أخويا أكبر مني ب ٣ سنين
هو في ٣جامعه وأنا في ٣ث
من أول ما دخل الجامعه اتعرف على بنت وبيكلمها وأنا اتخنقت منه ومن تصرفاته
معظم الوقت بيكون قاعد معايا لإني باخد دروسي أونلاين فأنا قاعده في البيت دايمًا
جربت أنصحه كتير ومابيجيش بالنصيحة
لما بتعصب بقا عليه وخلاص حرفيا بكون خلاص اتخنقت منه ومن المكالمه اللي هو فيها معاها ٢٤ ساعه 😔 بيقلب الموضوع عليا ويفضل يعلي صوته ويقولها سيبك منها دي متشدده
وأنا مجرد حد بيكره الذنب اللي هو بيعمله بشكل مباشر كده بدون أي حياء هو واخد عني الفكره دي علشان أنا منتقبه وحافظه القرآن وبحفظ ناس
أنا بقيت بكره التصرف ده وهو بيعمله قدامي كده عادي وأوقات بتوصل لإنه يكلمها برومانسيه قدامي أنا مش عاوزه أقول إني بقيت بكره أخويا الكبير بس تصرفاته دي اللي أنا بكرهها هتوصلني لإني أكره
أنا كمان فى تالتة اول حاجه فكك منو وركزي فى دراستك 🙂 لا بهزر أنا شايف انك عملتى اللى عليكى ، انتى نصحتيه وهو مسمعش كلامك ، إن الله يهدى من يشاء ، بس احنا بردو بتاخد بالأسباب وانصحيه تانى وتالت بس غيرى الأسلوب يمكن اسلوبك هو اللى مخليه واخد فكرة عن اللى مثلك ما شاء الله ربنا يحفظك ويكتب من امثالك ، أنهم متشددين وكدة مع أن دا مفروض العادى ، ربنا قال "كنتم خير أمة أخرجت للناس تأمرون بالمعروف وتنهون عن المنكر" ، وبردو ربنا قال مخاطبا لرسول الله "ولو كنت فظا غليظ القلب لانفضوا من حولك" وانا بردو فى تالتة ثانوى ازهر علمى وحافظ الحمد لله للقرآن ، وبصراحة أنا كنت بردو كلمت وحدة وهي كانت محترمة وصاحبة اخلاق بس اوقات بيبقى كل واحد فينا ليه فترة ضعف فى إيمانه بس الحمد لله صارحتها انى عاوز أنهى العلاقة دى وهي كانت اصلا عاوزة كدة وبعدها بفتره اديت رقمها لأختى وخليت اختى تكلمها الموضوع دا بقالوا كدة تلت شهور ولغايه دلوقتي لسا بقاوم انى مفكرش فيها 🙂 ، المهم الواجب علينا لما نشوف حد الشيطان واخدو فى طريق ميرضيش ربنا نفوقو ، فأنتى بس ايه حاولى معاه قولي له انتو لو ليكو نصيب هتتقابلو بالحلال وعليك بالدعاء وكدة يعنى مش تدخليلو بالموضوع دا حرام فى الأول وكدة لا ، وربنا يهدينا جميعا وبس كدة والله المستعان
تم النشر الجمعة، ٢٦ ديسمبر ٢٠٢٥
يا حبيبتي، أنا فاهمة تمامًا إحساسك بالاختناق ده، وده طبيعي جدًا لأنكِ بنت محافظة ومنتقبة وحافظة قرآن، والحياء جزء من إيمانكِ. مش غلط إنكِ تكرهي التصرف ده، بس خلينا نحاول نحل الموضوع بطريقة هادية عشان ما يوصلش لكره الأخ نفسه – هو أخوكِ وفي النهاية عائلة. نصائح عملية خطوة بخطوة: خدي مسافة مؤقتة : لما يبدأ يكلمها قدامكِ، قومي غادري الغرفة بهدوء وقوليله "أنا هروح أدرس/أحفظ" بدون نقاش. ده هيحميكِ من الضغط ويخليه يفكر في تصرفه. حوار هادئ في وقت مناسب : اختاري لحظة هادية (مش وهو عصبي أو