عادي اه، خصوصة اذا بتشتغل بمكان ما بتحبو او يمكن تعوّدت عليه... برأيي الحل لهاد الشعور هو جلسة تفكير بسيطة مع نفسك؛ الانسان لازم يكون طموح عشان يتقدم، بس في خط فاصل بين الطموح والرغبة بالتغيير وبين التمتع بنعم الله عليك، يعني قارن وضعك ب"اللا شيء"، شغل ما بتحبو مقابل شخص ما ملاقي مصدر دخل اصلا. احمد ربنا على نعمة الشغل وأدعي انه يرزقك شغل افضل وبتحبو اكتر ودخله اعلى كمان، اطمع بالدعاء، وفيك بهاي الفترة تسعى وتبحث على شغل جديد؛ بس ما تنسى تستمتع بالطريق ولو بأشياء بسيطة، الصحوة بكير مثلا ، اذكار الصباح، تفكّر بخلق الله بالطريق، تمتّع بالنعم الي ربنا رزقك ياها. باختصار بالسعي والرضى بالطريق رح تحقق سعادة كمان بالطريق وكمان لما توصل للمكان الأفضل بإذن الله
لعرض الإجابة في فدني اضغط هنا