لو سمحتو ممكن لو حد عارف اسم دوا يمنع النوم يقولي جزاكم الله خيرا
يمنع النوم , هو مش العكس المفروض ، احنا بندور على ادوية علشان ننام ، علشان عقلنا يفصل من الدوشة اللي حوالينا دي كلها و نرتاح و الاعصاب تى و الجسم يهدى و يستعيد نشاطه تاني علشان يقدر يواجه اليوم الجديد بنشاط جديد ، كأنك بتدوري على حل يخليكي تفضلي تستخدمي موبايلك طول العمر و هو واحد في الميه ، لا منه بيشحن علشان تعرفي تتحركي بيه براحتك و تستخدميه صح ، ولا منه بيفصل فيخليكي تسيبيه في حاله و تبعدي عنه علشان يهدى من الجهد اللي بيبذله و هو شغال على طول على وضع البقاء ، الشمكلة مش انك ما تناميش ، المشكلة انك مش عايزة تنامي ، فممكن تكتبي سؤال تاني انتي ليه مش عايزه تنامي و ان شاء الله تلاقي حلول تخليكي تنامي مرتاحه ، وبالتوفيق 😊
تم النشر الجمعة، ٢٧ مارس ٢٠٢٦
أختي العزيزة، الله يعينك. الأدوية اللي تمنع النوم (زي المنبهات القوية مثل المودافينيل أو غيرها) تحتاج وصفة طبية صارمة، واستخدامها بدون إشراف طبيب ممكن يسبب مشاكل صحية خطيرة زي الإدمان، القلق، أو مشاكل في القلب. بدائل آمنة وسريعة: قهوة أو شاي أسود قوي (كافيين طبيعي). مشي خفيف أو تمارين بسيطة لمدة 10 دقائق. غسل الوجه بماء بارد وفتح النوافذ لدخول الهواء. النوم سنة نبوية مهمة، فحاولي ما تفرطيش في منعه. لو الموضوع مستمر، روحي لطبيب عشان يشخص السبب ويعطيك الحل المناسب. تقدري تشوفي خبراء الصحة في Fedni هنا: https://www.fedni.net/experts أو ابحثي عن أسئلة مشابهة في التطبيق لأفكار أكتر. ربنا يعافيكِ 💕 (يرجى ملاحظة أن هذه إجابة آلية بواسطة الذكاء الصناعي ولا تغني عن زيارة الطبيب في الأمور الصحية)
تم النشر الخميس، ٢٦ مارس ٢٠٢٦
@Dareen 🌷 لا آمن جدا جدا كمان هو اللزقة دية أصلا مكونة من ميلاتونين تركيز ٣ يعنى تعتبر فيتامين أصلا وكويسة للشعر 🥺 يعنى حلوة من كل الجوانب وهى لزقة على اللسان ف ملهاش علاقة بالمعدة اللزقة ب ٥ جنية ممكن تروحى الصيدلية وتجيبى لزقتين مثلا وتجربيهم + أنا مرشحتلكيش أقراص علشان ممكن تتعودى عليها ف بتبقى غلط لكن اللزقة غلبانه وكيوت ملهاش حد يعينى 😅
تم النشر الجمعة، ٢٧ مارس ٢٠٢٦
انا باخد نركافيكس مبتاثرش معايا خالص.. وللا انا مش مرهقه ابدا ومعنديش اي امراض الحمد لله ولا حتي بهرب من الواقع بس بعاني من النوم الكتير يعني ممكن انام 16ساعه ومحسش اني نمت ولو اكلت مثلا اتغديت بنام فجاه وانا قاعده حتي لو سله صاحيه
تم النشر الخميس، ٢٦ مارس ٢٠٢٦
طالما خدتي نركافيكس ومعملتش نتيجة يبقى ورقة وقلم يا ست الكل واكتبى ورايا أول حاجة نشرب ماية كتير كتير تانى حاجة هتجيبى أوميجا ٣ فية حاجة اسمها ليميتلس أوميجا ٣ أقراص جميلة جدا جدا تالت حاجة حقن فيتامين د تكسرى حقنى على علبة زبادى أو كوباية لبن مرة أسبوعيا لمدة شهر واخيرا ودا اللى يهمك أقراص برافاماكس القرص ب ١٣ جنية بس هتاخديه لما يكون عندك امتحان مثلا أو وراكى حاجة مهمة ومينفعش تنامى + ممكن حاحة للأعصاب زى ميثيل تكنو لزقة دى بتاخديها كل يوم الصبح واحدة كدا تكونى عملتى الصح وحليتى مشكلتك بس طبعا كل دا يكون على نار هادية علشان ميحروقش من تحت 😅😅
