انا اسف والله علي الاطالة بس انا والله تايه ومش فاهم اعمل اي وانا ليه كدة
# قصتي كاملة - منظمة
## المقدمة
أنا كانت طموحاتي كبيرة زيادة عن اللزوم وهمية. أنا بس هحاول أكلمك وأقولك اللي فيّا بس مش عارف ده الصح ولا غلط الكلام، ولا هي دي مشكلتي ولا إيه. فمش عارف، فاسمع كل تفصيلة هحكيلك من الأول خالص.
## الطفولة - الابتدائي
أنا وأنا صغير في ابتدائي كنت شاطر شوية، بس كانت فيه عيال بياخدوا مني الأكل ويضربني. كنت بعيط دائماً. غير كده لو الأستاذ ضربني أو مجبتش مسطرة المستر طالبها أو أي حاجة، كنت بقعد أعيط. المهم إني كنت بقعد أعيط على أي حاجة.
## الإعدادي
### أولى إعدادي
في إعدادي بدأت أنشف شوية - صغيرين جداً. كنت شاطر يعني، في الامتحانات كنت بعيط معرفش على إيه. ولنا أصحاب - واحد زميل في الفصل ويضايق مني ويزعل، أقعد أعيط. وكان بردو ليّا زميل في ابتدائي سابني بردو، كنت متمسك زيادة عن اللزوم.
### تانية إعدادي
تانية إعدادي كنت شاطر جداً، جبت مجموع عالي في الترم الأول. ده كان في زمن كورونا وفي الترم التاني مامتحنناش. فخالتي جابتلي موبايل ووصلنا نت، وبعد كده فضلت قاعد مرنخ على النت والموبايل. معرفش إيه اللي حصلي. في الترم الأول في تانية كنت بذاكر ليل مع نهار عشان كده ربنا كرمني بمجموع عالي.
### تالتة إعدادي
تالتة إعدادي في الترم الأول مامتحنناش بردو، عملوا اختبارات هايفة كده وعدونا الترم الأول. أنا أخدت دروس في الترم الأول بس مكنتش زي تانية إعدادي، كنت مش عارف محتار تاني خالص - مختلف جداً. بقيت المدرس يشرح وأنا مركز معاه بس الشرح بيطير من الناحية التانية، كنت غريب. فأخدنا امتحانات نهاية الترم الأول اختياري وعدونا عادي.
في الترم التاني من تالتة إعدادي أخدت دروس ومكنتش مركز، كنت محتار متلغبط متشتت مش عارف. أنا حطيت في بالي إن أنا هخش ثانوي عام من غير ما أمتحن ترم التاني بسبب كورونا، فقولت هيعملوا حظر تجوال وهيعدونا. بس للأسف جدول الامتحانات نزل، مكنتش مذاكر كويس، الدروس متلغبطة، كنت شبه ساقط في الترم ده.
كنت عمّال أعيط وأقول لماما سامحيني عشان أنا فاشل وآسف لإنها كانت عايزة تدخلني ثانوي عام. وأنا كنت كل ليلة امتحان أقعد أعيط وأقول هسقط، وماما كانت منهارة نفسياً وذهنياً بسببي.
المهم الامتحانات خلصت، النتيجة طلعت جبت 232.5 من 280. ماما زعلت من المجموع لإنها كانت عايزة تدخلني ثانوي عام، فضلت تعيط كانت منهارة. التنسيق نزل من 250 للمرحلة الأولى لدخول ثانوي عام، ماما مكنتش فاهمة إن التنسيق بينزل لمرحلة تالتة وتانية، فنزل ودخلت ثانوي عام والحمد لله، وماما فرحت.
بس أصحابي اللي كنت بحبهم مجبوش مجموع ثانوي عام فكل واحد مشي من طريق، وزعلت عليهم لإني كنت بحبهم أوي واتفرقنا.
خالتي أول ما عرفت إني هخش ثانوي عام، هي وعيالها فضلوا يحبطوني فيها عشان مدخلوهاش وعشان غيرانين مني وحقودين. ودخلت بنتها ثانوي عام بس تجريبي عشان فلوسها فيّا.
