، و تدريجي ، مافيش حاجه بتيجي مره واحده او خبط لزق فجأة ، ملتزمة طوال الشهر ده انجاز كبير حافظي عليه و ما تخليش ندمك من معاصي الفترة الصغيرة تأثر على التزامك في الوقت الطبيعي ، الفترة الصغيرة دي بقى انتي ممكن تكوني بترتكبي فيها معاصي كل يوم ، فهنقللها بالتدريج و بهدوء و من غير جلد ذات و لا انك تقسي ع نفسك ، انتي اللي هتراقبي نفسك و هتقرري امتى تعملي ده و امتى لأ ، و ده اسهل بكتير من انك تمنعي ده خالص ، لأن منعك التام فجأة هيخلق جواكي صراع مع نفسك على مين يسيطر ، لكن التدريج و انك تسمحي لنفسك بالغلط و انتي شايفاه بيخليكي انتي المسيطرة عليها و طالما بتديها اللي هي عايزاه فهتسكت و مش هتحاربك ، اول شهر هتمنعي نفسك يوم واحد بس ، الشهر اللي بعده يوم ونص او يومين ، و هكذا شهر ورا شهر بتقللي عدد ايام الذنوب في الفترة دي ، و سيطرتك على نفسك هيمكنك من تحسين نفسيتك و انك تحبيها و صحتك هتتحسن ، و بالتوفيق 😊
تم النشر الأحد، ٢٩ مارس ٢٠٢٦
فإذا فرغت فانصب
تم النشر الثلاثاء، ٣١ مارس ٢٠٢٦
السوال ليا 🤔
تم النشر الأحد، ٢٩ مارس ٢٠٢٦
محتاجه تملي حياتك بحاجات مفيده لإن الفراغ سبب كل حاجه مش حلوه
تم النشر الأحد، ٢٩ مارس ٢٠٢٦
وموضوع الذنب ده محتاج تفهمي فيه حاجتين عشان ترتاحي أول حاجة إن مفيش حد معصوم والوقوع في الغلط مش معناه إنك وحشة أو إن نقابك والتزامك تمثيل بالعكس ده معناه إنك بشر وبتحاولي وتاني حاجة إن ربنا سبحانه وتعالى بيحب التوابين يعني بيحب اللي بيعافر ويرجعله مش اللي مبيغلطش خالص فمتخليش الشيطان يضحك عليكي ويقولك طالما غلطتي يبقى خلاص ابعدي أو اقلعي النقاب بالعكس الذنب ده المفروض يخليكي تمسكي في ربنا أكتر ودايما خليكي فاكرة إن الحسنات يذهبن السيئات يعني لما تقعي في ذنب اعملي قصاده عشر حسنات صلي ركعتين أو صلي على النبي أو سبحي كتير المهم متقعديش تلومي نفسك لوم يخليكي تيأسي وتوقفي حياتك لأن ربنا غفور ورحيم وبيفرح برجوعك ليه أكتر ما تتخيلي فاستهدي بالله وقومي ابدئي صفحة جديدة وعيشي حياتك طبيعي وماتديش للذنب حجم أكبر من حجمه يهدك خليه دافع انك تقربي لربنا بصدق أكتر وتجاهدي نفسك بالراحة ومن غير ضغط عصبي يدمر نفسيتك لأن الدين يسر مش عسر وربنا معاكي دايما وعارف اللي في قلبك ونفسك وبإذن الله هيقويكي وتعدي المرحلة دي وإنتي أحسن وأقوى ونفسيتك مرتاحة ومطمئنة وبخير وفضل ونعمة منه سبحانه وتعالى
تم النشر الأحد، ٢٩ مارس ٢٠٢٦
لعرض السؤال في فدني اضغط هنا