وعليكم السلام ورحمه الله وبركاته بصي يا بنت الحلال اللي بتمرّي بيه مع أهلك صعب وجسيم وربنا يقويكي، بس لازم تفهمي إن الواد ده مش هو الأمان ولا ملجأك ده مسكّن مؤقت بيزود همك وبيعطلك عن طوق نجاتك الوحيد وهو دراستك ونجاحك العلاقة دي معطلاكي ورابطاكي وطالما حافظة رقمه وبترجعي تكلّميه عشان تفرغي شحنة الزعل يبقى الحل مش بس بلوك الحل إنك تعيري الخط كله أو تحرقي الرقم ده خالص وتجيبي خط جديد ميعرفوش..وتغيّري طريقة تفكيرك لما تتقفلي من أهلك ادخلي صلي او ادعي اكتبي في ورقة أو كلمي صحبة صالحة مفيهاش شبهة ولا حرمانية ودي هتساعدك جدا اكتبي هنا مشكلتك أو الموقف اللي مزعلك هتلاقي كذا حد بنت كويسه بترد عليكي .. بالنسبة للبيت وأهلك ركزي كل طاقتك وعاندي في دراستك بس لأن نجاحك وتعليمك هما الحاجه الوحيدة اللي هتخليكي مستقلة وقوية وتقدر تعتمدي على نفسك وتبني مستقبلك بعيد عن أي ضغط اهربي لربنا ولمستقبلك مش لشخص مش باقي عليكي ومش هيغير واقعك وادعي ربنا يقويكي ويصلحلك الحال وخليكي أخت وأم لنفسك في الظروف دي لحد ما تعدي .. ومتنسيش كل انسان عنده نقطه ضعف وحتى لو بتنصحي الناس ... انا كإنسان لما كنت بضعف كنت بشوف حاجه بحبها اعملها يعني مثلا التطبيق ده كنت بدخل انصح الناس لاني بحب ده .. وكذالك كنت بصور فديوهات دينيه لان بحب ده ...العبره شوفي هوايه ومارسيها وقت زعلك اوفراغك أو غضبك ... متسيبيشي نفسك للشيطان حتى لو رجعتي الف مره .. ربنا رحيم فو ما نتصور... بعتذر عن الإطالة ...وجد والله ربنا يحفظك ويسعدك
ان شاء الله خير
تم النشر الخميس، ٢٧ أغسطس ٢٠٢٦
الشكر لله.. ربنا يوفقك عارف ان الموضوع مش سهل بس انتي اقوى من كدا والله وهترجعي احسن من الاول معافيه باذن الله
تم النشر الخميس، ٢٧ أغسطس ٢٠٢٦
@Esmat Ali حاضر وشكرا على المساعده
تم النشر الخميس، ٢٧ أغسطس ٢٠٢٦
أول حاجة شيلي الذنب من دماغك خالص لأن العيب مش فيكي ده تعود وإدمان سلوكي للهروب من الضغط وبما إن الاتصال بيحصل برقم دولي من الكويت وبيتغير باستمرار فده تطبيق اتصالات عبر الإنترنت (VoIP) هو بيستخدمه وانتي تقدري تفصلي السكة دي خالص ادخلي في إعدادات تليفونك واعملي حظر تام لحظر الاتصالات الدولية الواردة أو شغلي ميزة عدم الإزعاج اللي بتسمح بس برقم ابوكي وأهلك وتطبيق منع الأرقام الغريبة خليه يحظر أي رقم مش مسجل عندك وأما موضوع المذاكرة والهروب للموبايل فمشكلتك إنك بتعاقبي نفسك وبتقعدي قدام المذاكرة بساعات فالعقل بيهرب فوراً للسهل استخدمي طريقة البومودورو ذاكري 25 دقيقة بس بالثانية وتليفونك مقفول ومغلق تماماً في أوضة أختك أو مع الوكيل وبعدها 5 دقائق بريك بعيد عن الشاشات وانك تستمري في المحاولة هي النجاح مش معنى إنك ضعفتي مرة إن كل الطرق فشلت استعيني بالله وابدأي صفحة جديدة مع نفسك من دلوقتي... وشوفي وحده صحبتك استبدليه بيها بي تكون ثقه وبتحبك ربنا يحفظك ويسعدك