## الثانوي
### أولى ثانوي
دخلت ثانوي عادي. دخلت أولى، ذاكرت شوية صغيرين وجبت تقدير كويس، وكنت باخد دروس في الترم الأول عادي ونجحت، كنت بذاكر.
الترم التاني وضعنا ساء ومكنتش بذاكر ولا باخد دروس، مع إني كان عندي يوتيوب بس رميت فشلي على الظروف وغشيت ونجحت من أصحابي.
### تانية ثانوي
تانية ثانوي الترم الأول والتاني نفس حكاية الترم التاني من أولى ثانوي. ماما كانت زعلانة عشان شايفاني مش بذاكر.
### تالتة ثانوي - المحاولة الأولى (2024)
جت تالتة ثانوي اللي مفروض أذاكر وأجتهد فيها عشان أجيب مجموع كويس، بس رميت نفسي على الظروف لإن الظروف المادية كانت وحشة بس كان عندي نت ويوتيوب. بس أعمل إيه؟ فاشل بقى.
فقررت إني أأجل تالتة ثانوي، أنا دفعة 2024 أجلتها لـ2025. ماما كانت منهارة عشان التأجيل وأنا مكنتش بذاكر.
### تالتة ثانوي - المحاولة التانية (2025)
فجيت في تالتة ثانوي 2025، المفروض بقى أذاكر. لا، عملت نفس الغلطة ونفس كل حاجة من غير ما أتعلم من أخطائي، وقعدت أعيط لماما وأقولها آسف مش هعمل كده تاني وهأجل لـ2026. هي زقت وزعلت مني وفضلت أروح لمدرسين عشان أشوف حل إني أأجل تاني مرة عشان التابلت لإن أنا معيش تليفون، وبقعد أتذلل لده وده مدرس ومدرس.
فالمهم أنا قولت هأجل تاني وخلاص هتحول منازل. ماما اتصدمت من قرار التأجيل لإن أنا أجلت مرة اللي فاتت، المفروض كنت اتعلمت من غلطتي وذاكرت ودوست جامد. بس مش عارف أنا فيّا إيه، مريض نفسي ولا متخلف ولا إيه.
### تالتة ثانوي - المحاولة التالتة (2026)
المهم تالتة ثانوي 2026، بدل ما أقعد أذاكر عمّال بكرر نفس أغلاط 2024 و2025. مش عارف فيّا إيه أو دماغي مالها.
## الوضع الحالي والمشاكل
### مشاريع وهمية
قولت هنزل أشتغل على السعر عشان أعين عيلتي شوية، ماما مش موافقة. وقولت هشوف شغل على النت موقع whop أو أي حاجة تجيبلي فلوس وأطور الإنجليزي لإن أنا صفر خالص.
مبالغ أزق عليها، عمّال بأجل الفكرة بقالي شهر، كل شوية أقول لما أنضف البيت، أحلق، أستحمى، إخواتي يناموا. ولا المشكلة إن أنا عمّال أسمع أغاني وأتوهم إني نجحت في المشروع وأنا مبدأتش أصلاً فيه. مريض نفسي والله.
### المشاكل الدينية
وكمان أنا مش بصلي نهائي خالص ولا حتى الجمعة. مليون واحد نصحني بس أنا بسمع وأطلع من الناحية التانية، ومصمم على الغلط في كل حاجة.
فقعدها عمّال أتفرج على أفلام مخلة وأمارس العادة وأعصي ربنا ولا عماله أي حساب. مش فاهم أنا بعمل كده ليه وبعمل كل الغلط بتاع السنين اللي فاتت.
### الضغوط العائلية
خالتي فرحانة إني إنسان فاشل، وأبويا عمّال يقارني بالعيال اللي نجحوا وجابوا مجاميع ودخلوا كليات. وأنا شبه صفر، باكل وبشرب وعايش وأعمل الغلط. حياتي زي ما اليوم يجي، مفيش إنجاز خالص.