تم النشر الجمعة، ٢٧ مارس ٢٠٢٦
طيب اكيد هاعمل بنصيحه حضرتك بالنسبه للتحاليل بس دلوقتي مفيش وقت ومحتاجه اي دوا او حبوب تخليني اقدر منمش
تم النشر الخميس، ٢٦ مارس ٢٠٢٦
@أحمد سعيد ياريت والله عشان تركيزي بقا في ذمه الله 😂 +الدوا آمن اني أخده ولا ايه مش عشان اعالج حاجة ابوظ الباقي🙂
تم النشر الجمعة، ٢٧ مارس ٢٠٢٦
@Dareen 🌷 لزقات ميلاكريست هتبقى كويسة جدا هتعمل ريلاكسيشن للجسم وهتساعدك للنوم ومتأخديش أى أقراص إطلاقا أو بدلى مع البنت اللى بتنام كتير 😅 قوليلها خدى شوية صحيان وأرق من عندى وانتى هاتيلى شوية نوم 🥺
تم النشر الجمعة، ٢٧ مارس ٢٠٢٦
انا عايزه حاجة عشان انام اصلا بقيت بطبق باليومين والتلاته وبكون عايزه انام بس مش عارفه 🙂
تم النشر الجمعة، ٢٧ مارس ٢٠٢٦
@Nehal Nassar طالما جبتيها قبل كدا ومعملتش حاجة ، وانتى عايزاها علشان المذاكرة أول حاحة هتحاولى تشربى ماية كتير كتير تانى حاجة لازم تجيبى حاجة أوميجا ٣ زى ليميتلس أوميجا ٣ ودا منتج كويس جدا للدم والتركيز والنسيان هيقلل من مسببات النوم تالت حاجة هتجيبى حقن فيتامين دال زى حاجة اسمها ديفارول أو ديكابرينو هتكسرى حقنة على علبة زبادى أو لبن كل أسبوع واحدة لمدة شهر أخر حاجة أقراص اسمها برافاماكس هتروحى الصيدلية تقوليلة عايزة قرص او اتنين بس هتاخدى قرص واحد ليلة الإمتحان مثلا استحالة تنامى بعدها وممكن تجيبى حاجة تظبط أعصابك شوية زى ميثيل تكنو لزقة لو كل يوم لزقة على اللسان الصبح كدا يبقى انتى هتدعيلى بس ابقى ادعيلى دعوة حلوة بس 😅
تم النشر الجمعة، ٢٧ مارس ٢٠٢٦
@Nehal Nassar ولا تعب ولا حاجه ربنا يحفظك ويسعدك وجزاك الله كل الخير 😊 ومتنسيش فيتامين د لان ده اس المصايب خديها كدا شهر ولا حاجه وبإذن الله هتلاقي تحسن ولوفي اب حاجه انا موجود هنا 😊
تم النشر الخميس، ٢٦ مارس ٢٠٢٦
علي الساعة 12 ان شاء الله @Esmat Ali
تم النشر الخميس، ٢٦ مارس ٢٠٢٦
ان شاء الله هنفذ التعليمات دي وان شاء الله خير ومعلش انا اسفة جدا تعبتك وتعبت اخو حضرتك جزاكم الله خير شكرا جدا @Esmat Ali
تم النشر الخميس، ٢٦ مارس ٢٠٢٦
@Nehal Nassar ولازم تظبطى نومك وتنامي بدري 😊
تم النشر الخميس، ٢٦ مارس ٢٠٢٦
@Nehal Nassar طيب انا شايف أن مفيش اي حاجه مقلقة والموضوع كله عادي بس تضبط روتين حياتها والتغذية والساعة البيولوجية هتبقى تمام لازم تلعب شوية رياضة وتقعد نص ساعه بالشمس يوميا عشان فيتامين د والافضل لو تجيبي فيتامين د لشركه ليمتليس تركيز ٥ الف وحده وتاخد قرص يوميا بعد الغداء مده شهرين ثلاثة مش بيضر خالص حتى لو سنه لان اغلب الناس عندها نقص في الفيتامين ده وهو اللي بسبب خمول ومشاكل بالنوم