السلام عليكم، مش أنانية ولا حاجة. المفروض أصلا يكون فيه توازن بين العطاء والأخذ في حياتك، لو فضلتِ بس الشخصية اللي بتعطي دون حدود فأولا ، هتتعبي جدا وتُستنزفي وأعتقد ده اللي وصلتِ له حاليا، واضح إن نفسك محتاجة فاصل لكن أنتِ فسرتِ ده إنها بدأت تبخل على الغير. ثانيا، العطاء بلا حدود مع الوقت هيتفسر عند الطرف المقابل إنه حقه المكتسب وأمر مُسلّم به عنده وأي تقصير منك مستقبلا ولو صغير هيكون كأنك أجرمتِ في حقه وظلمته. فتعلمي التوازن وصححي كمان أفكارك عن نشر العلم. آه زكاة العلم نشره لكن أنتِ غير مطالبة بنشر كل حاجة تتعلميها ولا كل معلومة بذلتِ جهد وتعبتِ فيها ومحدش هيعاتبك لو احتفظتِ بمجهودك لنفسك. وبعدين فين المشكلة في إنك تحبي نفسك؟ هتحبي الغير وتساعديهم إزاي إذا مش بدأت بحب نفسك ومساعدتها؟ شاركي وساعدي لكن بحدود وحافظي على مجهودك ووقتك وافتكري إن لنفسك عليك حق. وربنا يوفقك.💚💚
لا خالص مش انانيه ولا بتكرهي الخير للناس
تم النشر الأربعاء، ١٠ يونيو ٢٠٢٦
لعرض الإجابة في فدني اضغط هنا