يا شباب عمري ١٧ سنة مبدئيا، لله الحمد مريت بمشاكل نفسية متقدمة كنت هتجن منها وكنت بضحك وبعيط في نفس الوقت ساعتها، والحمدلله ربنا فكها عني،
فيه حاجه كنت بحسب اني حليت مشكلتها وهي حبي لبنت معينه، ولكن في الحقيقة لا، آسف لحضرات الناس اللي ممكن ترد عليا ان دا حب مراهقة، بس خلينا واقعيين
شبه مامتي اللي اتوفت ونفس شخصيتها وحتي شبه شخصيتي، شخصيتي عبارة عن كبت وتراكمات وباجي علي نفسي لأن دول اهلي ودول ناس ممكن تعملك مشاكل ودول ناس معاهم مطوه وغيرها، مبحبش اوقع نفسي في مشاكل، عموما ترجع للموضوع الرئيسي،
البنت اللي بحبها مع اني مكنتش بحبها وكنت شايفها شخصية ساذجة ومع كدا لمحتلي كتير سواء بنظراتها ونظرات صحابها ودا كله في ٣ اعدادي (١٤ سنة)، متكلمتش مع ان تلميحاتها اخترقتني غصب، وزي ما قلت مبحبهاش فحصل جوايا تناقض رهيب، وطالما بقول ان الموضوع من سن ١٤ ولسة مستمر يبقي مش بسيط،
وفي وسط كل دا مامتي اتوفت، كنت بعيط كتير بسبب دا ولكن تأقلمت علي وفاة مامتي بشكل ما، ولكن حبي لها زاد (وبدل التناقض بقيت متعلق منغير سبب)، عموما لما دخلت ثانوية عامة صادفت انها معايا في دروس معينه، كنت بتألم عشان كدا حاولت اني اعترف حتى لو عايز رد مرضي،
المهم اتخلص من تشويش عقلي، وبقيت في تانية ثانوي ونفس التعلق، لكن قررت اني اتدين وانساها عن طريق غض البصر، وساعتها عرفت ان الدقن واجب بس معرفتش ان فيه ظروف علي حسب كل واحد، للاسف تعرضت لتنمرات على اللي بعمله من اهلي يوميا والناس لمدة سنة وكنت بسكت واضحك ولا كأنه حاجه بس الموضوع قلب ومرضت منغير سبب واضح، ورحت لدكتور وشك انه مرض نفسي،
واهلي لما سمعوا كدا ودوني لدكتور باطنة مأخدوش الموضوع بجد ومفكرينه جنون، تخيل في فرح اخويا الكبير رحت للاراضي اللي جنب القاعة وصوت بأعلي صوت وقعدت اجري واعمل حركات غريبة واعيط واضحك، بس لما شافوا حالتي في ٣ ثانوي وبالذات تيته (ام مامتي) خدوا خطوة، وللاسف الخطوة دي عقدتني من الدكاترة النفسيين ومن تكاليف العلاج،
قررت اسيبه واستحمل واشتكي للشات جي بي تي وافهم نفسي، وفعلا فهمت نفسي الحمدلله وعرفت اعالج اعراض مستحيلة ما عدا حبي لاروي اللي ظهر فجأة وقت ما قررت اعالج المكبوت،
حاولت اكلم عقلي الباطن عن طريق النعاس اللي بيربط مبين الواعي واللاواعي ومع انه جنون عارف، بس مفيش حل تاني، ظهرلي شكل عقلي الباطن علي شكل ظل اسود بيعنين حمراء ومبتسم ابتسامة مدببة فيها شر، ووراه خلفيه كئيبة مش واضح ملامحها، قمت مخضوض عشان المنظر يرعب اصلا، فرحت راجع تاني وداني لمكان مهجور بمعني (دعم عاطفي ناقص)، ومكان فيه نووي (علاقات سامة، وفعلا حصلي كتير)، ومكان فيه طبيعة (الجزء الكويس فيا)،
شات جي بي تي فسرلي الحاجات دي بس بجد كنت اتهمت نفسي بالجنون في اللحظات دي، بس استوعبت اني بكبت كتير، ولسة بحب اروي لدرجة اني بتخيل مستقبل مش موجود مع اني مشفتهاش من سنة ونص، عارف مكان بيتها وفيه امل مني بس حاسه مش واقع ملموس اني اتقدملها.
انا بقيت حتي اخاف اقول لحد كفاية لما يشتكيلي عشان ميزعلش.
وخايف اني اسكت حد بيتكلم كتير ومقلهوش انت رغاي زي ما بيتقالي.
وحتي نفسي بتدعم الناس عاطفيا بأي شكل عشان محدش يحس بنفس نقصي.
بضحك كتير وبهزر عشن محسسش الناس بحقيقتي.
