بصي أنا لو مكانك ، هبعتله وانهي معاه العلاقة وأقوله كل شيء قسمة ونصيب لو لينا نصيب لبعض ربنا هيجمعنا بإذن الله ، العلاقة دي حرام وانا وانت عارفين انها حرام ومترضيش ربنا فأنا قررت أفتح صفحة جديد وابعد واعمل حظر لرقمك وامسح رقمي من عندك واعرف إن البداية التي لا ترضي الله نهايتها مش هترضيني انا وانت ، واقفلي معاه خالص كدا فضِّي الموضوع ، متستنيش رد منه ابعتي الرسالة واعملي حظر وهقررها تاني متستنيش الرد ، لإن هيقعد يقولك كلام يا إما هتغيري رأيك وهتفضلي تكلميه يا إما هتقفلي معاه بس كلامه هيفضل مأثر فيكي اللي هو انتي خونتيني ومش عارفة اي ووووو...أنا عليا حذَّرتك وانتي بإيدك الخيار ، ثاني خطوة هو منكم يبعتلك من رقم آخر ف انا عوزاكي تغيري الشريحة بتاعتك لو تقدري ، ثالث حاجه موضوع انك مش بتقدري تبعدي وبعد فترة بترجعي فبما إنك حافظة رقمه ف انتي صعبتي الوضع عليكي هنا ...فحطي في عقلك انك داخلة في حرب مع الشيطان ونفسك وصعبة ، هتحذفي أي حاجه خاصة بيه من الفون وهتحاولي بقا متفكريش فيه بعدها لإن كتر التفكير هيصعب الأمر أكتر مهو صعب ، وهتدعي في صلواتك إن ربنا يعينك وينزع التعلق من قلبك إذا كان مش خير ليكي ، هتشغلي نفسك في الفترة دي بقا بدراستك وتسمعي تحفيزات دراسة عشان تدخلي جو الدراسة ، وخلي بالك هتيجي عليكي فترات كدا هتكوني خلاص مش قادرة وعاوزة تفضفضيله وتتكلمي معاه تاني ، هنا بقا ربنا بيختبر صدق توبتك فلما توصلي للمرحلة دي ابقي افتكري كلمتي وإن انتي دلوقتي تحت اختبار حقيقي بقا من ربنا يكتشف فيه صدق التوبة ، وإذا نجحتي الله أعلم لعل وعسي ربنا يسهل عليكي الموضوع بعدها بإذن الله ، أسأل الله ذلك .
@مجهولة . حاضر ي غالية
تم النشر الخميس، ٢٧ أغسطس ٢٠٢٦
ابقي طمنيني
تم النشر الخميس، ٢٧ أغسطس ٢٠٢٦
@مجهولة . حاضر هحاول واشوف
تم النشر الخميس، ٢٧ أغسطس ٢٠٢٦
مفيهاش جرأة ولا احراج دا ، انتي هنا عاوزة تغيري حياتك ولا لأ ! فلازم تتغلبي علي المشكلة دي استثناءاً المراضي ، منكم تتكلمي مع أم والدك لإن هيكون التأثير من جهة الأب فنعتبره شامل للكل يعني ، تقعدي انتي وجدتك لوحدكم وكلميها احكيلها ي بنتي لعل وعسي ربنا ينزل السكينة علي قلبها وتسدقك وتكلم أهلك والوضع يتغير علي الأقل شوية ، أما هتفضلي عايشة في العذاب دا لإمتى يعني ، معلش خديها علي نفسك المراضي بس وكلميها، حتي لو هتعيطي دا هيزود من شفقتها عليكي وعن ازاي انتي فعلا بتعاني ، وإن شاء الله خير.
تم النشر الأربعاء، ٢٦ أغسطس ٢٠٢٦
هي فكرة حلوة بس انا مش جريئة كفايه اني اروح اتكلم بجد لو اتكلمت ممكن انهار من العياط قدامهم وانا مش بحب اعيط قدام حد. وانا كان جدي الله يرحمه هو اللي بيدافع عني بس وكله دلوقتي مصدقين امي ومطلعيني انا اللي غلطانه
تم النشر الأربعاء، ٢٦ أغسطس ٢٠٢٦
حكاية مواضيع الأهل دي بقت حاجه صعبة والله ، تلاقي كل يوم رسائل حالات نفسية بسبب الأهل لما الواحد مبقاش عارف يعمل اي ولا اي بصراحة ويصعب عليه الوضع ، طيب بصي هو انتي مثلا منكم تجربي تشكي لوالدت امك او والدت والدك أو حتي الوالد للأم أو للأب ، أي واحد منهم يعني تقدري تتكلمي معاه وتشكيله الوضع وتخليه يكلم اهلك ، انا بظن هتجيب نتيجة إن شاء الله لو الجد أو الجدة شدوا علي أبنائهم شوية ، اي رأيك؟
تم النشر الأربعاء، ٢٦ أغسطس ٢٠٢٦
@مجهولة . انا بس هما بيصلو وعارفين الحرام من الحلال وكدا بس بيعملو ذنوب زي الغيبه والحاجات دي وانا مش متدينه بصراحة انا بعمل كل اللي بسمعه من الشيوخ وبدات اتعلم علم شرعي الحمدلله
تم النشر الأربعاء، ٢٦ أغسطس ٢٠٢٦
وكمان يبنتي قولتله الكلام اللي انتي قولتيه قبل كدا وفهمته انه حرام واني ربنا ممكن يحرمنا من بعض في الاخر بسبب اننا بنعمل حاجة حرام وكدا واقتنع ورجع تاني رن وانا ضعفت ورجعنا وبحاول والله
تم النشر الأربعاء، ٢٦ أغسطس ٢٠٢٦
اهلك متدينين ولا انتي بس ؟
تم النشر الأربعاء، ٢٦ أغسطس ٢٠٢٦
انا عملت اللي قولتي عليه والله لان انا واعيه كفايه وعارفه وبنصح الناس وعامله فيها متدينه المهم انا بضعف بس لما اهلي يقسو عليه انا بفكر في الانتحار او اهرب من البيت والله ساعات بقف عند الشباك بس بفتكر اني مش عايزة اموت الموته دي واموت كافره لان كفايه ذنوبي ف المهم انا مش عارفه اعمل ايه مع اهلي
تم النشر الأربعاء، ٢٦ أغسطس ٢٠٢٦
لعرض الإجابة في فدني اضغط هنا