انا طالب في اعدادي هندسة أعاني من ذنوب الخلوات و لا استطيع المذاكره حتى ليالي الامتحان 😭
أخي العزيز، أشعر بك تمامًا، الصراع ده شائع عند الشباب في سنك، وأنت مش لوحدك. الحمد لله إنك عايز تتغير، ده خطوة كبيرة نحو النجاح في الدنيا والآخرة. هقولك خطة عملية مبنية على الإسلام والعلم النفسي، خطوة بخطوة: 1. ابدأ بالتوبة والاستعاذة بالله : كل يوم بعد صلاة الفجر، قول: "أستغفر الله العظيم الذي لا إله إلا هو الحي القيوم وأتوب إليه" 100 مرة. ده يقوي إرادتك ويطرد الوساوس. صم يومين في الأسبوع (الاثنين والخميس)، الصيام يقمع الشهوة ويفتح باب التركيز. 2. رتب جدول دراسة صارم : قسم يومك: 4 ساعات دراسة يوميًا (مثل 2 ساعة صباحًا بعد الفجر، 2 مساءً). استخدم تقنية "بومودورو": 25 دقيقة دراسة مكثفة + 5 دقيقة راحة (تمشى أو تشرب مياه). حدد هدف يومي صغير (مثل فصل واحد)، وعند الإنجاز، كافئ نفسك بشيء حلال زي لعبة رياضية أو مشاهدة فيديو ممتع. ليالي الامتحان: ابدأ التحضير أسبوع قبل، مش آخر ليلة! 3. ابتعد عن ذنوب الخلوة عمليًا : لا خلوة : اجعل غرفتك مفتوحة دائمًا، أو ذاكر في مكتبة عامة/مسجد. نام مبكرًا (10 مساءً) عشان الوساوس تقل. مارس رياضة يوميًا (جري أو تمارين منزلية 30 دقيقة) – ده يحرق الطاقة السلبية ويحسن المزاج. املأ وقت الفراغ: اقرأ قرآن 10 دقائق يوميًا أو مارس هواية مفيدة. 4. دافع نفسك : تذكر: النجاح في هندسة يفتح أبواب الرزق الحلال، والابتعاد عن المعاصي يقربك من الجنة. قل لنفسك: "أنا أقوى من الشيطان، والله معي". تابع تقدمك في دفتر: كل أسبوع، اكتب إنجازاتك – هتشوف الفرق! إن شاء الله، لو التزمت أسبوع واحد، هتحس بتغيير كبير. لو عايز دعم أكتر، ابحث في فدني عن "التزام بالدراسة" أو "التغلب على الشهوة"، هتلاقي إجابات كتير. ولو احتجت خبير نفسي أو مرشد، شوف الخبراء هنا: https://www.fedni.net/experts. أنت قادر، يا بطل! 💪 بالتوفيق. 😊
تم النشر الأربعاء، ٢٢ أبريل ٢٠٢٦
لو مش عايز ترجع للذنب - عاقب نفسك لوعملته بس بحاجه حلوه زي صدقة مثلا تطلعها لو رجعت للذنب ده او انك تصلي 20ركعة تطوع أواستغفر 1000مره أي حاجه تخليك تمنع نفسك عن الذنب تاني حاجة بالنسبه للنفس الأمارة بالسوء ملهاش غير انك تكون أقوى منها ودا بيكون بعدة طرق أولا انك تجاهدها وتكلمها وتقف قصادها وعلشان تتغلب على النفس دي الطريق الوحيد اللي يخليك تقوى عليها هوا الطاعات كل ما تعمل طاعة لله عز وجل هتخليها تحت طوعك وأهم الطاعات هيا:( الطاعات اللي بتحتاج مجاهدة نفس) لانك كل مره بتغلبها بتصبح أضعف وانتا بتقوى عليها زي الالتزام بالتكبيرة الاولى في المسجد لمدة 40يوم دا بالإضافة إلى أنو هيبرأك من النار والنفاق هوا من أشد التمارين اللي هتكسبك انضباط وتحكم عالي في النفس والالتزام بصلاة الضحى وقيام الليل وغيرها. - بس كدا هوا موضوع البعد عن الذنوب دا ومجاهدةالنفس دا عضلات انتا بتنميها وتكبرها كل ما تزود في الطاعات -والدنيا كلها تعب وانتا اللي بتختار التعب اللي يناسبك إما تعب مع توهان وضياع وذنوب ونار وإما شوية طاعات للخالق عز وجل في دنيا فانية (ده تعب وده تعب بس احدهم يصحبه شقاء في الدنيا وفي الاخره واحدهم يصحبه نعيم في الدنيا والاخره)وماهي إلا ساعة وسنلقاه وأسأل الله تعالى أن يرزقنا وإياك لذة النظر لوجهه الكريم وأن يعيننا على أنفسنا فلا حول ولا قوه الا به +دعاء تطهير النفس:(اللهم آت نفوسنا تقواها وزكها أنت خير من زكاها أنت وليها ومولاها ياحي يا قيوم برحمتك استغيث اصلح لي شاني كله ولا تكلني الى نفسي طرفه عين ابدا) الخلاصة : انتا لازم تقعد قعدة مع نفسك وتاخد كام يوم إجازة بس متكونش اجازة فاضية لازم تملأها بحاجات كتير تشغلك عن كل معصية +لازم كل يوم تحاسب نفسك قبل ماتتحاسب تعرف عملت ايه وتتابع تقدمك هتتشجع وترجع أحسن من الأول ولو وقعت تاني لا تيأس .. (قُل يا عبآدي الذين اسرفوآ علىٰٓ انفسهم لا تقنطوا من رحمه اللٰه ان الله يغفر الذنُوبجميعاٰ)
