بصي أنتي تقريباً متابعاه بشكل كبير وبتدخلي كل يوم على اكونتاته تشوفيه نزل إيه جديد وحياته عاملة إزاي .. لو قدرتي متدخليش اكونتاته تاني يوم فالتاني فالتالت هتلاقي نفسك تدريجياً بتنسيه - وعلي فكرة نصيحة يعني عن تجربة شخصية ده بيكون إعجاب بس مش حب
لو عند حضرتك تليجيرام ممكن تتواصل معايا هنا @Tona_25 لان مش عارفه اتناقش هنا وتقريبا حضرتك الوحيد اللى مشابه ليا او فاهمنى
تم النشر الجمعة، ٢ ديسمبر ٢٠٢٢
انا بتعامل مع عمه ووالده وابن خالته واخته وكلهم ناس اللهم بارك زى الفل تتعاشر وبلسم على القلب وهو كذالك... انا قولتلك الامر معقد والله مش قصه فراغ عاطفى ولا حاجه لان طول عمرى عايشه فى حالى وكنت برفض اى علاقه او ارتباط حتى لو حد اتقدم برفض لان مليش فى الحاجات دى وعمرى ما كنت بحسها لحد ما وقعت كدا
تم النشر الجمعة، ٢ ديسمبر ٢٠٢٢
وبدرس مجالى برضو وبذاكر واليوم كله ضايع ما بين الدراسه وانى اتعلم وادور واقرا وانى اشتغل انا مبلاقيش وقت لنفسى وانى اهتم بيها وسط كل دا ومع ذلك بييجى على بالى يمكن مبيفارقنيش اصلا
تم النشر الجمعة، ٢ ديسمبر ٢٠٢٢
دا غير ان مشفتش منه الغلط ابدا او لسانخ طول مره مثلا على حد وغلط فيه ولما جت سيره مره وانا عندهم على الكلية وعرف امى معاه اتكلم معايا وقعد ينصحنى اعمل ايه فيها وكدا فكل دا مش قليل.. انا قفلت سوشيال وبعدت عنها لان بالفعل انشغلت فى حاجات تانى زى انى بتعلم وبشتغل فى مجال طبى بعيد عن مجالى خالص
تم النشر الجمعة، ٢ ديسمبر ٢٠٢٢
انا بعد ما عرفته فى الكليه معايا وعرفت ان هو اللى بتعامل معاه خدت بالى من كل تفاصيله زى انه وقت الصلاه ساب المكان والناس بتشترى من عندهم وراح يصلى زى انه عملى وطريقه كلامه حلوه مش كشغل لا هو بيتعامل باسلوب مختلف حتى شوفت تعامله مع والدى لان بيشترى من عندهم حاجات بيهزر معاه ويتكلموا فى كوره وكدا
تم النشر الجمعة، ٢ ديسمبر ٢٠٢٢
وعاوز اقولك زي ما الكل قال إنك عندك فراغ عاطفي وهتكتشفي ده قدام لما تموف أون... خدي وقفة مع نفسك وركزي ف مستقبلك وكاريرك وتطوير النفس مهم جداً... لأن أنتي بعدتي عن السوشيال ميديا ومش استبدلتيها بحاجة مكانها فحاولي تشغلي نفسك ف كورسات وميكونش عندك وقت فراغ عشان هتفكري فيه تلقائيا كل ما تكوني فاضية
تم النشر الجمعة، ٢ ديسمبر ٢٠٢٢
أنتي بس كل اللي محتاجاه تاخدي عقلك علي قد عقله زي ما بيقولوا .. يعني تقنعي نفسك بنفسك إنك ف دايرة مقفولة .. ساعتها هتبعدي عن اقتناع
تم النشر الجمعة، ٢ ديسمبر ٢٠٢٢
افرضي سيناريو مثلاً إنك بعد التعلق ده كله لما اتعرفتي عليه على حقيقته اكتشفتي إنه ميتعاشرش هتعملي إيه ؟!!! ... هتبقي ضيعتي وقت ومجهود وعذبتي نفسك وكله راح
تم النشر الجمعة، ٢ ديسمبر ٢٠٢٢
بصي هو فيه حاجات الواحد مكسوف يقولها هنا... بس أنا لما عديت المرحلة دي اكتشفت إن مفيش حاجة اسمها حب من طرف واحد ده أسمه إعجاب بالشكل العام والشخصية من بعيد .. إنما الحب بيتولد من التعامل والتعرف على الشخصية بطبيعتها .. الناس من برة متزينة ... لو هنصحك نصحية واحدة هقولك تشوفي الناس زي بعضها .
