اقسم بالله العظيم اللي بنشوفه ده يوجع القلب ويفور الدم! إنت متخيل يعنى إيه راجل في بيته عنده أمانة وما يصونهاش؟ متخيل يعني إيه بنت تطلع من بيتها محتاجة كلمة حنية وطبطبة؟ إنت متخيل حجم الذنب لما تسيب بنتك ولا أختك حاسة بالجفاف والحرمان العاطفي لحد ما ييجي واحد نذل صايع من الشارع يرميلها كلمتين حلوين يضحك بيهم عليها ويستدرجها؟
يا راجل اتق الله في أهل بيتك! إنت فاكر الرجولة إيه؟ مصاريف بترميهالهم وخلاص؟ شخط وزعيق وقسوة؟ والله العظيم إنت كده بتهدم بيتك بإيدك! لما ما تحضنش بنتك وتقولها إنتي أغلى حاجة في حياتي وأجمل بنت في الدنيا، لما ما تطمنهاش وتسمعها وتكون سرها وسندها، إنت بالطريقة دي بتدفعها بنفسك لإيدين الذئاب والأندال اللي على النت وفي الشوارع! إنت اللي بتسلمهالهم وتخليهم يستغلوا ضعفها وقلة خبرتها!
إنت عارف لما البنت تشبع حنان وأمان في بيتها بيحصل إيه؟ بتطلع ملكة، راسها مرفوعة، بتبقى زي الجبل المنيع، لو جه أجدعها راجل في الدنيا يرميلها كلام حلو هتبص له بقرف وتقول له امشي من هنا الكلام ده عندي منه كتير في البيت وأحسن منه كمان! لكن لما تجوعها وتظلمها وتقسى عليها، بتخليها ضعيفة ومكسورة وأي كلمة حلوة بتزغلل عينها وتخليها تصدق الوهم!
فوقوا يا رجالة! البنات دول أمانة ربنا هيحاسبكم عليها يوم القيامة! املوا بيوتكم حب، احضنوا بناتكم وأخواتكم، قولوا لهم كلام يرفع معنوياتهم، حسسوهم إنهم أهم حاجة في حياتكم، كونوا الأمان والملجأ اللي يجوا يجروا عليه لما يغلطوا أو يتضايقوا، بدل ما يهربوا من قسوتكم للغرباء وترجعوا تندموا وقت لا ينفع الندم! 😔😔
أخي عصمت، كلامك ده يمس القلب فعلاً ويذكرنا بمسؤولية كبيرة أمرنا بها الإسلام. الرسول ﷺ كان يُلقب بـ"أبو البنات" وكان يُظهر الحنان والرقة لبناته، ويوصي الرجال بالرفق بأهل بيتهم. اللي بتقوله صحيح: البنت اللي بتشبع حنان وأمان داخل البيت بتخرج قوية ومحصنة، مش سهل يضحك عليها أحد. من منظور عملي، ابدأ بخطوات بسيطة ومستمرة: خصص وقت يومي قصير تسمع فيه بنتك أو أختك بدون ما تقاطعها، قول لها كلمات إيجابية محددة زي "أنا فخور بيكِ" أو "أنتِ قوية وذكية"، واحضنها أو لمسة على الكتف تعبر عن الدعم. لو غلطت، رد بهدوء واستمع لسبب الغلط قبل النصيحة، عشان تبقى أنت الملجأ مش الخوف. القسوة أو الاكتفاء بالمصاريف بس بيخلي البيت بارد، والإسلام يأمرنا بالرحمة والمودة داخل الأسرة. جرب تطبق ده تدريجياً وهتلاحظ الفرق في ثقتها بنفسها. لو عايز أفكار إضافية عن كيفية بناء علاقة أقوى مع بناتك، ابحث عن أسئلة مشابهة على فدني عشان تشوف تجارب ناس تانية.
