انا عندي سؤال مهم جدا و شاغل بالي بطريقة غبية لدرجه اني مش عارفة هل انا الغلطانه او لا و مش بجيب الغلط على حد لاني مدركه حاليا انه مينفعش و حرام لكن الحكاية كالآتي و انا صغيرة قبل البلوغ للاسف اتفرجت على علاقات جنسية كان على كمبيوتر البيت فى فولدر مش عليه باسوورد حتى اتمنعت اكيد من اني افتحه او اتفرج عليه لكن كان عندي فضول اتجاهة و بكل تأكيد لما كنت عيلة فتحت الفولدر ده.
هو. مكنش مخفي اساسا كان جنب الالعاب و كان فى غرفتي فكل الطرق تأدي اني اشوفه كان فيه افلام كثير و اتفرجت عليها و اكيد كنت بحاول اقلد فى الاول كان استغراب و فصول لكن مع باب مغلق معرض لانه ينفتح فى اي وقت كنت بخفي كل حاجه فى لحظتها
و لاني مدركه انه شئ غلط مع العلم اني كنت ببقى لوحدي اوقات كثير لشغل ابي و امي لكن بحثت بعدها بفتره كبيرة جداا عن الضرر و الحمد لله معملتش اي اذى لنفسي لكن بعدين بحثت على إن كانت حرام او لاء و عرفت انها حرام
وعدت نفسي كثير اني مش هعملها و بالفعل قدرت ابعد لكن فى لحظات بعد م بلغت او ادركت اكثر كنت بعمل كدا عن طريق التحفيز و اكيد كنت بتوب و برجع و هكذا لكن حاسه بأستياء و عدم. ادراك إلى حد ما.
انا عندي دلوقت 17سنه الموضوع حاسه اني متأثرة اني شفت حاجه زي كدا مع اني مكنتش اقصد او مش بإيدي فى نفس الوقت خايفة من ضرر ده و من اني استمر انا فى كل مره ببعد بمعنى الكلمه يعني عدا سنة او اكثر عادي لكن للاسف بقع فيها معرفش ليه لكن اللي أعرفه اني مش عايزة استمر فيها لادراكي انها حرام اسااسا بغص النظر عن الاضرار و سؤالي هل السبب ان الفلدر الكمبيوتر يكون عليه حاجة زي كدا هيتحاسب على ده؟ وهل اني اشوف حاجه زي كدا فى سن صغير يمكن 10او 11ليه ضرر عليا؟
السلام عليكم ورحمه الله وبركاته. لو هنجاوب على غلط على مهلي من البدايه غلط طبعا على الشخص الغير مسؤول اللي ساب الفولدر ده على الكمبيوتر اكتفى بس انه هو يعني يثير الفضول ويقول محدش يخش الفولدر ده يعني ودي لوحدها كده جمله مستفزه جدا لما يكون عندنا في البيت اعمار صغيره كبيره يعني لازم هينتبهوا من الفضول المخ ما بيتعاملش مع النفي فهيبقى دائما المخ بيلح عليا روح افتح الفولدر اللي حصل ده طبعا فللأسف الخطا وقع على الشخص الكبير المسؤول اللي عمل الموضوع ده وحط الفولدر ده. الاثر بقى طبعا كل حاجه بتحصل في السن بتاع التنشئه كله كلها بتتخزن كلها بيكون لها اثر ولكن ده مش معناه ان هي خلاص حاجه بقى يعني ما ينفعش ان احنا نمسحها او ما ينفعش نتعامل معاها لا طبعا نقدر حاجه حصلت بالغلط حصلت بسبب خطا حد ثاني ايا كان بقيت سايبه اثر عندنا بقت صور متكونه جوه دماغنا ان احنا بنقدر نعمله ان احنا نبدأ نحط صور انظف منها ببساطه كده فانا دلوقتي متكون جوه دماغي صور مش كويسه فلا انا هبدا احط صور كويسه اكتر منها بكتير فكده كده لما يجي مخ يدخل على الفولدر بقى اللي في دماغي بتاع الصور هيلاقي صور الاغلب هي الصور النظيفه