فرحها بعد العيد ومش قادر اتخيل انها هتكون لغيري كانت هيا حب حياتي وكنت برفض بنات كتير عشانها ولما كونت نفسي وعملت الشقه واستقريت ماديا اخوها رفض لسبب خلافات قديمه بيني وبينه معا ان ابوها واعمامها كانو موافقين مش قادر اطلعها من قلبي ولا دماغي ولا عارف احب غيرها
اي الحل عشان اعرف اكمل حياتي عادي وانساها
السلام عليكم ورحمة الله وبركاته يمكن كلامنا مش هيغير حاجة بس احنا بنحاول بجد اننا نكون جمبك 💕 بص بقا اتعلم ان الدنيا مش مستمره يعني مش هنفضل على نفس الحال بمعني الإنسان مش ضامن حد حتى كمان مش ضامن نفسه هيبقا كويس بكره ولا لا ولكن بلاش نضيق حياتنا وعلاقتنا ونخليها تبقا واقفه على حد معين زعلك مش هيفيدك بحاجة وانا هنا والله مش قاصده ان ازعلك بكلامي او حاجة ولكن عن تجربه الدنيا شبه المطار ناس بتيجي وبتمشي وناس بتمشي وبتيجي تاني يعني ما تحطش حد معين وترسم حياتك عليه خلي ربنا اول أولوياتك وهنا بردو مش قصدي انك مش قريب من ربنا وكدا بس يمكن ربنا عمل كدا علشان شافك انك بقيت متعلق زياده عن اللزوم ونسيته ويمكن شاف ان لقدر الله لو كانت من نصيبك ماكنتوش هتبقوا عارفين تفهموا بعض صلى وادعي ربنا كتير والله لو بعد سنين وهي مكتوبه انها هتبقي من نصيبك فعلا هتكون من نصيبك بلاش الحزن بجد الحزن وحش خالص وهيخليك انسان مطفي وشايف الدنيا كلها سوداء بلاش كدا ابدأ من بكرة يوم جديد حياه جديده حاول مع انها صعبه وانا بقولك فعلا هتبقا صعبه عليك بس مفيش حاجة صعبه علي ربنا اشغل نفسك بحاجة بتحبها رياضه معينه قراءه كتاب بتحبه ونام كويس مفيش حاجة تستاهل زعلك والله وهتعرف دا بعدين الزعل غلط بيأثر على المخ والاعصاب والنوم وهيخلي عندك أرق فظيع بجد حاول تطلع نفسك من اللي انت فيه سيبها على ربنا وهتتحل فيه ناس كتير اتجوزت عن حب واتوجعت بطريقه بشعه بجد ربنا بيختبر صبرك وعارف انك قد الامتحان دا ويمكن دا خير ليك ((عسي أن تكرهوا شيئاً وهو خيراً لكم وعسى أن تحبوا شيئاً وهو شراً لكم ".... تاني صحتك اهم. تنام كويس. طول ما عيلتك بخير فـ انت بخير عمرها ما كانت بحسابات حد فينا كله بتدبير من ربنا ناس كتير رتبت حياتها على وظيفه معينه وفي الاخر ماطلعتش من نصيبها وربنا شاف ليهم حاجة احسن من اللي كانوا بيحبوها وهما وقتها قالوا الحمدلله ما تفكرش كتير اللي من نصيبك شبه ما بيقولوا هيصيبك طول ما انت قاعد قول يارب اربط على قلبي. وإن شاء الله كمان أسبوعين كدا على ما تتأقلم تلاقيك منزل انك بقيت كويس وبخير 💕وربنا يطمن قلبك يارب وأتمنى كلامي ما يكونش مزعلك بس ركز في أي حد قالك نصيحه هنا كلنا خايفين عليك فعلا 💕💕
تم النشر السبت، ٢٨ فبراير ٢٠٢٦
السلام عليكم ورحمة الله وبركاته- قال الله تعالي بسم الله الرحمن الرحيم ( وَعَسَىٰ أَن تَكْرَهُوا شَيْئًا وَهُوَ خَيْرٌ لَّكُمْ ۖ وَعَسَىٰ أَن تُحِبُّوا شَيْئًا وَهُوَ شَرٌّ لَّكُمْ ۗ وَاللَّهُ يَعْلَمُ وَأَنتُمْ لَا تَعْلَمُونَ ) هي مش نصيبك ويمكن لو كنتوا اتجوزتوا كنتوا هتبقوا تعساء اكيد ربنا شايلك الخير بس رزقك لسه مجاش - ومتنساش (وَاسْتَعِينُوا بِالصَّبْرِ وَالصَّلاةِ )اصبر وادعي ربنا يخفف عنك ويهون عليك واكيد هيجبر بخاطرك ان شاء الله
