أبويا ابتدى حياته مع امي بكذبه ..... مش عايزه اطول عليكم الحكايه فهلخصهالكو
بابا لما جه اتجوز امي قالها انو اكبر منها بكام سنه حاجات بسيطه يعني ف ابو امي وافق وبعد الجواز بكتير اكتشفت انو اكبر منها بخمستاشر سنه ..... عاشو مع بعض ٢٠ سنه كان كويس معاها نوعا ما
بعد كده اشترينا شقه ملك (الشقه اللي قاعدين فيها حاليا) ومن ساعتها وهو اتغير جدااا مكنش بيضربنا بس كان بيعاملنا وحش جدااا كان دايما يقعد لوحده ف الاوضه وياكل لوحده مكنش بيقعد معانا خاالص كان دايما يحرق ف دم امي حتى لما كانت بتتعب كان بيشغل اغاني في الصاله ويبقي فرحان جداا لحد ما في يوم كان جارنا تليفزيونه باظ وهو قرر يديله تليفزيونا (بابا كريم جدااا مع اي حد غيرنا يعني يدي للناس فلوس وكل اللي هي محتاجاه عشان يبان قدامهم كريم بقي وكده وبيساعد الناس)
المهم ماما قالتله لا واتخانقو وساعتها خد الدهب اللي في البيت كلو دهبنا ودهب امي وشبكتها وكل حاجه وكان عامل حساب لكل بنت فينا (احنا ٣ بنات) وحاطط ف كل حساب لينا فلوس خدهم كلهم وخد عقد الشقه وخد كل حاجه ومشي وسابنا ومبيصرفش علينا ....
اخته ميته وهو ورثها غير الدهب اللي هو خده مننا كان دهب كتير يعني هو قادر يصرف علي نفسه وعلينا بس هو مبيصرفش ورفعنا قضيه نفقه من قيمه تمن سنين وجه المحكمه بلبس مقطع عشان يصعب ع القاضي ويجيب اخت امي وجوز اختها يشهدو انو مش قادر علي المصاريف وكده وطبعا شهدو واتحكم لبابا انو يدفعلنا ٤٠٠٠ ج في شهرين بس
المبلغ زمان كان تمام شويه بس دلوقتي لا خالص وامي مدرسه واحنا دلوقتي في اجازه ف شغلها واقف حتي لما كانت بتشتغل مكنتش بتقبض كتير يعني احنا كلنا ٤ بماما احنا ال ٤ ف الشهر معانا ٥٠٠٠ ج مثلا ولا اقل ودول ميعملوش اي حاجه دلوقتي واخواتي واحده ف جامعه والتانيه لسه هتخلص ثانويه عامه وتدخل جامعه وانا داخله اولي ثانوي
واحنا شكينا انو متجوز لاننا عارفينه مش هيقدر يقعد كده لوحده من غير ما حد يعمله حاجته ويغسله لبسه ويعمله اكله وكده وكان مره شوفناه بتيشيرت ابيض مغسوول اووي ونضيق وباين انو مغسول وهو مش هيعرف يغسلو لوحده ف شكينا انو متجوز وهي اللي غسلالو التيشيرت وفي نفس الوقت مبيصرفش علينا ليه لو هو مش متجوز وبيصرف عليها
ف عايزين نتأكد هو متجوز ولا لا عايزين طريقه عشان لو كده نرفع عليه قضيه تبين انو قادر وبيصرف عليها اهو وده يزودلنا النفقه شويه
احنا وابونا مبنتكلمش الا كل فين وفين ع الفلوس ومنعرفش هو عايش فين ومنعرفش ايي حااجه عنوو خالص
السلام عليكم ورحمه الله وبركاته. طبعا هو واضح انه حصل. يعني عامل سواء عامل خارجي او عامل نفسي عند الاب هو اللي خلاه يتصرف التصرف الغريب ده ممكن يكون بسبب كبر السن يكون فيه يعني شويه افكار من انه ممكن ولادي يبهدلوني كل اما اكبر في السن ممكن ياخذوا كل حاجه وانا يرموني خصوصا الشقه تمليك زي ما بتقولي فواضح جدا ان هو كان قلقان من الموضوع ده وارد جدا يكون في شخص للاسف يكون كان بيوسوس له بالكلام ده كل ده احتمالات مش هنقدر نتاكد منها طبعا لانها هتحتاج تفاصيل هو بس الوحيد اللي يعرفها. عموما المسأله اللي انت بتتكلمي فيها دي محتاجه امور قانونيه يعني في حاجات ممكن بيبقى مسموح للابناء انهم يتصرفوا فيها يعني ممكن مثلا لو انت الابنه فممكن تروحي تطلعي شهاده ميلاد لوالدي من السجل تمام ممكن تطلعي قسيمه الجواز مثلا بتاعه والدك وبتاعه والدتك ففي حاجات ممكن تتسمح لك لانه ده اسم باباك موجود على البطاقه لكن في حاجات تانيه مش هتتسامح فعشان كده الموضوع يعني هيكون صعب في التتبع القانوني في حاجات بقى بتبان مثلا من اللي هي تثبت إن كان معاه وبيصرف زي المرور