تم النشر الجمعة، ٢ ديسمبر ٢٠٢٢
انا اللى خلانى اسئل انى حاولت بكل الطرق ابعد وكل مره حاجه ترجعنى اكتر من الاول فنفسى افهم اشمعنا الشخص دا ليه الامى معقد كدا بالنسبالى وليه حبيت الشخص دا دون العالم كله
تم النشر الجمعة، ٢ ديسمبر ٢٠٢٢
انا اخر مره شوفته كان فى اول شهر عشره كنت واقفه عن مبنى الشئول مستنيه صاحبتى لقيته عدى من قدامى فجاه ومع ان بقالها وقت كبير لكن اكنى ليه شايفاه من شويه نفس اللهفه جوايا والفرحه هى هى... دا ابتلاء كبير وانا بجاهد والله
تم النشر الجمعة، ٢ ديسمبر ٢٠٢٢
فهمت كل اللى عايز تقوله بس منفعش معايا.. انا اصلا قافله سوشيال بقالى شهر واكتر ومع ذلك بييجى فى بالى.. غيرت المحل ومروحتش بقالى شهور وبوقف نفسى عن التفكير كتير بس برجع تانى افكر برضو غصب عنى .... الامر معقد اوى بالنسبالى لان حاولت بكل الطرق ابطل تفكير وابعد ومبعرفش
تم النشر الجمعة، ٢ ديسمبر ٢٠٢٢
1- اعملي ليه بلوكات في كل الاكونتات عشان تجبري نفسك متشوفيش اسمه .. 2- غيري المحل اللي هو شغال فيه .. 3- حاولي تسيطري علي افكارك وأول ما ييجي على بالك تعملي ستوب.. 4 - حبي نفسك أكتر... 5- فكري دائماً إن ده ابتلاء واختبار من ربنا .... فيه حاجات تاني كتير عاوز أقولها بس مش هعرف
تم النشر الجمعة، ٢ ديسمبر ٢٠٢٢
طب ممكن تفيدنى بالله لان يعتبر كل حاجه زى بعض. هو معايا فى الكلية ونفس القسم والمدينه برضو فممكن تقولى طيب اعمل ايه لان والله حاولت كتير ولما جربت كل حاجه سالت هنا
تم النشر الجمعة، ٢ ديسمبر ٢٠٢٢
أنا مريت بكل اللي أنتي بتقوليه ده مع بنت ف نفس الجامعة نفس الكلية نفس القسم نفس محل الإقامة نفس كل حاجة تقريباً ومكنتش متخيل إن أنا ممكن أنساها.. عملت شوية حاجات كده بسيطة وحالياً الحمد لله نسيتها خالص ونفسياً أحسن بمراحل الحمد لله
تم النشر الجمعة، ٢ ديسمبر ٢٠٢٢
اتزاول بيه او ان اشوفه صدفه دا بيحصل مع كل مره بقول خلاص وكفايه كدا ودا برجعنى تانى اعانى... دا مش اعجاب ابدا لا حضرتك مبتشوفنيش بكون عامله ازاى لو شوفته. انا المره اللى لقيته قدامى فى الجامعه فى الاجازه صاحبتى لاحظت عليا ان فى حاجه حصلتلى اتفاجئت انها بتقولى دا شكلك وقعتى جامد مع انها متعرفش
تم النشر الجمعة، ٢ ديسمبر ٢٠٢٢
ما انا اكتشفت ان مش بالفيس ولا الاكونتات وكدا لان اصلا انا مش من الناس اللى بتفتح سوشيال يوميا ومش بتابع يوميا هو كنت كل يومين كدا بس وفى احيانا وقت كبير مبدخلش بس دا عمره ما منع انه ييجى فى بالى... هو بيبقى حاضر فى بالى من غير سبب وكل ما احاول مفكرش وانساه الاقى حاجه ترجعنى زى انى اتزاول بيه
تم النشر الجمعة، ٢ ديسمبر ٢٠٢٢
لعرض الإجابة في فدني اضغط هنا