تم النشر السبت، ٢٨ فبراير ٢٠٢٦
يعني اخوها يقول كلام فوق كلمه ابوها ما علينا اخي ربنا لما خلقنا قدرناوكان مكتوب واساسا العلاقه الي لا ترضي الله نهايتها لن ترضيك هي مش نصيبك حتقلي رح انسي رح قلك رح تنسي بجوز بعض اوقات تتذركها بس رح تنسى الانسان لما بفكر شوي بينه وبين نفسه بيعرف انو الدنيا ما تستاهل شي يعني الانسان بده يكون كلشي عند يكون اطول شخص واحلى شخص وعنده احلى صوت كائنه عايش بالحياة خالد كائنه يعني لو شقت حالها يوصل 60 70 ويموت انا بفكر هيك بعرف انو ها الدنيا ما تستاهل نزعل اساسا كلها كم يوم ونموت
تم النشر السبت، ٢٨ فبراير ٢٠٢٦
أخي العزيز، أنا عارفة إن اللي جواك صعب جداً، وده حب صادق كان هيخلي حياتك أجمل، بس رفض أخوها ده اختبار من ربنا عشان يفتحلك أبواب أحسن. قلبك هيتقوى مع الوقت، وأنت مش لوحدك في ده – كتير ناس مروا بنفس الإحساس وطلعوا أقوى. خلينا نعمل خطة عملية عشان تطلعها من قلبك ودماغك وتكمل حياتك: 1. قطع الاتصال تماماً (No Contact Rule) : احذف رقمها، صورها، وكل حاجة تفتكرك بيها من موبايلك وسوشيال ميديا. تجنب الأماكن اللي تشوفها فيها أو أهلها، حتى لو صعب في الأول. 2. ركز على نفسك وتطويرك (أنت الآن جاهز أكتر) : أنت عملت شقة واستقريت مادياً – برافو! خلي ده وقودك: روح الجيم يومياً، تعلم مهارة جديدة (زي لغة أو كورس أونلاين)، أو ابدأ مشروع صغير. الإنجاز هيملأ الفراغ. زد عبادتك: صلِّ النوافل، اقرأ قرآن يومياً، وادعي ربنا يرزقك اللي أحسن ليك. التوكل على الله هيخفف الهم. 3. غير تفكيرك (Rewire Your Brain) : كل ما تفتكرها، قل لنفسك: "ده مكتوب مش ليا، وربنا عندي خير كتير". اكتب قائمة بـ5 أسباب إنها مش مناسبة (زي خلافات الأخ ده علامة حمراء). شوف بنات تانية بشكل شرعي: روح مسجد أو عائلة تسأل عن خطبة، أو استخدم تطبيقات زواج حلال. قلبك هيفتح تدريجياً للي تستاهلك. 4. الصبر والوقت سلاحك الأقوى : أول شهر هيكون أصعب، بس بعد 3 شهور هتلاحظ فرق. أنت راجل قوي عملت لنفسك مستقبل، واللي جاي أحلى إن شاء الله. لو عايز دعم أكتر، ابحث في فدني عن أسئلة مشابهة هتلاقي إجابات كتير، أو شوف الخبراء هنا: https://www.fedni.net/experts – في متخصصين في الإرشاد الأسري والنفسي هيساعدوك. قولي إيه رأيك في الخطة دي، وهتقدر! 💪❤️
تم النشر السبت، ٢٨ فبراير ٢٠٢٦
ربنا يصبرك. يمكن كلامنا ونصايحنا م هتقلل ولو حاجة بسيطة من اللي انت حاسس بيها بس لازم تتقبل الأمر الواقع. الدنيا مش جنة وفيها ابتلائات كتير واللي ربنا بيحبه بيبتليه عشان يرفع درجته في الدنيا. وصدقني لو انت شايف المستقبل والغيب كنت هتختار نفس الحاجة لان ربنا شايف الأحسن لينا بس احنا نظرنا قاصر على اللحظة دي بس إنما ربنا بيرعانا اللحظة دي ولحد ما نموت فأكيد ده الخير ممكن انت مستحيل تصدق دلوقتي بس والله ربنا ما بيكتب حاجة وحشه لينا. هتتعب دلوقتي كتير عشان ربنا يعوضك بعدين
تم النشر السبت، ٢٨ فبراير ٢٠٢٦
ربنا يعوض عليك بالاحسن ان شاء الله دايما عوض ربنا بيبهرنا ربنا يصبرك ويعينك
تم النشر السبت، ٢٨ فبراير ٢٠٢٦
لعرض السؤال في فدني اضغط هنا