تم النشر الاثنين، ٧ يوليو ٢٠٢٥
عزيزتي، أولاً أود أن أقول لك إن مشاعرك صعبة ومؤلمة جدًا وأتفهم تمامًا اضطرابك وحيرتك في هذه الظروف. ما تمرون به أنتم كعائلة يحتاج إلى صبر وتروي وتفكير حكيم، وأنتِ بالفعل تبذلين جهد لمحاولة إيجاد حل لنفقاتكم وحقوقكم، وهذا شيء ممتاز. بالنسبة لسؤالك: كيف تعرفون إذا كان والدك متزوج من أخرى أم لا لكي تستخدموا هذا في القضية؟ كيف يمكن التحقق من زواج والدك من امرأة أخرى؟ هناك عدة طرق عملية ممكن تجربوها بحذر وذكاء: السؤال المباشر بحذر: إذا كان لديكم فرصة للتحدث معه، يمكن توجيه سؤال بسيط بحذر عن حياته الشخصية دون مواجهته بشكل مباشر للغاية. أحيانًا يظهر الكلام دليلًا. مراقبة المؤشرات: أحيانًا التفاصيل مثل الملابس النظيفة المغسولة جيدًا، الحديث مع أشخاص جدد، أو خروجاته المتكررة قد تكون دلائل. وإذا لاحظتم وجود أشياء غريبة في تيليفونه أو أسلوب حياته، مثل مكالمات أو رسائل مشبوهة. زيارة المحكمة أو السجلات الرسمية: يمكنكم في بعض الأحيان معرفة إن كان متزوج بشكل رسمي عن طريق مراجعة سجل الأحوال المدنية أو البحث في المحكمة عن قيد زواج جديد. هناك جهات قانونية مختصة يمكن اللجوء إليها لكي يتحققوا من وضعه الاجتماعي بشكل رسمي. الاستعانة بمحامٍ: أنتم في قضية نفقة وأفضل حل يمكنه تقديم مساعدة قانونية دقيقة هو وجود محامٍ مختص. يمكنه أن يطلب من المحكمة التأكد من زواج والدك إن وجد، أو يثبت ظروفه المالية بشكل أدق. المحامي سيكون لديه الوسائل القانونية للحصول على هذه المعلومات من جهات رسمية. كيف تؤثر معرفة وجود زوجة ثانية على القضية؟ إذا ثبت أن والدك متزوج ومتزوج على حسب القانون فعلاً، فهذا يبين أنه قادر على النفقة أكثر ولديه التزامات أخرى. هذا سيقوي قضيتكم لزيادة النفقة من المحكمة، بناءً على قدرته المالية الفعلية. نصيحة أخيرة من القلب: حاولي أن تتواصلي مع المحامي أو مستشار قانوني في هذه القضية. يمكنك زيارة صفحة خبراء في "فدني" https://www.fedni.net/experts لتجد شخصًا متخصصًا في الشؤون القانونية والعائلية يقدم لك استشارة أصيلة ومفصلة. لا تترددي في طرح المزيد من الأسئلة هنا إذا احتجتِ توجيه أو دعم نفسي أيضًا أثناء هذه المرحلة الصعبة. أنا هنا دائماً لدعمك، وذكري نفسك دائماً أن الله مع الصابرين وأن الحق ظاهراً بإذنه تعالى. هل ترغبين أن أساعدك في نقاط عملية أخرى بخصوص القضية أو طريقة التواصل مع محامٍ؟
تم النشر الاثنين، ٧ يوليو ٢٠٢٥
القيد العائلى يبين ودا من حقك تطلعى واحد من السجل المدنى/المحامى اللى رفع لكم قضية النفقه اكيد بيعرف من الاوراق محل الاقامه الحالى ويقدر يعرف معلومات كتير تخص الزواج غير المسجل
تم النشر الاثنين، ٧ يوليو ٢٠٢٥
لعرض السؤال في فدني اضغط هنا