بقيت بفهم الناس لدرجة اني لما اقرص اختي ال٤ سنين على غلطها وبتسكت زيي، لقيتها مرة واحدة بعد شهر بتقرصني جامد وكانت متعصبة، وساعتها زعلت جامد مع اني صح لأنها بتعمل غلطة محتاج عليها عقاب خفيف مش مميت زي ما اهلنا كانوا بيعملوا.
الخلاصة: تقريبا الحاسة السادسة عندي بقت موجودة، بس الحاجه الوحيدة اللي معرفتش اواجها هي حبي ليها، وكمان مش متأكد انا بحبها و لا، وشكل عقلي الباطن اللي بحسه جنون.
السلام عليكم ورحمه الله وبركاته اولا انا بحييك كثير جدا على المجهود اللي انت تبذله مع نفسك وكل محاولاتك اللي انت بتعملها علشان تحسن من نفسك وتفهم نفسك اكثر وتحاول انك تصلح الحاجات اللي بتؤذيك من جواك وخلينا كده نحاول نبسط الموضوع شويه او نحاول نشوفه هو ليه الوضع اللي انت فيه ده طبعا دائما في احتمالات لانه علشان نكون متأكدين هنحتاج نبعدين وبنتكلم مع بعض وبنسأل في حتت معينه وبتشوف الاجابات عندك أخبارها ايه علشان نبقى متاكدين لكن انا هكلمك فين بعض الاحتمالات هنا في احتمال ان تكون البنت اللي انت معجب بيها زي ما انت قلت لي شبه ماما مثلا ممكن شبهها في طبع أو في حركه هي بتعملها او شبهها في ملمح من ملامح وجهها وده اللي خلاك تكون منجذب للبنت أكثر واكثر لانك مفتقد مامتك ولانك مش مستحمل خساره مامتك ولذلك بتتعلق بشيء. يكون شبهها ولو حتى شبه من بعيد أو حاجه مش بتشوفها طول الوقت ولكن هو إيحاء إيحاء نفسي انه الشيء اللي انا ما كنتش اتمنى فقدانه لسه له وجود بشكل ما حواليا ودي خدعه يعني نفسيه الانسان بيعملها عشان خاطر يحاول يواسي نفسه من حاله الفقدان في احتمال ثاني وهو انك تلمست اول نقطه بتحصل من انجذاب الجنسين لبعض في مراحل البلوغ الاولانيه وهي المرحله بتاعه 14 15 سنه بإنه بس بيكون انجذاب للطرف الاخر اول حد بلاقي في قبول الانجذاب ده خلاص انا بشوف انه ده اللي هو الحب الاول في حياتي يعني وبما انك بعد كده اخذت طريق الالتزام فبعد كده ما بقاش ليك نظرات اخرى مع بنات اخرى ففضل الانجذاب ده هو الانجذاب الوحيد اللي داخل تحت بند الحب الاول فخلاص هو ثابت على كده وانت ما اختبرتش نفس الشعور ده او الاعلى منه مع أي حد ثاني انجذبت له لانك الحمد لله التزمت بقيت بتغض البصر ومش بتبص لحد ثاني دي احتماليه اخرى كمان لما يكون في حلو والشعور ده كان قوي لانه طبعا لما بيكون اول مره اللي هو لما بدوق الحاجه لاول مره بيكون اقوى مره انا يكون عندي الشعور بالطعم ده او الحاجة دي لأول مرة. بالإيجاب.او بالسلب ساعات بنتمسك بشعور سيئ لانه كان قوي جدا علشان خاطر كل ما نتمسك بيه ونفضل نفكر نفسنا بيه نحس ان احنا بنحمي نفسنا ولكن في المشاعر الكويسه الموضوع بيبقى احنا بنتمسك به لان احنا قلقانين من ان احنا نحس نفس الشعور ده مره ثانيه يعني اللي هو كاننا يعني مش ضامنين انا ممكن ملاقيش نفس الشعور ده مره ثانيه متمسك بالذكرى اللي فيها الشعور القوي ده ممكن يكون هو اللي حصل برده مع االبنت اللي انت منجذب بيها لحد دلوقتي مش عارفه طبعا انهي احتمال اللي ممكن يكون هو المرجح اكثر لانه ده. يعني هيكون مرتبط بتفاصيل كثيره يعني انت تحتاج انك تتكلم فيها ولكن حبيت ان انا اوضح شويه واتمنى ان انا اكون سعيد. الشعور بالطعم ده او بالحاجه دي اللي هي اول مره عشان كده دايما نقول اول مره مش زي كل مره. لما بيكون عندي شعور حصل قوي وحلو قوي فانا بحب اتمسك بيه نفسيا من جوه وعقلي من جوه بيحب يتمسك بالحاجه اللي هي ادتني شعور قوي سواء على فكره بالاجابه النقاط الثانيه اللي لها علاقه الطفوله طبعا دي حاجه محتاجه انه ان هي تتعالج واحده واحده هنبهك بس او يعني حاجه بسيطه وهو انك تهتم قوي قوي لانك تسامح فترات الطفوله دي بكل لغبطتها بكل الاخطاء اللي فيها من الاخرين لان هم غير واعيين لانه اللي كانوا بيعملوه ده خطا وغيره واعيين ان اللي كان بيحصل منهم ده مؤذي لك كطفل وانه اثر في حياتك ومجرد عدم وعي منهم وقلة وعي اهم نقطه الموضوع ده انك تسامحهم على اللي تواعيهم وفي جزء تفريغ شعور بنحتاجه في الموضوع ده لو نقدر عليه لو متاح ومسموح ان احنا نتكلم مع الاشخاص اللي صدر منهم افعال في طفولتنا ونقول لهم حصل منكم كذا كذا واحنا صغيرين وده كان مؤذي وكان بيدايق مع العلم انك مش هتكون منتظر منه يتاسفه ومش هتكون منتظر منهم انهم يقولوا اي حاجه تغير في احساسك من ناحيته هتبقى بس بتعمل ده من اجل التفريغ لانه ده مهم جدا ان احنا نخرج ده من جوانا.