### العزلة الاجتماعية
أنا كمان فيه شوية حاجات إن أنا وحيد، معنديش أصحاب خالص ولا مهتم بالصحبة خالص. عندي يعني أصحاب بس سلام من بعيد لبعيد، يعني "أخبارك إيه" وبس.
كمان لو في حاجة وإحنا متجمعين مثلاً مع جيراني أو أهلي وعيلتي، بقعد ساكت خالص، مبكلمش حرف، معرفش ليه.
### الوسواس والمثالية
أنا لما أبدأ أذاكر أو أشتغل أو أعمل أي حاجة، لازم كل حاجة تبقى مظبوطة بالمللي - يعني الشقة نضيفة هادية، أكون مستحمي، والخ كتير زي كده.
بقعد أسمع أغاني وأتوهم كتير زي إني أنا هكون زي إيلون ماسك وبطل خارق ومعايا تنانين وبنقذ العالم وحاجات هبلة كتير. معرفش أنا مريض نفسي ولا إيه، أكيد مريض.
### مخاوف غريبة
في حاجة كمان إن أنا مش بحب أجيب حاجة للبيت زي طلب من مكان جديد. يعني مثلاً كيس شيبسي، المحل حلو وجميل وقدامي، لا مجيبش منه، لازم أجيب من حتة جايب منها قبل كده. ده هبل!
ولا بحب أجيب أي حاجة، بخلي أخويا هو اللي يجيب عشان أنا لو جبت حاجة وحشة بقعد أضايق جداً، معرفش ليه. ولا بحب أجيب حاجة جديدة زي سمك ولا أي حاجة، مع إن اللي قدامي أرخص، لا، أجيب من مكان أغلى وأنا أكون عارفه. مبحبش أجرب حاجة جديدة.
### ضعف الشخصية
أنا وكمان فيه مشكلة إن بكلم كل الناس بحترام سواء كان غلطان أو مش غلطان. بخاف أكلم حد وحش مع إنه غلطان، لا، أعامله بحترام إكنه هو الصح وأنا الغلط. مش عارف أعمل إيه وبحبش أبجح مع حد وأقوله "لا إنت غلط" لا "اتفضل حاجة" "عديلة نقيلي من الطماطم دي"، لا، بكلمه بصوت ناعم وعادي ومحدش بيعمل حسابي محترم، لا بيدوني فوق دماغي.
معنديش ثقة في نفسي نهائي، معدومة خالص. ولما حد يعاملني وحش بجي مخنوق ومضايق ومش بفك دماغي وخلاص، لا بفضل أفكر كتير فيها.
## الأسئلة والحيرة
المشكلة كمان إن ده مش نافع معايا، لا هقول هبدأ بكرة، بكرة يعدي وأقول شهر...
يعني بشوف الناس اللي معاها الفلوس وأغنياء العالم، نفسي أوصلهم أو هما عملوا إيه عشان يبقوا في الوضع ده، نفسي بس يبقى معايا تلت اللي معاهم. أنا ملغبط وحياتي ملغبطة.
واقوم من النوم أجيب طلبات البيت وآكل وأشرب وأقلب في الفيس واليوتيوب وأأجل في تالتة ثانوي. وكل مرة لما أأجل أقول أشد جامد وبكرر نفس الغلط كل سنة. أنا أصلاً داخلها ومش عارف نفسي أدخل أنهي كلية أو هدفي اللي عاوز أوصله إيه - تايه في فضاء.
وبقول نفسي أبني جسم، أدور على شغل على النت، أبدأ كورس، وبعد كده أقعد أسمع أغاني وأتخيل إني مليونير لما أشوف مشروع، وأقعد أقول بكرة بكرة وأبدأ أقول لما أنضف الشقة إخواتي يناموا أو أكون الجو هادي وليّا مزاج.
وأقعد أسمع تحفيز على الفيسبوك وأعمل حفظ للبوست. ولما أشوف بوست مفيد أقول أعمله حفظ وأشوفه بعدين، وبعد كده أشوف بوست تاني نفس الحكاية.