تم النشر الخميس، ٢٧ أغسطس ٢٠٢٦
والله انا جربت كل الطرق وحاسه اني مافيش حاجة تاني اكيد العيب فيا
تم النشر الخميس، ٢٧ أغسطس ٢٠٢٦
وجربت الطريقة بتاعت المكافأة دي قبل كدا بس منفعتش للاسف بقيت بذاكر اي كلام علشان اروح امسك الفون وانزل حاجة او اعمل فيديو ف منفعتش خالص
تم النشر الخميس، ٢٧ أغسطس ٢٠٢٦
@Esmat Ali بص هو شغال في الكويت ف معاه رقم بيرن منه والرقم دا انا عامله حظر وعامله حظر لي الرقم المصري بس هو لما بيرن كل مره برقم مختلف هو قالي قبل كدا انه طبيعي هو انا مش فاهمه ازاي بس انا نزلت تطبيق منع اي رقم غريب يرن. وانا من ناحيتي انا ف انا اللي بروح اكلمه
تم النشر الخميس، ٢٧ أغسطس ٢٠٢٦
بصي لما تحسي بالضعف والاحتياج للكلام افتكري إنك بتشتكي لشخص مش هينفعك ولا هيتقدم لك وده كلامك أنتي بنفسك، أما موضوع المونتاج والحساب الديني فده كان سد فراغ كبير في الإجازة، ولما الدراسة بدأت وجت المذاكرة عقلك الباطن هرب للتفكير فيه فالحل إنك تخلي المونتاج أو الحساب ده هو المكافأة اليومية بعد ما تخلصي جزء المذاكرة المطلوبة يعني ساعتها المذاكرة مش هتخنقك ولا هتسيبك للتفكير وادعي ربنا في كل سجود بقلب صادق يثبتك ويربط على قلبك، أنتي أقوى من الضعف ده ويا رب يقويكي وينجحك ..بس مش فاهم هل انتي اللي بتتصلي ولا هو اللي بيتصل ولو حظرتي الرقم هو بيتصل منارقتم تاني ؟؟
تم النشر الخميس، ٢٧ أغسطس ٢٠٢٦
ووالله انا عاوزة اقطع العلاقه نهائي بس مش قادره ليا حوالي 3 او4 شهور بحاول لان كفايه اني عرفت انها حرام وزي الزنا بالظبط وكمان مش ضامنه هيتسلا بيا ولا هيجي ويتقدم ولو مجاش مين هيرضي ياخد وحده كانت في علاقه محرمه ف انا عاوزة انهي العلاقه انا مش حابها العلاقه اصلا بس والله غصب عني ونفسي بتغلبني كل مره
تم النشر الخميس، ٢٧ أغسطس ٢٠٢٦
هو انا اقدر اغير الرقم عادي بس هو رقم بابا ف مش هقدر اعمل فيه حاجة ممكن بس اشيله واهلي لو عرفو اني جبت رقم او شيلت الرقم اللي معايا هيشكو فيا. بالنسبة اني اشغل نفسي ف انا الاجازه كلها مكنتش بكلمه واتعلمت مونتاج وعملت حساب ديني على التيك توك ف مكنتش بفكر فيه ولا بيجي علي بالي طول اليوم اما دلوقتي علشان بدات مذاكره وكدا ف بطلت اعمل مونتاج ولا اشغل نفسي بالحساب ديني وبحاوال اركز واذاكر بس الفرق اني لما بذاكر بفضل افكر كتير فيه وكدا
تم النشر الخميس، ٢٧ أغسطس ٢٠٢٦
لعرض الإجابة في فدني اضغط هنا