مشغول)، وقوليله كده: "يا أخويا، أنا بحبك وخايفة عليكِ من اللي ممكن يحصل، الإسلام بيأمر بالحي. مش عايزة أتدخل، بس أنا شايفة كده غلط." لو قال "متشددة"، قولي "ده مش تشدد، ده دين" وخلصي الكلام. أشركي حد كبير : قولي لأمكِ أو أبوكِ اللي بيحصل بهدوء، بدون اتهامات. هما الأقدر ينصحوه بسلطة أكبر، وده أحسن من الخناقة بينكم. ركزي على نفسكِ : استمري في دروسكِ أونلاين وحفظكِ، ده هيقويكِ نفسيًا. ادعيله بالهداية كل يوم، زي "اللهم اهدِ أخي وثبتْه على الطاعة". الصبر مفتاح الفرج، وأنتِ بتعملي اللي عليكِ. أنتِ قوية وفي الطريق الصح، متخليش الغضب يسيطر عليكِ – تخيلي لو هو شافكِ سعيدة وناجحة، هيغير رأيه! 😊 لو عايزة نصائح أكتر، ابحثي في فدني عن أسئلة شبيهة هتلاقي إجابات كتير، أو شوفي الخبراء هنا: https://www.fedni.net/experts. ربنا يهدي قلوبكم كلكم يا رب. 💕
تم النشر الثلاثاء، ٢٣ ديسمبر ٢٠٢٥
معقوله بيعمل كده قدامك المفروض يخاف يعمل كده ع الأقل قدامك عشان متقلديهوش أو تشوفي أن ده عادي عامه تجنبيه تماما وركزي في دراستك وحفظك وادعي له ربنا يهديه
تم النشر الأربعاء، ٢٤ ديسمبر ٢٠٢٥
ليس عليكي سوى النصيحة و و أن تدعي إلى سبيل ربك بالحكمة و الموعظة الحسنة و أن تدعي له و أن تصبري
تم النشر الأربعاء، ٢٤ ديسمبر ٢٠٢٥
لست عليهم بمسيطر
تم النشر الأربعاء، ٢٤ ديسمبر ٢٠٢٥
إنك لا تهدي من أحببت ولكن الله يهدي من يشاء
تم النشر الأربعاء، ٢٤ ديسمبر ٢٠٢٥
جربي تقولي لحد اكبر منك الموضوع مش سهل ابدا وحاولي تتجنبيه وادعي ربنا يهديه
تم النشر الأربعاء، ٢٤ ديسمبر ٢٠٢٥
جربي تقولي للوالد مثلاً.
تم النشر الثلاثاء، ٢٣ ديسمبر ٢٠٢٥
لا حول ولا قوة الا بالله، هل اخوكي يرضى انك تكلمي ولاد بالطريقة دي قدامه اظن لا ، لو تقدري تقولي لوالدك او حد كبير يكون احسن وياخد موقف منه لانه واضح انه مش بيستحيب للنصيحة بسهوله
تم النشر الثلاثاء، ٢٣ ديسمبر ٢٠٢٥
السلام عليكم.. مش معقول هو بيتكلم برومانسية كده بكل وقاحة وخصوصا انه عارف انك حافظة القرآن ... انا من رأيي انه بيعمل كل ده عشان يستفزك وبيتمايع عشان يقهرك أكثر .. عامليه بأقصى درجات البرود
تم النشر الثلاثاء، ٢٣ ديسمبر ٢٠٢٥
سألتيه لو انتي عملتي زي البنت دي هتكون ردة فعله ايه ؟ هيشوف الموضوع عادي ومش تشدد ؟
تم النشر الثلاثاء، ٢٣ ديسمبر ٢٠٢٥
السلام عليكم ورحمة الله وبركاته ، تجنبيه بقدر المستطاع يبدوا انه سفيه وجاهل فلا تهلكي نفسك مع هذا ، والله أعلم بحاله اذا كان يري انكِ متشدده لعدم قبولك بما يفعل فهل ياتري اذا اصبح ووجد اخته تكلم شاب هل سيقبل بهذا ويكون ديوث ام سيرفض ويكون متشدد ؟ ، لا تلتفتي إلي اقوال السفهاء واسألي الله الثبات علي الصواب والنجاة من فتن الدنيا.
تم النشر الثلاثاء، ٢٣ ديسمبر ٢٠٢٥
لعرض السؤال في فدني اضغط هنا