فكل اللي بقوله ده إيه ومعناه إيه؟ مش عارف أساعد نفسي ولا ألاقي حد يفهمني ويرشدني ويكون واعي ويدلني. بس أنا دفعة 2024 وأجلت لـ2026.
المشكلة إني بقرا وبكلمك في الآخر مبعملش حاجة، بقفل وأقول بكرة أشوف.
## الخلاصة والأسئلة الأخيرة
- زهقان
- ضايع نفسي أحقق
- عاوز أنجح عشان ماما
- نفسي أخلي أمي ملكة
- عاوز أعرف أنا مين
- هل أنا هنجح؟
- أنا عايش ليه؟
- أنا ماشي غلط؟
- دماغي في حتة وجسمي في حتة تانية
- دورت على حلول بس مش مقتنع ولا عارف أعمل إيه
- نفسي أراضي ربنا
- أكون سند لإخواتي
- نفسي أكون أنا التغيير لأمي وإخواتي
- جسمي تقيل بعمل كل حاجة بصعوبة
- لما أشتغل أحس إن حاجة تقيلة بتشد إيدي لتحت
- عاداتي السيئة
- بحب المثالية قبل شغل أو دراسة
أحل مشاكلي بنفسي إزاي؟ أسف لكن أنا لم أفعل شيئاً، فقط تحمست امبارح وأنا الآن جالس لا أفعل شيئاً. قعدت أتفرج على "بيستي" ولمدة ساعة. لكن أريد التحرك لكن لا أتحرك، لا أعلم لماذا أنا هكذا.
وأريد تحقيق شيء لأمي، إنجاز، أجيب مجموع في 3 ثانوي أو أشوف شغل على النت وأجيب دخل حتى لو بسيط. لكن أنا مش عاوز أتحرك، أنا أنجذب إلى القاع. رغم إن هناك شباب أكبر وأصغر أحسن مني لكن لا أعلم.
لماذا أشكي لك؟ أنت تحاول مساعدتي على قدر الإمكان وأنا رافض التحرك أو حتى الاستماع إلى نصائحك.
يا دكتور كلامك سهل بس محتاج مساعدة. أنا عاوز أفهم أنا عاوز إيه، إيه اللي ناقص فيّا أو إيه أنا مالي؟ خمول ومدفون في رمال بس حي، مش عارف أخرج، مش عارف أعبر عن شعوري لإني مش فاهم أنا مالي عامل لي كده.
اول حاجه اضبط علاقتك ب ربنا وكل حاجه بعديها سهل تضبطها وكل المشاكل و الفشل ده ناتج من الحجات اللي بتعصي ربنا عن طريقها قوم صلي من دلوقتي انت اصلا مش ضامن تعيش لبعد نص ساعه وسيب الاغاني اللي معيشاك في وهم وإنجازات مش موجوده غير انها حرام اصلا وبتدمر القلب . و من الناس و المقارنات والاصح متركزش معاها اصلا طالما تأثيرها سلبي عليك ركز على نفسك وتطويرها للأفضل و الصحاب الصالحين حاجه حلوه جدا وهيكون ليهم سبب في نجاحك في الدنيا و الآخرة لأن الصاحب ساحب طالما هما صالحين ف انت هتبقى زيهم اكتب تعليق عايز صاحب ملتزم في اي فديو ديني يقابلك في اي مكان في المديا و ادعي ربنا دايما يرزقك صحبه صالحه وعلشان تذاكر ومضيعش وقت نزل المحاضرات اللي هتذاكرها و احذف الواي فاي من التليفون خالص علشان متخليش حاجه تعطلك انا شايفه في حته المثاليه دي انك تمشي عكس هواك يعني مش عايز انزل اجيب طلبات البيت لا انزل ومتديش فرصه لمخك يسحبك لأحلام اليقظة حاول تقطع تفكيرك فيها
تم النشر الثلاثاء، ١٢ أغسطس ٢٠٢٥
