السلام عليكم، هل خلاص هو تقبل رفضك ولا ما زال بيحاول يقنعك عن طريق الناس اللي وسطهم يكلموكِ؟ إذا كان خلاص مفتحش الموضوع تاني فانسيه تمامًا ومتشغليش بالك. إذا كان لسه مُصر يتقدم وأنتِ شايفة إنه مبدئيًا كده فيه قبول وهو ظاهريًا شخص محترم فممكن تجربي، اتكلمي مع أهلك وتأكدي من رأيهم لأن ممكن يكون فيه احتمال يوافقوا عادي. لو مش عندهم مانع يتقدم، صلي استخارة ربنا يختار لك الخير لو كان في زواجك منه خير وبلغيه الموافقة. لو رفضوا نهائيًا فخلاص بلغيه الرفض واقطعي نهائيًا. *** والحب عامة لا تعولي عليه في قرار موافقتك من عدمه، المشاعر متقلبة ومفيش شيء للأسف مضمون في الزمن ده. زواجات كتير فشلت رغم إنهم واخدين بعض عن حب. فركزي لو حصل خطوبة سواء هو أو غيره إنك تدرسي الشخص كويس وتشوفي هل يصلح كزوج ولا لأ بعيدا عن المشاعر. وربنا يكتب لك الخير إن شاء الله.
لو مش راضية ولا متقبلة فخلاص اكتفي بالاعتذار ووصلي رسالة عن طريقهم إن أهلك مستحيل يوافقوا... تأكدي الأول إن إحساس عدم الرضا والرفض ده مش بسبب إحساسك بالضغط ناحية قبوله... وبالنسبة لإحساس الذنب فمتاخديش أي قرار في حياتك وخاصة في الزواج تحت تأثير الذنب تجاه الآخرين لأنك وحدك اللي بتتحملي النتيجة في النهاية.
تم النشر الخميس، ٢٣ أكتوبر ٢٠٢٥
هو مازال بيحاول مش متقبل رفضي ودا اللي مضايقني بحس بالذنب تجاهه ان مش راضيه ولا متقبله ان اديله فرصه ولما ياجي بيكلمني مش برد عليه لان لو رديت هيحاول يقنعني اكتر واكتر ومش هيخلص هو فعلا شخص محترم ماسمعتش عنه حاجه وحشه بس الفكره ان هو من بلد وانا من بلد تانيه ف دي في حد ذاتها صعبه ان نكون لبعض
تم النشر الخميس، ٢٣ أكتوبر ٢٠٢٥
لعرض الإجابة في فدني اضغط هنا