تم النشر الأربعاء، ٢٥ يونيو ٢٠٢٥
اولا لازم تقوي علاقتك بربنا ثانيا و دا الأهم جو عقلي الواعي و اللاواعي دي كلها سحر و دجل عاوز دليل ادخل يوتيوب اكتب هيثم طلعت علوم الطاقة و اسمع بقى لحد ما تتأكد بنفسك و في قناة قرار إزالة كمان ثالثا اللي انت فيها دا محتاج مساعده نفسية من شخص مختص يفيدك و يساعدك احسن من اي حد كمان انت محتاج تروح زي نادي او جيم تطلع فيه الطاقة اللي عندك و هيحسن من حالتك النفسيه حتى لو مش معاك فلوس انزل اتمشى ان شاء الله تروح تصلي كل الفروض في الجامع و تتمشى كده عشر دقايق بعدها تاخد نفسك و تريح أعصابك، و كمان الأفضل من انك تتشوف حوار اللاواعي و الطين دا اكتب مذكراتك فرغ فيها كل اللي جواك، و إن شاء الله خير ، اما عن موضوع الحب و الحاجات دي ف انت لسه بدري عليك لسه جامعة و جيش و عقبال ما تلاقي شغل لانه حتى لو روحت تتقدم لها اكيد باباها مش حيوافق ف لازم تشتغل على نفسك عشان تعرف توصل لها بحلال و ربنا يكتب لك اللي فيها الخير
تم النشر الخميس، ٢٦ يونيو ٢٠٢٥
السلام عليكم أخي العزيز، أولاً، أشكرك على ثقتك الكبيرة في مشاركتك هذه المشاعر والتجربة التي تمر بها، وهذا بحد ذاته خطوة عظيمة وشجاعة تستحق التقدير. ما تمر به ليس بالأمر السهل إطلاقاً، خاصة في سنك الذي لا زلت فيه تتشكل وتتطور على المستويات النفسية والعاطفية. لأساعدك بشكل منظم، سأقسم كلامي إلى نقاط لتغطي كل ما ذكرته: 1. العلاقة بين حبك لهذه الفتاة والأعراض النفسية في سن 14 وحتى الآن، تعلقك بهذه الفتاة ظل مستمراً وغير واضح لك تماماً، وأحياناً حتى أنت تشك إن الحب هو السبب أو فقط تهيؤات. هذا الشعور المختلط (حب أو تعلق أو علاقة تعويضية لمشاعر أخرى) هو أمر شائع عند الأشخاص الذين مروا بفقدان كبير أو صدمات نفسية. فقدان والدتك أثر على مشاعرك وأدى إلى ارتباطك العاطفي بهذه الفتاة بطريقة تبدو وكأنها محاولة للتعويض عن فقدان الحب والأمان. 2. كبتك للتجارب النفسية والمشاعر الكبت والتراكم النفسي الذي وصفته مع قلة الدعم العائلي والتعرض للتنمر جعل الأمور أصعب وأكثر تعقيداً. من الطبيعي أنك حاولت السيطرة على مشاعرك وعلى حالتك النفسية بطريقة داخلية، وهذا أحياناً يخلق مقاومة للعلاج أو خوف من مواجهة الواقع. العلاج النفسي يحتاج صبر، وخصوصًا في بيئة لا تدعم ذلك، لذلك فكرة الاستمرار بالمعالجة مع طبيب نفسي متخصص وثقة أكبر في العلاج مهمة جداً. 3. علاقتك مع نفسك والتأمل الداخلي محاولتك لفهم ذاتك من خلال مراقبة الأحلام والتواصل مع العقل الباطن تظهر وعيك وحبك لذاتك ورغبتك في الشفاء. من الطبيعي أن ترى ظلالاً وصوراً مخيفة أو رموزاً تنبع من الكبت والصراعات الداخلية، فهذا جزء من معالجة المشاعر المكبوتة. هذا مؤشر جيد أنك على بداية الطريق لفهم أعمق لما في داخلك. 