فهيجيب لي منها هيبقى صعب جدا يطلع لي الصوره اللي مش كويسه هي اصلا هتبدا تبقى ملامحها مختفيه بالنسبه لي لانه انا شفت انظف منها وأحسن منها بكثير وهو ده بالظبط بيبقى زي ما يكون عندي بقعه وانا عايزه انظفها ببدا اجيب مسحوق او حاجه تقدر تدخل على البقعه وتخففها تخففها او تمحيها خالص كل اما البقعه كانت قديمه كل ما كان الموضوع ممكن اصعب شويه ولكن مش مستحيل فاحنا هنبدا نشتغل على الموضوع بالشكل ده انا للاسف شفت حاجات عن ازاي رجل وست بيتعاملوا بطريقه انا مش المفروض اشوفها فانا هبدا املي عيني بقى من ايه من التعاملات الحراريه النظيفه كويسه يعني اشوف بقى الفيديوهات بتاعه الناس اللي بتحترم المسافات وما بتسلمش بايديها الاثنين المخطوبين اللي هم ما بيسلموش على بعض فبيعملوا فيديوهات كده لطيفه مثلا ايديهم بعيده عن بعض وما بيعملوا سيشن بدون تلامس ابدا اشوف الحاجات دي اكتر بكتير كل ده هيرجع يعمل جوايا كده اعاده ضبط المصنع للشكل المضبوط المفروض يكون متسستم عندي وما يبقاش عادي اني اشوف ناس بدون هدومهم ما يبقاش عادي بالنسبه لي اني اشوف ناس بتتلامس تلامس حرام وده هيكون احسن حاجه ان انا اصور بيعمل نفسي واصلح بيها الخطا اللي حصل من غير ما نقصده من غير ما يجري يكون واعي للضرر اللي هو بيسببه لكل اللي في البيت.
تم النشر الأحد، ٢٢ يونيو ٢٠٢٥
السلام عليكِ ورحمة الله وبركاته، عزيزتي، أولًا، أشكر لكِ صراحتكِ وشجاعتكِ في مشاركة هذا الأمر المهم والحساس، وأود أن أقول لكِ إن الفضول والحيرة في مرحلة المراهقة أمر طبيعي جدًا، خاصة حين يتعرض الإنسان لأشياء لا يفهمها تمامًا، وهذا لا يجعلكِ مذنبة أو مخطئة بشكل كبير، بل هو موقف يتطلب منكِ التعلم والنمو. لنبدأ بالتفصيل: من الخطأ؟ ما حدث في طفولتكِ كان خارج إرادتكِ، خاصة أن تلك المواد كانت متاحة على جهاز في البيت بدون حماية أو رقابة. أنتِ ببساطة كنتِ فضولية في سن صغيرة. الخطأ الأكبر كان ترك مثل هذه المواد متاحة في البيت، خصوصًا للأطفال، وهذا مسؤولية الأسرة. ولاحظتِ أنكِ الآن تدركين أن ما رأيتيه وأفعاله حرام، وهذا وعي مهم جدًا وقيمة عالية تستحقين عليها الأجر، لأن التوبة والنية الصادقة تبعد الفرد عن الخطأ. ما الضرر؟ التعرض لمثل هذه المشاهد في سن صغير يمكن أن يسبب أضرار نفسية، مثل: قلق أو اضطراب في الفهم الطبيعي للعلاقات الجنسية. خلق توقعات غير واقعية أو مشوشة عن الجنس. الشعور بالذنب والخجل المستمر. لكن مع وعيكِ الحالي وحرصكِ على الابتعاد، أنتِ تبذلين جهدًا مهمًا نحو تصحيح المسار. هل سترتكبين ذنب إذا استمررتِ؟ إذا واصلتي الابتعاد والتوبة المتكررة، فإن الله سبحانه رحيم يغفر، وأنتِ في طريق الصحيح. التكرار ليس مبررًا، لكنه يدخل ضمن طبيعة البشر الذين يخطئون ويتوبون. هل يتحمل من وُجدت عنده هذه المواد المسؤولية؟ نعم، من يترك مثل هذه المواد متاحة بدون رقيب في بيت فيه أطفال هو مسؤول عن ذلك شرعًا وأخلاقيًا. لذلك، هذا خطأ من جانب الأسرة عليهم أن يكونوا أكثر حرصًا. هل مشاهدة هذه المواد في سن صغير تؤثر؟ نعم، الطفل أو المراهق يحتاج إلى حماية، ووقوعه في مثل هذه الأخطار مضر لأنه لا يستطيع استيعاب الأمور بشكل صحيح بعد. لكن الأهم هو أن تتقبلي ماضيكِ، وتثبتي على قرارك بالابتعاد الآن. نصائح عملية لك: حافظي على تواصلك مع الله بالدعاء والاستغفار والتوبة الصادقة، فهذا يريح النفس ويقربك للطريق الصحيح. حاولي إشغال وقتك بهوايات مفيدة وتطوير ذاتك، فالعقل المرتاح ينشغل بالأشياء المفيدة بدلاً مما يؤذي النفس. ابتعدي عن أي محركات أو أماكن قد تعيدك لهذه المشاعر أو التجارب. إذا شعرتِ بصعوبة في السيطرة أو القلق المستمر، فكرّي في استشارة خبير نفسي أو إسلامي متخصص يمكنه تقديم دعم مخصص لكِ في فدني عبر صفحة الخبراء. ختامًا، عزيزتي، لا تلومي نفسك كثيرًا، فالأهم هو نيتك الآن والإصرار على التحسن. ربنا دائمًا رحيم ويحب توبتنا الصادقة. لو عندك أي استفسار أو حابة نتكلم أكثر، أنا هنا دائمًا معكِ. ذكية ❤️
تم النشر السبت، ٢١ يونيو ٢٠٢٥
حبيبتي انتي ما لكي ذنب في حاجة انت كنتي طفلة صغيرة مش فاهمة حاجة، حاقول لك على قاعد احنا مش مسؤولين عن الفعل لكن مسؤولين عن رد الفعل يعني اي يعني ببسطة كده هل انتي كنت عاوزة تشوفي الحاجات دي و انتي اللي روحتي تبحثي عنها لا محصلشي يبقى ما لكي ذنب في دا و لا مسؤولة عنه لكن انتي مسؤولة عن الوقت الحالي اللي بقيت واعية فيه و عن اختياراتك انتي، ف دلوقتي هل انتي مستمرة في مشاهدة دا ولا لا لو لسه يبقى هنا اقول لك لا هنا انتي مسؤولة عن دا طب الحل ايه، الحل فيها هو نمط حياة ممتلي و صحي يعني ما تسيب اي وقت فراغ عندك اعملي لنفسك جدول فيه مهام صحية تمشي عليها زي الصلاة و قراءة القرآن و التدبر فيه او تتفسحي مه صاحباتك البنات او حتى تكلمي بنات عيلتك او اتعلمي حاجة جديدة تسلي وقتك زي الخياطة او الغات جديدة او الطبخ كل دي حاجات حتسعدك انك تبعدي عن الحاجات دي و كمان في تطبيق حلو للموضوع دا اسمه واعي و لهم صفحات على الفيس بوك و على تيليجرام و على اليوتيوب و على تويتر و كله ف تابعيها و اسمعهم و بيعملوا معسكرات للبنات يعملوا فيها مهام مع بعض و حاجات كده تملي وقت فراغك و تساعدك تحسني من نفسك، و ربنا يهدينا و إليكي حبيبتي و يصلح حالنا و يرشدنا الي ما يحب و يرضى 🌸
تم النشر الخميس، ٢٦ يونيو ٢٠٢٥
الآن ميهمكش الأضرار.. الآن يهمك انك تستعيد ثقتك في نفسك اللي اتأثرت بالشئ ده .. متبصش انك مذنب بل بص انك تائب .. والأضرار هتقويك بدل ما تكسرك... حاول تكسر الملل اللي بيخليك تتجه للأفلام .. اعمل رياضة مثلا
تم النشر السبت، ٢١ يونيو ٢٠٢٥
بص امسح الفولدر واستغفر الله وحاول متقعدش لوحدك كتير واسمع قرآن وصلي وكل حاجه هتبقي تمام طول ما في فراغ في شيطان في اشغل نفسك بأي حاجه بعيده ..!!
تم النشر السبت، ٢١ يونيو ٢٠٢٥
لعرض السؤال في فدني اضغط هنا