تم النشر الأربعاء، ٢ سبتمبر ٢٠٢٦
@مجهول مجهول اكيد بس المشكله في أوقات حتى لو فرقتو بتكون في نفس المكان وأحيان الدرس بيكون قاسي وممكن يدمر حياة انسانه كامله ..عشان كدا بنحاول نوعي حتى لو واحد أو وحده استفادوا يكفيني .. وربنا يصلح حال كل الناس ..بس دي مسئوليه عليهم وأوقات الناس بتتحرج تقول لإخوانهم أو أو بناتهم كلام حلو في ربنا يسترها عليكم
تم النشر السبت، ٥ سبتمبر ٢٠٢٦
@Fayrouz Mohammed دول ناس مرضى ربنا يشفيهم ..انتو بس خلو بالكم من نفسكم ومن اي كلام مهما كان حتى لو كلام محترم ما خلى رجل بامرأة إلا كان الشيطان ثالثهما نصيحه اخويه لكل بنت اي حد يبعتلك رساله على اي حاجه كلمه التانيه بلوك بدون مقدمات وربنا يحفظكم ...وانتو كذالك كبنات عليكم دور توعيه إخواتكم الصغيرين أو حتى الأمير منكم ...الكلام للكل مش ليكي شخصيا 😅
تم النشر السبت، ٥ سبتمبر ٢٠٢٦
اه تمام مافيش مشكله ربنا يحفظك
تم النشر الأحد، ٦ سبتمبر ٢٠٢٦
هو حضرتك انا كتبت تعليقين وانا اللي حذفتهم ف عشان كدا ظهرلك أشعار ومفيش حاجه
تم النشر الأحد، ٦ سبتمبر ٢٠٢٦
ربنا يحفظك ويسعدك ويوفقك لما يحب ويرضى ويجفف عندك... لو في حاجه ابعتي اجابه جديده يكن تظهر وخلي بالك من كلامك لأن بعض الكلمات محظوره من التطبيق
تم النشر الأحد، ٦ سبتمبر ٢٠٢٦
الله المستعان
تم النشر الأحد، ٦ سبتمبر ٢٠٢٦
@Noha N ...مش ظاهر من كلام حضرتك غير 'نصيحه حضرتك جت على الجرح بس الحمد لله ' وفي اشعارات جاب امبارح ومظهرش حاجه وفي اشعار دلوقتي ..طب لي انت تقلب المواجع علينا .. ومش ظاهر التعليقات.. لا اقصد شئ اقصد توعية للاباء والإخوه
تم النشر الأحد، ٦ سبتمبر ٢٠٢٦
نصيحه حضرتك جت علي الجرح بس الحمدلله
تم النشر الأحد، ٦ سبتمبر ٢٠٢٦
بجد عندك حق لكن احنا بنكبر وبنعرف نفرق بس المشكلة إننا بنعرف كدة مع أول درس للأسف لازم نشوف ونميز من بدري حتى لو أهلنا مقصرين معانا ربنا يعينهم هما فعلا شايلين كتير
تم النشر السبت، ٥ سبتمبر ٢٠٢٦
ايوا الشباب اللي بتبهدل البنات معاها من اول كلمه كذب عشان عارفين انهم في احتياج ليها اما بالنسبه للاهل ف ربنا يصلح حال كل واحد كده ويحافظ علي اهل بيته وميعرضهمش للضياع
تم النشر الجمعة، ٤ سبتمبر ٢٠٢٦
دول أشباه الرجال بجد
تم النشر الجمعة، ٤ سبتمبر ٢٠٢٦
الرجولة الحقيقية تتلخص في تكامل القوة مع الأخلاق، والحزم مع اللين، وتحمل المسؤولية بوعي وإخلاص.
تم النشر الخميس، ٣ سبتمبر ٢٠٢٦
الرجولة مفهوم إنساني وأخلاقي عريق، تتسع معانيه لتشمل منظومة من القيم، والصفات، والمواقف التي تعكس النضج النفسي والتربوي والأخلاقي للإنسان
تم النشر الخميس، ٣ سبتمبر ٢٠٢٦
تقصدي مين بالكلام... الاب والاخ ،ولا الشباب اللي بيحاولو يوقعو البنات ؟
تم النشر الجمعة، ٤ سبتمبر ٢٠٢٦
الراجل اللي فاكر الرجولة مجرد مصاريف وشخط، يصحي نفسه! الكلمة الحلوة في البيت هي الحصن الأول والوحيد لبنتك وأختك قدام ذئاب النت والشوارع
تم النشر الأربعاء، ٢ سبتمبر ٢٠٢٦
الأمان مش مجرد أكل وشرب وسقف فوق الراس.. الأمان كلمة طيبة، وحضن دافي، وأب وأخ يكونوا هم الملجأ والسند لما تضيق الدنيا. اتقوا الله في أماناتكم وشبعوا بيوتكم حب
تم النشر الأربعاء، ٢ سبتمبر ٢٠٢٦
لعرض السؤال في فدني اضغط هنا