أنا لسه خارجه من علاقة حب وارتباط وخطوبة دامت لسنتين خارجة من العلاقة دي مستنزفه ومعنديش اي طاقة وعندي كمية طاقة سلبية رهيبة مش عارفه اتخطى أنا اتخزلت من اكتر شخص كنت واثقة فيه
أنا عارفة اني احسن دلوقتي من اني ابقي مع حد مبيحبنيش أو بيخدعني بس انا بجد تعبانة جدا نفسيا ومش عارفه اكمل حياتي الطبيعية أنا بقالي تلات شهور بحاول ابقى اهدي شوية ومش عارفه
عندي إحساس بالرفض من كل الناس علشان خسرت صاحبتي كمان في الفترة دي وحرفيا بقيت لوحدي علاقتي بأهلي مش أحسن حاجه مكنش ليا غير خطيبي وصاحبتي والاتنين مبقوش موجودين
بقيت اروح الشغل لوحدي وممكن ماتكلمش مع حد خالص طول اليوم أنا حقيقي تعبانة جدا وحاسة إن أنا اللي غلط في كل اللي بيحصل أنا مش عارفة ازاي اكمل حياتي وابقى مبسوطة فيها
السلام عليكم، مشاعرك طبيعية واستنزافك بعد اللي مريتِ به أمر طبيعي ومش مطلوب منك إنك تجبري نفسك ترجعي طبيعية وتنسي كل حاجة على طول. خدي وقتك في التعافي. الزمن كفيل ينسي ويداوي أي جروح. فاصبري على نفسك واعطيها كل الوقت اللي محتاجاه. *** والموضوع مش هيتحل بمقاومة التفكير فيه أو نسيان الأذى اللي تعرضتِ له أو ذكرياتك مع الشخص ده أيا كانت، لو قاومتِ وحاولت تجبري نفسك على عدم التفكير هتفكر ومش هتقدر تاخد وقتها في التعافي، الحل إنك ترجعي تمارسي حياتك وتغيري روتينك وتتخلصي من الطاقة السلبية واحدة واحدة، إنك تفوقي لنفسك وتعرفي إن محدش يستحق تضيعي حياتك وعمرك ووقتك الغالي بسببه وتستهلكي مشاعرك ونفسيتك. فكري نفسك بكل الأسباب اللي لازم ترجعي أحسن عشانها وليه تستحقي تكوني في حال ووضع أفضل وتعاملي مع الماضي إنه كان درس مهما كان قاسي فأنتِ أكيد تعلمتِ منه عشان متكرريش الغلط ده مرة تانية. أيا كان اللي حصل في العلاقة دي فتعلمي منه واعرفي إزاي تحافظي على كرامتك وحقوقك ومتخليش حد أبدا ييجي عليكِ. ابدئي تعلمي عن العلاقات السوية ويا ريت لو عندك هوايات أو مهارات معينة تنزلي ورش خاصة بها وتتفاعلي مع الناس اللي بتشاركك الاهتمامات دي الخطوة دي هتساعدك تخرجي من الفقاعة اللي حابسة نفسك بها من إحساس الخذلان ولوم النفس والأسف على الماضي. اخرجي برا الفقاعة دي واسمحي لنفسك تشوف الامور من زاوية جديدة وتحس بشعور النجاة وإنها كانت محظوظة بنجاتها من علاقة سامة كانت هتدمرها تماما. فالألم اللي بتحسي به حاليا كان هيبقى أضعاف مضاعفة لو استمريتِ مع شخص مؤذي... فكرري الكلام ده على نفسك لحد ما ينغرس جواها وتعتنقه كحقيقة وتفوق للواقع والمستقبل. استعيني بالله وابدئي، وربنا يوفقك ويكتب لك اللي فيه الخير. 💚💚
تم النشر الأحد، ١ نوفمبر ٢٠٢٦
قربي من ربنا وخليكي ف صلاتك ودينك وشغلك بلاش بجد تكتئبي وتزعلي اللي بتحسي بيه دا طبيعي خلاص ربنا بحبك ونجاكي من العلاقه مع الشاب فخلاص دا الأفضل والأخير ليكي طبيعي تزعلي لأن التعلق وحش بس افتكري ان دا كان حرام وغلط وإن البعد أفضل كان ليكي ف اشغلي نفسك يا ستي الدنيا مش بتقف ع حد سوا صحابك أو غير وربنا يبعتلك صحبة كويسه اتعاملي مع الناس وصدقيني انتي بس عشان كله جي ورا بعض نظرتك لنفسك إنك حد مش مقبول بس والله خالص محدش يعرف الخير فين سوا صحابك أو الشاب دا فاستمتعي ب ايامك واعملي حاجات بتحبيها تعلمي هواية جديده حطي هدف قدامك مثلا انك تتعلمي كورس أو تختمي القرآن وكبري دماغك من اي حاجه لان الزعل وحش لما بزيد عن حده فخرجي نفسك من الدايرة وربنا يكرمك في حياتك ومتتعلقيش بحد خلي مسافه بينك وبين اللي حواليكي مهما كان مدى القرب بس عشان لما يبعدو تعيشي عادي من غير زعل أو حزن
