انا متزوجة من ٤ سنين صالونات بس حبينا بعض حاليا مبقاش فى اى اهتمام من ناحيته وبقى بخيل فى مشاعره جدا وانا كتتير بطلب منه انه يقعد يتكلم معايا او حتى ييجى بدرى من الشغل يقعد معايا خصوصا انى بحب الونس جدا ونفسي يكون ونيسى مش شرط نحب بعض بس على الاقل يكون في ود بينا بس للاسف كل دا منعدم اهملنى جدا لدرجة انى مبقتش اتكلم معاه وبقيت بدور على سعادتى وسط اهلى واصحابي وبقيت ابعد عن وجودة ومكالماته ومبقتش قادرة اتكلم معاه ومش عارفة الحياة هتفضل كدا لحد امتى حتى طلباتى المادية بقت صعبه عليه بفكر انى انفصل خصوصا انى مش شايفة داعى للعيشة معاه مع العلم معايا بنتين
أكيد فيه سبب لتغير المشاعر شوفي الأول إيه الأسباب وعالجيها ثانيا حاولي تغيري بمعني أنتي طلبتي يقعد يتكلم معاك أو يجي بدري رفض لو فضلتي كتير كده هو هيزهق غيري طريقتك معاه بمعني أهتمي أكتر اسألي أكتر شوفي إيه سبب جفاف المشاعر بينكم بعدك عنه وهو بعده عنك أنتوا مش مستأجرين أنتي منتظره منه أهتمام وسعاده أزرعي أنتي الأول العلاقات متبادله هو لو لاقي منك أهتمام هيقابله باهتمام وهكذا وبعدين الأهتمام والود والرحمه بينكم أساس الحب ابني أنتي بس وهو هيكمل زائد أن ممكن ظروف الحياة مش قادر أنه يلبي كل طلباتك دي حاجه خارجه عن إرادته طالما هو مش مقصر وبيعمل اللي عليه وبيسعي الجواز مسؤوليه خليكي قدها وأتعملي تواجهي مشاكلك وتحليها وربنا يصلح حالكم يارب
تم النشر الأربعاء، ٢٦ يوليو ٢٠٢٣
جددي الحياة ما بينكم .. ابدأي انتي الاول واعملي اللي هو محتاجه .. ما هو برضه اكيد هو كمان له احتياجات .. ابدأي انتي بها الاول. مع ظروف الحياة لما تطلبي منه يجي من الشغل بدري مثلا، وف نفس الوقت بتطلبي منه متطلبات مادية؟ ف ازاي هعمل المعادلة ديه هو؟ يعني ازاي هيحاول يوفر متطلباتك المادية ويشتغل ويجيب فلوس وازاي ف نفس الوقت يهتم بيكي ويجي يقعد معاكي؟ صعبة جدا المعادلة ديه انها تتعمل .. متحاوليش كمان تعاتبيه .. يعني لو هتطلبي حاجه منه بلاش تبدأي بالمعاتبة (وانت مش بتعمل، وانت معملتش كذا وكذا) بلاش هيجيب نتيجة عكسية. لما تطلبي حاجه اطلبيها ف وقت رايق، ويكون مناسب له انه يسمع ف الوقت ده، واطلبيها كمان بهدوء وبطريقة هو حاببها. بلاش تاني .. انت ليه مهمل وانت ليه مبقتش حاببني .. بلاش الكلام ده .. وابدأي انتي قدمي وجددي ف علاقتكم مع بعض ب اي حاجه حتى لو بسيطة .. هدية حلوة .. اكلة نفسه فيها، اي حاجه بيحبها. وبلاش يبقى اي حاجه تحصل يبقى الانفصال اول شئ .. حاولوا تاني وثالث .. الطلاق مش سهل ابدا.
تم النشر الخميس، ٢٧ يوليو ٢٠٢٣
بمجرد وجود الاطفال فى حياتك الزوجيه اصبحتى في موضع مسئوليه.. اوعي اوعي اوعي ذهنك يوديكي لموضوع الانفصال لأنك بقيتى ام ومسئوله عن بنات تأثيرك عليهم بالسلب حيأثر في شخصيتهم وحينعكس على حالتهم النفسيه.. الرسول الكريم صل الله عليه وسلم قال: كفى بالمرء إثما ان يضيع من يعول. وبالنسبه للزوج فالرجاله عموما مش من هواة الكلام والثرثره ركزي في حياتك على النقط الايحابيه في العلاقه وحاولي تنجحيها انتي الام يعنى كل الدنيا لبناتك.. ربنا يهدي سركم ويبعد عنكم كل سوء ومكروه وشر ويفرح قلبك 💚
تم النشر الأربعاء، ٢٦ يوليو ٢٠٢٣
حاولى مرة و اتنين و فهميه ان دة علشان مصلحه بناتك ..... بناتكم ملهمش اى ذنب يتربوا فى بيئه غير سويه و تكون السبب انهم يكبروا و يبقوا غبر سوببن نفسيا
تم النشر الأربعاء، ٢٦ يوليو ٢٠٢٣
اللى يشجعك على الانفصال فى وجود اطفال يبقي بيأذيكى و اعملى حسابك محدش هيقف جنبك انتى و بناتك الافضل ليكى و ليه و لبناتك تروحوا ل اخصائيه علاقات زوجيه ان شاء الله تفيدكم و ربنا يهديكم على بعض و يصلح بينكم
تم النشر الأربعاء، ٢٦ يوليو ٢٠٢٣
للاسف لما قولتله نروح ل اخصائي مهتمش 🤷🏻♀️
تم النشر الأربعاء، ٢٦ يوليو ٢٠٢٣
الزوجة الذكية هي اللي تجذب زوجها ليها
تم النشر الخميس، ٢٧ يوليو ٢٠٢٣
لعرض السؤال في فدني اضغط هنا