مجهوله للأبد

انا من رأي الشخص اللي ميحسسش البنت بالامان ميستاهلش انها تضيع وقت معاه ده واحد بيختفي عشان زهق ولما بيمل بيرجع تاني يعني مش بيحبك لو بيحبك بجد مش هيرتاح غير لما تبقي معاه بشكل رسمي لكن هو سايبك عادي تتخطبي او تتجوزي واحد غيره مش فارقه اللي زي ده متعبريهوش ولا تفكري فيه مجرد التفكير بتعطيله قيمه

هو للأسف الحاجات دي فعلا حرام وفيها ذنوب مع ان الكل بيعملها بس كل واحد هيتحاسب لوحده يمكن انتي من جواكي رافضه المواضيع دي بس فكرة انك بتتفرجي عليها غي حد ذاتها حرام هو طبعا مش حل بس حاولي تتفرجي علي حاجات عربي اكتر بحيث متكونش بعيده عن العقيده او حتي حاجات تركي بما انهم مسلمين زين وطبعا اي حاجه منافيه للأداب عديها ومتتفرجيش ولو عايزه تقوي اللغه الانجليزيه فيه بودكاست وقصص صوتيه تقدري تسمعيها

حبي نفسك وتقبليها زي ماهي واوعي تحسسيه لوهله واحده انك مش حابه نفسك لو فيكي عيوب وتباني مكسوره ومكسوفه عشان اللي ميعملش قيمه لنفسه محدش هيحترمه فأنتي كبري نفسك وحسي بيها واقفي قدام المرايا وقولي انا حلوه وزي القمر واي حد يتمناني شوفي مميزاتك سواء في شكلك او شخصيتك واكيد كلنا فينا عيوب مش بنحبها بس ده بنقوله بينا وبين نفسنا اوعي تصارحيه بالكلام ده وهو لو مش حابك مش هيتجوزك

فاهمه مشكلتك بس عايزه اقولك من خلال تجربتي الشخصيه الخوف والقلق ماهو إلا اوهام الانسان بيحبس نفسه جواها وطول ما انتي بتفكري شكلي ايه قدام الناس وبيفكرو فيا ازاي ومعندكيش ثقه في نفسك هتلاقي نفسك بتضيعي عمرك كله وانتي محبوسه في البيت خوفاً من مواجهة العالم بالاضافه ان اللي معندهوش ثقه في نفسه كل الناس بتقل منه وبيصدق اي كلمه سلبيه عنه وبيعمل حساب للناس زياده عن اللزوم ببساطه كدا حياتك هتضيع بسبب الخوف والحل انك تواجهي خوفك ده في البدايه انزلي الشارع كتير واتعاملي مع الناس حاولي تواجهي المواقف بنفسك حاولي تبدأي كلام وتفتحي مواضيع حطي في بالك انك حلوه وشخصيتك قويه واتكلمي وقولي رأيك متفضليش قاعده علي جنب ساكته حطي بصمتك في اي مكان تروحيه اي مناسبه استغليها وروحي كوني صداقات مع الناس هزري واضحكي وفي نفس الوقت اعملي لنفسك شخصيه قويه مع الوقت هتتعودي والقلق هيروح تدريجيا بس اهم حاجه تحطي في بالك انك انسان يخطئ ويصيب وانك من حقك تعيشي حياه حلوه وسط ناس بتحبك مش تفضلي محبوسه في اوضتك

حبيبتي كل الذنوب تغفر هوني علي نفسك بإذن الله ربنا يتوب عليكي المهم متعملي شكدا تاتي ولو استحالت العيشه اطلقي لكن متخونيش اهم حاجه متقوليش لأي حد ان الله حليم ستار ستر عليكي متفضحيش نفسك واسأل الله لك الهدايا وعدم العوده لأرتكاب الذنب مره اخري

مفيش حل غير انك تعتذر كتير وتقوله قد ايه انت متمسك بيها ومش هتسيبها وتروحله في كل مكان يروحه مكان شغله او اي مكان واتحايل عليه انه ميزعلش وان اللي حصل عمره ما هيتكرر وطبعا انت غلطان حط نفسك مكانه لو عرفت ان خطيب بنتك ببحاول يستدرجها لحاجات مش كويسه انت هتعمل جريمه فأحمد ربنا انه معملش كدا

للاسف فيه امهات كتير بيشوفو عيالهم حاجه ماديه ممكن يملكوها ويتحكمو فيها مش مش انسان له الحق انه يعترض ويقول رأيه مشكلة التسلط موجوده غند ناس كتير وبتبقي اوحش مع الولاد عشان الراجل لازم يبقاله شخصيه وكلمه في حال لو اتجوز يعرف يمشي بيته ويبقي مسؤول ، اولا احمد ربنا ان شخصيتك مطلعتش ضعيفه وانك معترض علي اللي بيحصل اعرف واحده مربيه راجلين حرفيا تربية البنات ملهمش صوت ولا بيعرفو ينزلو الشارع من غيرها وهما مخلصين جامعه حولتهم لشخصيه اعتماديه مرضيه ميقدروش يروحو مشوار لوحدهم بسبب تسلطها وخوفها الزايد عليهم كان ممكن تبقي زيهم بس ربنا ستر فالافضل انك تقعد معاها وتفهمها انك راجل والوضع بيختلف مع اختلاف السنين وبعدين تبدأ تطبق ده عملي يعني مش كل حاجه تقولهالك تجري تعملها طبعا بدون عقوق ولو حاولت تتحكم وتفرض عليك حاجه ازعل وخد جنب لأنها من الواضح انك المفضل عندها وزعلك هيزعلها فهمها قد ايه انت بتضايق من أسلوب الاطفال ده وخليك مصر علي قرارك انك كبرت ومن حقك تاخد قرارتك بنفسك بإذن الله تتغير شويه شويه بس الموضوع محتاج صبر مش من يوم وليله

