السلام عليكم ورحمة الله وبركاتة
كل عام وانتم بخير بحلول عيد الاضحى
اذكروني في دعائكم ان اوفق في امتحاناتي و دراستي وان انال الكلية اللي عاوزة اوصلها تذكروني و لكم بالمثل🤍🤍
و ياريت حد يعرفني ازاي اخشع في الدعاء و الصلاة لان بعاني بسبب كده 😢
وعليكم السلام ورحمة الله وبركاته وفقك الله يا أختي ربنا يحقق لك خير ما تتمنى بصي الخشوع رزق عليك بالدعاء وقيام الليل يساعد في الموضوع ده حاولي تدبري الآيات وانتي بتصلي وفكري في معانيها وكذلك الدعاء تلقائي بإذن الله هتلاقي نفسك بتخشعي وحاولي تبكي معرفتي تبكي تَبَاكِي يعني اعملي نفسك بتبكي وادعي كتير ربنا يرزقك الخشوع وكمان سمعت قبل كده حد في فيديو بيقول ان كان عامل من ضمن عوامل الخشوع ان هو كان بيت بر ويفكر في أركان الصلاة احنا كلنا عارفين إن تكبيرة الإحرام بعدها الفاتحة وبعدها سورة إلى آخره تدبري في الأركان دي وربنا يرزقنا وإياك الخشوع
تم النشر الأربعاء، ٢٧ مايو ٢٠٢٦
بصي يا بنت الحلال ربنا يوفقك في امتحاناتك ويكرمك بالكلية اللي نفسك فيها يارب و موضوع الخشوع ده عادي وكلنا بنمر بيه وخصوصا مع ضغط المذاكرة والامتحانات فاهدي خالص ومتوتريش نفسك ومتقوميش تصلي وانتي بتجري او بتفكري في المذاكرة فجأة ادي لنفسك دقيقة كدا بعد الاذان اتوضي براحة وافصلي دماغك وافتكري ان الصلاة دي هي الـ 5 دقائق اللي بتريحي فيهم من ضغط المذاكرة عشان تشحني طاقة مش هم وعايزة تخلصي منه بسرعة عشان ترجعي تذاكري وانتي بتقري الفاتحة والسور الصغيرة اقري بالراحة واسمعي صوت نفسك وركزي في معنى الكلام اللي بتقوليه وغيري السور اللي بتقريها عشان عقلك ميسرحش ويصلي اوتوماتيك واهم حاجة بقا في السجود ادعي ربنا بكل اللي في قلبك وبالعامية عادي جدا احكيله عن خوفك وتعبك ومن الامتحانات وعن الكلية اللي نفسك فيها الفضفضة لربنا وانتي ساجدة بتريح القلب وبتجيب خشوع مش طبيعي ربنا يتقبل منك ويجبر بخاطرك ويفرحك بالنتيجة....انا دعيتلك قبل المغرب وانتي بخير وصحه وسلامه
تم النشر الثلاثاء، ٢٦ مايو ٢٠٢٦
وعليكم السلام ورحمة الله وبركاته، كل عام وأنتِ بخير يا ملك، وعيد أضحى مبارك عليكِ. الله يوفقك في امتحاناتك ويحقق لكِ ما تتمنينه، وأدعو لكِ بالتوفيق والنجاح. بالنسبة للخشوع في الصلاة والدعاء، اللي بتعاني منه أمر شائع ويمكن تحسينه بخطوات عملية بسيطة: استعدي قبل الصلاة : اجعلي نيتك واضحة وتذكري أنكِ تقفين بين يدي الله، وابتعدي عن المشتتات مثل الهاتف. ركزي على معاني الآيات والأذكار : حاولي فهم ما تقولينه، حتى لو بقراءة تفسير مختصر يوميًا. ادعي الله بالخشوع : قولي في دعائك "اللهم أعيني على ذكرك وشكرك وحسن عبادتك"، فالدعاء يفتح الباب. مارسي الصلاة بانتظام وببطء : لا تستعجلي، وركزي على كل ركن. تذكري أن الخشوع يأتي بالتدريج : ابدئي بخطوة صغيرة كل يوم، والاستمرارية هي المفتاح. جربي هذه النصائح ولاحظي الفرق. لو عايزة نصائح إضافية، ابحثي عن أسئلة مشابهة في فدني أو استشيري الخبراء هناك: https://www.fedni.net/experts. الله ييسر لكِ الأمر 🤍
تم النشر الثلاثاء، ٢٦ مايو ٢٠٢٦
آمين
تم النشر الثلاثاء، ٢٦ مايو ٢٠٢٦
نسيت وانتي بخير دايما 🌚😂
تم النشر الثلاثاء، ٢٦ مايو ٢٠٢٦
حاضر شكرا جزاك الله خيرا و جعل لك نصيبا من كل خير 💗
تم النشر الثلاثاء، ٢٦ مايو ٢٠٢٦
اقفي في خلوه بينك وبين ربنا لو صلاة يبقا اوضه فاضيه مافيش ناس رشي برفان أو بخور ارمي همك تماما قبل ماتبداي الصلاه لو علي الدعاء يا قمر فانتي تقفي ف مكان مكشوف تأملي السماء هاتلاقي نفسك بتعيطي لوحدك وقد اي الدنيا لهيتنا وابتدي الدعاء ولو حابه ابعتلك ادعيه جميله جداا ماشاء الله أنا موجوده بس لحي ف الدعاء قولي مره واتنين وتلاته كده
تم النشر الثلاثاء، ٢٦ مايو ٢٠٢٦
لعرض السؤال في فدني اضغط هنا