وتحاول تضبط نومها ومينمش بعد الفجر لان دا بيعمل خمول وبياثر على النوم بالليل تبعد عن السماعات لانها باعلى ضغط المخ ويتسبب صداع شوية وتعالج الحساسية باي بخاخ حساسية معاه نازوفلوتين أو نازوكرت ولو الحساسية شديدة وفي افراذات بالانف تجيب محلول الكامصر وتحط نص كيس على كوب ماء دافئ وتستنشق من الانف بيه والافضل بسرنجه ١٠ سم مثلا يومين ثلاثه. ويمشي على البخاخ الحساسية اسبوعين ولو معاها برشام حساسية زيرتك قرص قبل النوم مع البخاخ لمده اسبوعين الحجات دي مش لازم يجيب منها علب عادي كلها شرائط من عند اي صيدلية
تم النشر الخميس، ٢٦ مارس ٢٠٢٦
المشاكل القديمة الحمدلله اتحلت اللي هي اكتئاب وميول انتحارية ونوبات الغضب واوقات التغيب عن الواقع كل دول الحمد لله مش موجودين دلوقتي اما بالنسبة للذاكرة ف عادي يعني في حاجات بنساها زي لو اتكلمت مع حد مش ببقي فاكرة الحوار كله لكن في الحاجات المهمة ف لاء فكراها كويس والماضي فاكراه كويس سواء الحزين او السعيد بكل مواقفة حتي من وانا طفلة - كان دايما دايما عندي صداع بس معنديش من يوم العيد تقريبا - الطاقة الجسدية متغيرة احيانا يبقي عندي نشاط ودا بقالو اسبوعين مثلا واحيانا ببقي في حالة خمول تام ودا الشائع - احيانا بحس اني جسمي متكسر بس تقريبا من كتر القعدة علي المكتب لان كل دروسي اونلاين ف طول الوقت قاعدةعلي المكتب - مشاكل النوم من 3 سنين حتي الان لكن الصداع من قبل كدا بكتير بس لما كشفت طلع بسبب حساسية الجيوب الانفية وطول ما الانف جاف - دليما بستخدم الهدفون - مفيش دوخة الحمد لله -النظر تمام وعاملة نضارة حفظ نظر لاني بستخدم اللابتوب طول اليوم
تم النشر الخميس، ٢٦ مارس ٢٠٢٦
في الحقيقه انا اخويا دكتور ف بعتلوا الحاجه دي وهو طلب مني كدا مش انا الدكتور طيب مشكله الاعراض القديمة اتحلت ممكن تكون اضطراب ما بعد الصدمه نتيجه لصدمه معينه او ضغوط لكن مشكلته دلوقتي في الصداع والنوم والتركيز. بس ولا في حجات تانيه والذاكرة أخبرتها ايه والطاقة الجسدية وهل في الم في العضلات أو الجسم ومن امته الصداع ومشاكل النوم الأعراض مشاكل الصداع والنوم تدخل في كل امراض المخ والأعصاب وبعض الأمراض الأخري في تخصصات أخرى منها الباطنة والرمد والأنف واذن في أمراض فيهم بتعمل كده فلازم نستبعد. الحجات دي ولو بيلبس السماعات الاذن كتير أو بيحضر مسلسلات أو بيسهر على العاب جيمز والحاجات دى كلها بتسبب مشاكل النوم والصداع وهل في مشاكل بالنظر. ومشاكل بالجيوب الانفيه أو حساسية بالانف وهل في دوخه وهل الصداع ده بيجي فترات ولا مستمر ديما
تم النشر الخميس، ٢٦ مارس ٢٠٢٦
مش فاكرة اسمه هدور علي الروشتة واكتبلك اسمه والسنة دي اخدت نركافيكس وبطلته لما مفيش نتيجة
تم النشر الخميس، ٢٦ مارس ٢٠٢٦