ده اسمه متلازمه جوسكا وده بيبقي عباره عن احلام يقظة مفرطه بتبقي عباره عن خلق سيناريوهات وقصص وهميه سواء من وحي خيالك او مقتبساها من روايه او مسلسل وبتقضي وقت طويل جدا في اختراع حياه للشخصيات دي وده بينعكس علي تصرفاتك لانك ساعتها بتفضلي الوحده والانعزال عشان تعرف تركزي وممكن كمان توصل انك تكلمي نفسك بصوت عالي علي اساس ان انتي الشخصيه ، الفكره اني لما سألت دكاتره عن الموضوع ده فيه اللي قال ان ده مرض نفسي ومحتاج حل وفيه اللي قال عادي ده نوع من الهروب من الواقع لان الانسان لما بيتعرض العقل بيحاول يخففها فبيخترع اشخاص وسيناريوهات عشان ميتأثرش بالمشاكل وسمعت دكتور اجنبي مش فاكره اسمه الحقيقه كان بيقول ان معظم سكان الارض عندهم المتلازمة بسبب الواقع الصعب اللي بنعيشه وانا في رأي الشخصي ان ده مش مرض نفسي طالما بتقدري تتحكمي فيه ومش بيأثر علي مهامك اليوميه وبتقدري تدرسي وتنجحي وليكي حياه اجتماعيه خلاص افصلي بالسيناريوهات والشخصيات دي مادام ده شيئ بيخفف عنك التوتر وعايزه اقولك ساعات الناس بتزودها يعني ممكن حد يقولك بطلي اللي بتعمليه ده هتتجنني مع ان العقل البشري قادر يخلق مليون خيال ويألف مليون سيناريو فمتشيليش نفسك فوق طاقتها وانا بشوف دي موهبه لازم تستغليها صح حاولي تألفي روايات وتنشريها في جروبات الفيسبوك يمكن يبقالك مستقبل وبالتوفيق يارب

سيبيه يحكي اللي يحكيه اهم حاجه توقفيها عند حدها لما تيجي تعلق عليكي يعني لما تقولك هاجي اقعد معاكم قوليلها معلش اصله واحشني جدا وناويه اعمله عشا فخم ونحتفل سوا ولو جات تعلق علي اي حاجه بتعمليها اعملي زيها هتضايق وتبطل تختلط بيكي اهم حاجه خليكي واثقه في نفسك وجوزك اكسبيه في صفك دلعيه وخلي بالك منه متخليش حاحه زي كدا تفرقكم والفكره انه متعود يحكيلها كل حاجه هي حاجه تضايق بس لو تناسيتي الموضوع ده وركزتي علي بيتك وسيبتي اللي يتكلم يتكلم هتلاقي بالك ارتاح

كل انسان له نصيبه من الذنوب والمعاصي احنا بشر مش ملايكه وفكرة انك حاسس بالذنب ومش مبسوط دي حاجه كويسه جدا علي الاقل عندك نيه تبطل غيرك مبيحسش بغلطه وربنا قال خير الخطائين التوابون ، توب لربنا توبه نصوحه ابعد فيها عن الحاجات دي ومتقعدش لوحدك عشان الشيطان ميضحكش عليك خليك دايما قاعد مع ناس ولما تيجي تذاكر متقفلش باب الاوضه علي نفسك وادعي ربنا في صلاتك انه يهديك ويقربك ليك وبإذن الله ربنا هياخد بإيدك ومش هيخذلك واتأكد انك احسن من غيرك علي الاقل حاسس بغلطك

حبيبتي مش حاجه وحشه انك عاقله وراسيه زي ما بيقولو بس طبعا وقت الهزار هزار ووقت الجد جد يعني لما تقعدي مع صحابك اتعاملي كأنك طفله هزري واضحكي وفرفشي ولما يجي وقت الجد تتحولي للسخصيه العاقله هو ده الصح لكن جد طول الوقت او هزار طول الوقت غلط

بص احنا عايشين في الأرض مش في الجنه الشيطان مسلط علينا الذنب الصغير لو متوبناش بيكبر وبيوصل لحاجات اخطر من غير ما الواحد يحس هو ده الاختبار اللي ربنا بيختبرنا فيه هل هتوب والذنب صغير ولا هتكبره ، وفرضا انك كنت هتقضيها كلام خارج وبس هل دي حاجه سهله علي اب شايف بنته خطيبها بيقولها كلام خارج و ده مش من حقه افتكر انك خطيبها مش جوزها وابوها من حقه يخاف عليها من اقل حاجه ف زي ما قولتلك اتحايل عليه وروحله في كل حته ومتسيبهوش غير وهو مسامحك وطمنه انك هتشيلها في عينك وان دي نزوه صغيره ومش هتتكرر ، بكره لما تبقي أب هتفهم موقفه

حبيبتي كان الله في عونك ، مفيش حل غيرك انك تتجاهليه وتبطلي تعندي معاه لانه شكله متدلع زياده عن اللزوم ومحدش بيوقفله فالافضل تتجنبيه علي قد ما تقدري عشان متتعرضيش لأذب زي الضرب ده