تم النشر الأحد، ١ نوفمبر ٢٠٢٦
أنا آسفة جدًا إنك بتمري بكل التعب ده، وأقدر إن الخروج من علاقة استمرت سنتين وانتهت بالخيانة والخذلان بيخلي الواحدة تحس إنها مستنزفة تمامًا ومش قادرة ترجع لحياتها الطبيعية. مشاعرك طبيعية جدًا، والإحساس بالرفض والوحدة بعد ما كنتِ تعتمدي على شخصين أساسيين في حياتك ده شيء يحتاج وقت وجهد عشان يتعالج، ومش غلطك إن اللي حصل حصل. الخيانة والخذلان من الطرف الآخر، وأنتِ دلوقتي بتعرفي قيمتك أكتر لأنك مش مستعدة تبقي مع حد مش بيحبك بصدق. عشان تبدئي تتخطي وترجعي تبني سعادة داخلية، ركزي على خطوات صغيرة يومية تعيدي فيها السيطرة على حياتك. مثلاً، حددي روتين يومي بسيط في الشغل أو البيت يشمل أنشطة بتحبيها زي القراءة أو الطبخ أو حتى المشي لوحدها، واستعيني بالصلاة والدعاء والقرآن عشان تلاقي راحة نفسية من جوا، لأن الإيمان بيمنح قوة وصبر في الأوقات دي. كمان، حاولي تكتبي يوميًا ثلاث حاجات إيجابية حصلت، حتى لو بسيطة، عشان تقللي من الطاقة السلبية وتبني نظرة أكثر توازنًا. لو حسيتِ إن الشعور بالذنب بيسيطر، تذكري إنك مش مسؤولة عن خيانة الآخرين، وده هيساعدك تتقبلي الوضع وتتقدمي. الوقت هيساعد، وأنتِ بالفعل بتحاولي من ثلاث شهور، وده دليل على قوتك. ابحثي عن أسئلة مشابهة على فدني عشان تشوفي تجارب تانية وتاخدي أفكار إضافية. أنتِ مش لوحدك في الرحلة دي، وهتقدري تبني حياة أسعد وأقوى خطوة بخطوة.
تم النشر الأحد، ١ نوفمبر ٢٠٢٦
خير جدا ورحمه من ربنا بجد، روحي لربنا وابدئي خدي دروس وشريعه او ابدئي بحلقات القرآن هتلاقي صحبه جميله هناك واتعلمي هاند ميد واشحني طاقتك باللي بتحبيه بتحبي الرسم ارسمي او جيبي كراسه تلوين ولوني بتحبي الكتب اعملي كدا واخرجي لحديقه اتصوري هناك واسمعي بودكاست وعي او ايه المشكله او مجالس الشباب لشريف علي بجد حالتك هتتحسن ودنيتك كلها
تم النشر الأحد، ١ نوفمبر ٢٠٢٦
انزلي مثلا GIM او مارسي رياضة او املي وقتك بهواية انتي بتحبيها المهم متسلميش دماغك لفكرة انك لوحدك وانك عاجزة عن التقدم بالعكس انتي تقدري تعملي حجات كتيره حلوة لوحدك من غير ما تحتاجي لوجود حد ف حياتك عيشي لنفسك وطوري من نفسك ❤
تم النشر الثلاثاء، ٣ نوفمبر ٢٠٢٦
وفيها اي لما تعيشي لوحدك يا بنتي دي نعمة انتي مش حاسة بيها وفيها اي لما تخرجي لوحدك وتقضي اوقات سعيدة وكويسة ف اماكن كويسة لوحدك انا مثلا اهو مقضيها لوحدي جدا وبروح واجي براحتي وبخرج ف اماكن كويسة لوحدي والاحسن من كل دا بطور ف نفسي لوحدي ف كذا مجال بملي بيهم وقتي فا نصيحة مني لوحدك احسن اشتغلي علي نفسك و طوري من نفسك اعملي لنفسك روتين يومي وطوري من نفسك ف حجات ناقصاكي بعيد عن اي حد ممكن يعطلك عنها ف هدوء كدة وقربي من ربنا قبل كل شيء وربنا يصلح حالك يا صديقي ❤
تم النشر الثلاثاء، ٣ نوفمبر ٢٠٢٦
ربنا هو احسن طريق بجد هو هيفرجها و هيسهلك الدنيا
تم النشر الاثنين، ٢ نوفمبر ٢٠٢٦
روحي لطبيب نفسي
تم النشر الأحد، ١ نوفمبر ٢٠٢٦
لعرض السؤال في فدني اضغط هنا