1- كشفت قبل كدا عند دكتور تخصص نفسية وعصبية بسبب انا كنت بدخل في نوبات غضب واوقات كنت بتغيب عن الواقع ومش ببقي في وعي ولما افوق مش ببقي فاكرة عملت كدا ازاي وامتي ومعرفش كنت ببقي في الحالة دي ل اد ايه وقت -والدكتور وقتها اداني الدوا وقالي علي حاجات ونصايح اعملها لكن كنت لوحدي هناك ف مصارحنيش باللي عندي بالظبط \ 2- الكشف بقالي سنتين و9 شهور تقريبا او يمكن اكتر لكن مشاكل النوم مستمرة حتي الان \ 3- محصلش حاجة من الاعراض اللي كانت بتحصلي قبل كدا تقريبا علشان غيرت المكان والبيئة اللي كنت عايشة فيهم \ 4- اه بيبقي عندي صداع وبيبقي مؤلم لدرجة لا تحتمل - في مشاكل في النوم -لاء الحمد لله حاليا مفيش اكتئاب ولا فقدان رغبة الحياة - الخنقة احيانا \ 5- لا معملتش اي تحاليل قبل كدا \ 6- لاء مفيش رياضة معينة بس مؤخرا بقيت بدرب مع نفسي تمارين اطالة ومقاومة واحيانا زومبا \ 7 - حاليا مفيش هوايات معينة او مستمرة بقيت بزهق بسرعة
تم النشر الخميس، ٢٦ مارس ٢٠٢٦
يا جماعه هو تقريبا كذا حد تعبان من الموضوع ده ف انا مش عايز اديكم علاج وخلاص انا عايز أشخص الحاله عشان تعرف تعالجها ف اتمنى تقوليلي التفاصيل كامله هبعتلك كام سوال كدا وتجاوبو عليهم بالضبط عشان اعرف أشخص الحاله ومتخدوش اي علاج وخلاص
تم النشر الخميس، ٢٦ مارس ٢٠٢٦
انا روحت لدكتور من فترة وهو اللي كتبلي علي الدوا بس بصراحة مكنش دوا مخصوص للنوم هو كان للاكتئاب وفي نسبة منوم واستمريت عليه تلت شهور بعدين حصلي انتكاسه ف وقفته وبطلت اروح للدكتور والحمد لله كان الشفاء من عند الله وقدرت اقف علي رجلي تاني بس موضوع النوم وتقلب المزاج هما اللي مش قادرة اعدلهم خالص - ان شاء الله هجرب الحل بتاعك واشوف والله المستعان @Esmat Ali
تم النشر الخميس، ٢٦ مارس ٢٠٢٦
@Nehal Nassar سلامتك وألف سلامة عليكي وطبيعي جدا اللي بتمري بيه لأن الجسم بيعبر عن الزعل والضغط النفسي أحيانا بالنوم الكتير أو الأرق التام والنصيحة هنا إنك محتاجة تصفير لساعتك البيولوجية من جديد وابدأي بالتدريج بلاش تضغطي على نفسك في المذاكرة وإنتي مطبقة لأن مفيش معلومة هتثبت ومخك هيفضل مشتت والحل إنك تثبتي معاد صحيان واحد مهما كان نمتي الساعة كام وممنوع تنامي بالنهار خالص حتى لو ربع ساعة عشان تجبري جسمك ينام بليل واستعيني بشرب مية كتير وتمارين تنفس بسيطة قبل النوم وأهم حاجة لو الموضوع استمر ومأثر على حياتك ودراستك بشكل كبير يبقى مفيش مانع تشيري حد متخصص يساعدك تتجاوزي الفترة دي بسلام لأن التراكمات النفسية هي اللي مخلية نومك مهزوز كده ومستنيكي تطمنيني عليكي لو بدأتي تحسي بتحسن في التركيذ
تم النشر الخميس، ٢٦ مارس ٢٠٢٦
بصي الموضوع محتاج منك حركة سريعة عشان تخرجي من دايرة الخمول دي لازم تعملي تحاليل دم وفيتامين دال وغدة درقية لأن غالبا في نقص في حاجة فيهم هو اللي مخلي جسمك مطفي مهما نمتي وتاني حاجة لازم تخففي النشويات والسكريات في أكلك لأنها هي اللي بتعمل هبوط مفاجئ وتخليكي عايزة تنامي بعد الأكل على طول واعرفي إن النوم الكتير ببيجيب خمول أكتر فجربي تنظمي يومك وتتحركي شوية عشان تنشطي الدورة الدموية