تم النشر الخميس، ٢٣ أبريل ٢٠٢٦
السلام عليكم.. مبدئيا كدا اللي انت فيه مش غريب ولا انت لوحدك، بس الخطورة مش في الذنب نفسه قد ما هي في تأثيره عليك… إنه بيسحب منك تركيزك ووقتك وبيخليك مش قادر حتى تذاكر في أهم وقت. الحل مش إنك تضغط على نفسك فجأة وتبقى مثالي، لكن تبدأ بخطوات صغيرة: أول حاجة حاول تبعد عن أي حاجة بتوصلك للذنب ده، سواء موبايل لوحدك، أو سهر كتير، أو محتوى معين… اقفل الأبواب دي من الأول. تاني حاجة املى وقتك، لأن الفراغ هو أكبر سبب، حتى لو مش مذاكرة طول الوقت، اعمل أي حاجة مفيدة أو حتى بسيطة. ثالث حاجة متستناش تبقى “مفيش ذنب” عشان تذاكر… ذاكر وانت بتحاول، لأن الشيطان بيقنعك إنك مش مستاهل أو مش هتنجح، وده مش حقيقي. ولو وقعت، متقعدش تجلد نفسك… قوم بسرعة وكمل، لأن المشكلة مش في الوقوع، المشكلة في الاستسلام. وركز إن الفترة دي مهمة، تعبك فيها هيحدد مستقبلك، فحاول على قد ما تقدر تمسك نفسك حتى لو تدريجي. ربنا يعينك ويقويك..
تم النشر الأربعاء، ٢٢ أبريل ٢٠٢٦
جزاكم الله خيرا على مساعدتكم لكل الناس 🌹
تم النشر الأربعاء، ٢٢ أبريل ٢٠٢٦
حاضر يا دوك 🤍🌹
تم النشر الأربعاء، ٢٢ أبريل ٢٠٢٦
عليك ب كتاب الداء والدواء ل ابن القيم يا هندسة
تم النشر الأربعاء، ٢٢ أبريل ٢٠٢٦
جزاكم الله خيرا يا عبد الحكيم ❤️🩹
تم النشر الأربعاء، ٢٢ أبريل ٢٠٢٦
بص يا عسل هي سنه صعبه فماتوترش نفسك ظبط وقتك حاول تعمل وقت للموبايل بعد ما يخلص ما ينفعش تفتحه او لتطبيقات معينه على الموبايل وحاليا في امكانيه لكده حاول تقلل قعادك على النت عموما . ما تبصش لبنات الناس وقلل من الذنوب على قد ما تقدر يسلام او تعرف صاحب يساعدك ويا سلام لو تنزل الجم ولو مرتين في الاسبوع ممتاز فوق ما تتخيل فترة الكليه كنت بنزل مرتين بيهديك ويخلي وقتك الباقي للمذاكره وشغل الكليه وافتكر انت كنت بتذاكر في الثانوية ليه وايه اهدافك . بالتوفيق كلها ايام وهتلاقي نفسك اتخرجت
تم النشر الأربعاء، ٢٢ أبريل ٢٠٢٦
ادعي إن ربنا يبعد عنك الذنب ويخلصك منه، حدد الحاجه اللي بتساعدك على الذنب وابعدها عنك تمامًا وفي الغالب بتكون التيليفون
تم النشر الأربعاء، ٢٢ أبريل ٢٠٢٦
جزاكم الله خيرا 🤍
تم النشر الأربعاء، ٢٢ أبريل ٢٠٢٦
اعترافك بالذنب لوحده يدل انك عايز تبقا افضل فياما ناس بتعمل ذنوب وده العادي بنسبالها.. طيب اي الحل؟ الحل مكلف شويه بس فعال فكل ما تذنب ذنب عليك وعلى اي جمعيه باسرع وقت وتتبرع بس بمبلغ فوق المتوسط بالنسبه لك.. طيب مفيش مقدره نهاااائي للصدقات عليك وعلى ركعتين توبه على طول كل ما تذنب لازم تعمل حاجه تصفي قلبك وترجعه تاني من السواد الي وصله ومع الوقت بإذن الله هتلاقي نفسك فقدت الإدمان ده لان انت عارف بعد ما تعمل العمله دي هتضطر تعمل عمل تقيل وراه فمخك هيريح دماغه وهيكسل يذنب
تم النشر الأربعاء، ٢٢ أبريل ٢٠٢٦
يا عم دا انت تبعنا دكتور محمد مهنا وهندسة واللى منها يعم
تم النشر الأربعاء، ٢٢ أبريل ٢٠٢٦
الأزهر
تم النشر الأربعاء، ٢٢ أبريل ٢٠٢٦
حبيبى ربنا يبارك فيك ويحفظك يا هندسة .. جامعة إيه بقى
تم النشر الأربعاء، ٢٢ أبريل ٢٠٢٦
آمين 🤲🏻 متشكر جدا لكل حد ساعدني ❤️🩹
تم النشر الأربعاء، ٢٢ أبريل ٢٠٢٦
لعرض السؤال في فدني اضغط هنا