4. تأثرات الآخرين ومقاومتك للمحن الاجتماعية ذكرت أنك تخاف من الكلام مع بعض الناس لتجنب المشاكل، وتخشى أن تظهر أو تقول لحد خذلك أو يغضب. بالإضافة إلى أنك تحاول تعويض هذا بدعم الآخرين عاطفياً، وهذا يدل على حسن نيتك ورغبتك في التواصل الإنساني الجميل. حاول أن تحافظ على هذا الجانب فيك، ولكن لا تنسَ أولاً أن تعتني بنفسك. 5. حبك للفتاة ورغبتك في نسيانها أو التعامل معه يبدو أن التعلق ما زال له تأثير قوي عليك، وأحياناً تشعر أن حبها أصبح عبئًا وسببًا في تعقيدات نفسية. من المهم أن تعطي لنفسك الفرصة لتعيش حياة مختلفة، وترفع سقف الطموحات أمامك لتشغل بالك بأشياء مفيدة كثيرة. غض البصر جزء مهم كما ذكرت، وهذا ما أوصى به ديننا الحنيف كحماية للنفس والقلب. نصائحي العملية: حاول تثبيت موعد لاستشارة نفسية من جديد مع طبيب تثق فيه، فحتى ولو كانت التكاليف مشكلة يمكنك أن تسأل في صيدلية أو مستشفى حكومي عن إمكانية جلسات بأسعار معقولة أو مجانية. عِش حياتك وحاول أن تركز على دراستك وأهدافك الشخصية والمهنية، فالمستقبل لك بإذن الله. خصص وقتًا للأنشطة التي تحبها، سواء كانت رياضة، هوايات، أو تعلم مهارات جديدة. هذه ستساعدك كثيرًا في تقوية نفسك. لا تخجل أو تخف من مشاعرك، وكن صادقًا مع نفسك، وامنحها الوقت للشفاء. حاول تقصير التواصل أو اللقاء بأماكن تجعلك تتذكرها بشدة إذا لم تستطع قطع العلاقة بشكل كامل. ثق بربك وادعوه دائماً أن يعينك ويهديك سواء كان في مشاعرك أو في طريق العلاج. أخيرًا، أنت لست وحدك، والكثيرون يمرون بتجارب نفسية وعاطفية معقدة في سنك وما أكبرها من تحديات. لا تتردد في البحث عن الدعم المهني المتخصص، ويمكنك دائمًا زيارة صفحة الخبراء في فدني https://www.fedni.net/experts للحصول على استشارات نفسية مناسبة. هل تود أن أساعدك في تحديد خطوات محددة لتبدأ بها علاجك النفسي أو تنظيم مشاعرك؟ أنا هنا دائمًا لأدعمك. دمت بخير وطمأنينة يا أخي العزيز، وذكر الله ورضاه هو البلسم الحقيقي لقلوبنا.
تم النشر الأربعاء، ٢٥ يونيو ٢٠٢٥
اتمنا انك تقوي علاقه مع الله لانو هتعرف طريقك كويس وربنا هيدلك علي الطريق الصح لا ارادي
تم النشر الأربعاء، ٢٥ يونيو ٢٠٢٥
حبيبي والله .. احنا قدامنا مشوار طويل لسه فيه كلية وجيش وشغل ومسؤوليات ادارة وعلاقات لازم نعرفها، محتاج تستقر مع نفسك بينك وبين ربنا، وتبدا تاخد خطوة جدية في حياتك، وحاول تستغل الماضي وتعمل منه دروس بس، ربنا يوفقك كل واحد عنده مشاكل فيه الل بيظهر وفيه الل مكتوم طور انت من نفسك بس وكله هيتحل بعون الله.
تم النشر الأربعاء، ٢٥ يونيو ٢٠٢٥
بفضل الله طلعت بخبره، ولسة اللي جاي اصعب وان شاء الله منستسلمش ونتعلم اكتر ومنبقاش ضحية لمصايب الدنيا.
تم النشر الأربعاء، ٢٥ يونيو ٢٠٢٥
لعرض السؤال في فدني اضغط هنا