تم النشر الخميس، ٢٦ مارس ٢٠٢٦
جبتها قبل كدا علشان اذاكر ومنمش كنت بخدها وبردو مكنتش بقدر اكمل وكنت بنام بردو - في حاجة اقوي ؟ @أحمد سعيد
تم النشر الخميس، ٢٦ مارس ٢٠٢٦
@Br2008 مفيش غير اللزقة أو الفيال بقى ودا مش أى حد ياخدها وفية منتجات تانية كافيين بس بتبقى خاصة بالشعر شامبوهات وما إلى ذلك يمكن يكون قصدك على مادة تانية غير الكافيين زى ال مودافينيل
تم النشر الجمعة، ٢٧ مارس ٢٠٢٦
@ندي .... هى كويسة جدا خصوصا إن ملهاش أى آثار جانبية وملهاش علاقة على المعدة لأنها لازقة ابدأى بيها بتزود التركيز واليقظة بس فية ناس مبتجيبش معاهم نتيجة لأن هما خدوا أدوية كتير وسبب النوم بيبقى قوى فبالتالى التركيز بتاعها بيبقى قليل بالنسبة لهم ف مبتأثرش لكن لو لسة عايزة حاجة ابدأى بيها الأول وشوفى مفعولها
تم النشر الجمعة، ٢٧ مارس ٢٠٢٦
في منتجات عبارة عن كافيين بس مش عارف اسمها الصراحة
تم النشر الخميس، ٢٦ مارس ٢٠٢٦
@Nehal Nassar
تم النشر الخميس، ٢٦ مارس ٢٠٢٦
وهل في روتين لحياتك
تم النشر الخميس، ٢٦ مارس ٢٠٢٦
اي الدوا اللي كنتي بتاخديه قبل كدا لو عايزه حاجه دلوقتي ضروري
تم النشر الخميس، ٢٦ مارس ٢٠٢٦
كشف قبل كده ولا لا. وعند مين وقاله ايه الموضوع بقاله كد ايه وهل حصل حاجة بعدها بقى حاله مش كويس ولا بدون سبب وايه المشاكل بالضبط صداع ونوم بس ولا في اكتئاب وفقدان رغبه بالحياة أو خنقه دائمه عمل تحاليل فيتامينات قبل كده ولا لا في رياضة في حياته ولا لا وهل في هوايات كان بيعملها وبطل
تم النشر الخميس، ٢٦ مارس ٢٠٢٦
لاء جربتها وكنت بنام بعدها بربع ساعة @ندي ....
تم النشر الخميس، ٢٦ مارس ٢٠٢٦
وانا كمان عايزة حاجة قوية المفعول @أحمد سعيد
تم النشر الخميس، ٢٦ مارس ٢٠٢٦
غالبا نقص فيتامين د فحاولي تتعرضي للشمس أو تاخدي vidrop
تم النشر الخميس، ٢٦ مارس ٢٠٢٦
@أحمد سعيد كويسه بتسهر وقت طويل ؟
تم النشر الخميس، ٢٦ مارس ٢٠٢٦
بصراحة معرفش سبب معين من 3 سنين كان وقت وفاة والدتي كان نومي مش مظبوط خالص اوقات نوم كتير جدا يوصل ل15 و 16 ساعة واوقات كان بيجيلي ارق ومكنتش بعرف انام ليومين متواصلين ف اخدت وقتها دوا منوم - بس انا من زمان كائن ليلي بحب اسهر وبرتاح اكتر بالليل في هدوء كدا لوحدي بس حاليا بعد كل دا بقي مسببلي مشاكل في النوم والمذاكرة وصداع وارهاق وبحاول اظبط نومي بس مش عارفة وبقالي 4ايام مش بنام كويس بصحي كل شوية ولما اجي اذاكر انعس وابقي عايزة انام يعني حرفيا الاربع ايام دول لا عارفة انام ولا اصحي @Esmat Ali
تم النشر الخميس، ٢٦ مارس ٢٠٢٦
هو اي سبب النوم ؟ إرهاق ؟ولا هروب من حاجه ؟ ولا تعب ولا ايه @Nehal Nassar
تم النشر الخميس، ٢٦ مارس ٢٠٢٦
فية لزقات جميلة جدا اسمها نركافيكس لزقة هتروحى الصيدلية تجيبيها لزقة على اللسان كويسة جدا
تم النشر الخميس، ٢٦ مارس ٢٠٢٦
لعرض السؤال في فدني اضغط هنا