أخي العزيز، شكرًا لك على ثقتك الكبيرة ومشاركتك الحقيقية والصادقة لما تمر به بكل هذه التفاصيل. أولًا، أحب أقول لك إن اللي بتحسه مش غريب ولا أنت لوحدك فيه، في ناس كتير تمر بأوقات صعبة وحيرة في حياتها، والفرق الحقيقي هو إنك تعترف بالحالة دي وتطلب المساعدة، ودي خطوة كبيرة وشجاعة تستحق التقدير. خليني أساعدك بخطوات منظمة وأسئلة تلهمك تفهم نفسك أكثر وتقدر تتحرك: 1. تفهم نفسك ومشاعرك أنت حاسس بضغط نفسي كبير، وممكن تكون عندك مشاعر مختلطة: حزن، قلق، خوف، إحباط، وحتى تشكيك في الذات. اللي تسمعه في داخلك من "أنا فاشل"، و"مش عارف أتحرك"، و"دماغي في حتة وجسمي في حتة تانية" كل ده بيدل على حالة من الارتباك النفسي لكن مش مرض، هي حالة ممكن تتحسن. لازم تدي نفسك فرصة تفصل لحظة وتراقب مشاعرك بدون حكم عليها. اسأل نفسك: "إيه اللي مخلي نفسي مش قادر يتحرك؟ هل هو خوف من الفشل؟ تعب؟ إحساس بعدم الثقة؟" 2. خطوات واقعية صغيرة لا تضغط على نفسك عشان تغير كل شيء في يوم واحد. ابدأ بخطوات بسيطة جدًا، حتى لو كانت صغيرة، زي: تحديد وقت ثابت كل يوم، 15 دقيقة بس، تذاكر أو تشتغل حاجة بسيطة. نظف حاجة صغيرة في البيت، أو حدد أي عمل بدني بسيط في اليوم. خصص وقت للصلاة ولو ركعتين، واطلب من ربنا يعينك. الفكرة إنك تكسر دائرة "البداية الصفرية" وعدم التحرك. ولو تعثرت، ابدأ من جديد صباح كل يوم. 3. التعامل مع ضغوط الأسرة والبيئة حاول تبين لأمك إنك بتحاول فعلًا والتأجيل مش ضعف بل فرصة تفهم روحك وتخطط. لا تسمح لنفسك تقيس قيمتك على إنجازات الآخرين أو كلام الناس، كل واحد له وقته وظروفه وجماله الخاص. كن صريح مع نفسك، وحدد مين الأشخاص اللي بيساعدوك ومنهم اللي ممكن يأثروا عليك سلبًا، وحاول تبتعد عن مصادر الحبط والتدمير النفسي. 4. مواجهة العادات السيئة والوسواس أفهم إنك مع الوقت تكوّنت عادات وأفكار كأنها تحميك أو تمنعك من ألم جديد (زي المثالية الزائدة، وعدم تجربة الجديد، الخوف من الخطأ). جرب تحدد عادات سيئة واحدة فقط في اليوم وتبدأ تحاول تغيرها بخطوات صغيرة. مثلاً: بدل ما تسمح للأفكار المثالية توقفك، خلي هدفك "الإتقان مع التقدم البسيط". 5. هدفك الروحي لما تبتعد عن الصلاة وتفقد علاقتك بربنا، بتفقد الطاقة والدعم الحقيقي لحياتك. الصلاة مش بس فرض، هي لقاء خاص بينك وبين ربك تلاقي فيه الراحة والقوة. حاول تبدأ بالخطوة الأولى وأقلها، زي ركعتين في البداية، واذكر الله بأي طريقة تريحك. استعن بدعاء النبي صلى الله عليه وسلم: "اللهم إني أعوذ بك من الهم والحزن، والعجز والكسل…" 6. تحديد هدف واضح اسأل نفسك: "إيه اللي نفسي أحققه فعلاً؟ مش بس عشان أمي أو عشان الناس، لكن عشان نفسي؟" ركز على أهداف بسيطة وقابلة للتحقيق، مثلاً: ارفع مستواك في مهارة معينة (الإنجليزي، العمل على النت). اجتهد في مادة واحدة في الثانوية تدريجيًا. حدد وظيفة بسيطة على النت تبدأ فيها عندك ثقة. نصيحة أخيرة مهمة: أنت محتاج تساعد من عند الناس اللي يفهموك متمرسين في الدعم النفسي وتوجيه الشباب، ويمكن في خُبراء وموجهين في منصة فدني ممكن يساعدوك باتصالات وخصوصية. لا تتردد أن تبحث في فدني عن أسئلة مشابهة وتستفيد من تجارب الآخرين. لو حبيت، أقدر أرشدك لكبار الخبراء في النفسية أو التنمية الذاتية للتحاور معهم مباشرة. أخيرًا، رسالة طمأنه منك لي: أنت مش لوحدك، ربنا معاك دايمًا، والأيام الحلوة لسه جاية إن شاء الله. خليك متواضع مع نفسك، بلاش تضغط كتير، وحاول تعمل خطوة صغيرة دلوقتي، حتى لو كانت مجرد الصلاة أو ترتيب غرض. أنا ذكية هنا دايمًا علشان أسمعك وأساعدك، متترددش تبعت لي أي سؤال أو حتى لو حبيت تفضفض. هل تحب تبدأ مع بعض بتحديد أول خطوة صغيرة تناسبك؟ أو هل ترغب في نصائح أكتر عن كيفية ترتيب وقتك أو تطوير مهارة معينة؟ ربي يرزقك القوة والإرادة ويهديك لأفضل طريق، وكلنا معاك! 🌷✨
تم النشر الثلاثاء، ١٢ أغسطس ٢٠٢٥
بص انزل ارض الواقع الاحلام مش هتفيدك بالنسبه اول حاجه علاقتك مع ربنا اهم حاجه أجبر نفسك وعقابها لو مأدتش فروضك وحق ربنا عليك ومامتك اسمع كلامها وطمنها بعد كدا هتحس براحه إن شاء الله هتبدأ السنادي تذاكر عشان تعدي مش شرط تجيب مجموع كل محصل بعضه فالاخر ولو جبت خير طبعا بس متضغطش نفسك. عشان متذاكرش واسمع يوتيوب لو مش هتعرف تنزل دروس واشترك منصه لو مقتدر وبلاش تقول شغل اونلاين دلوقتي مينفعش صراحه انت احسن حاجه تذاكر انجلش كويس على قد ما تقدر السنادي وانزل اشتغل في أي مكان بس مفيش مجهود كتير والتعامل مع الناس بالنسبة للأفلام النخله دي اعرف انك كدا بتغضب ربنا وممكن تموت في أي وقت وانت بتسمع وإن بصرك شاهد عليك لو متبتش واتقي ربنا في نفسك عشان تعرف طريقك الصح لانك كدا عايش حياه الضنك اللي ربنا قال عليها شوف الناس اللي بتغش في ضنك بسبب ايه هتعرف مشكلتك وربنا يوفقك ويهديهك وتبعد عن طريق الشر
تم النشر الأحد، ١٧ أغسطس ٢٠٢٥
طيب صل على النبي محدش كامل أول حاجة أنا هقول على حاجه عندي أنا كنت بيكي من اي حاجه لحد ما كبرت ثانياً الدراسة مش نهاية الحياة ومش مرتبطه بنجاح الحياة ثالثا بلاش تزعل امك علشان كده انت بتعرف ومش حاسس وكلها كمان سنه وتكون عاطل ومدن أنا بوبخك علشان بحبك ابعد عن الافلام الاباحيه علشان مضره وكلها تمثيل ولو قولت هتجوز وأبطل اراهنك انك هتشرف في محكمة الأسرة مفيش واحده بالمثاليه دي اخيرا صلي وقرب من ربنا وربنا هيحل كل مشاكلك
تم النشر السبت، ١٦ أغسطس ٢٠٢٥
حاضر شكرا لحضرتك
تم النشر الأحد، ١٧ أغسطس ٢٠٢٥
لعرض السؤال في فدني اضغط هنا