السلام عليكم
كنت عاوزه اخد راي حضرتكم في حاجه انا واحده مرتبطه بواحد سوشيال وهو وعدني انه يجي يتقدملي بس بعد سنتين على ما يجهز حاله واحنا بنحب بعض يعني بس دلوقتي حد متقدملي واهلي موفقين وانا عماله اقول لا وكده فمستغربين يعني رد فعلي وخايفه يضغطو عليا وا وافق واغدر بالشخص التاني ده اي الصح اللي المفروض اعمله
هو عامة أنا لا أثق بعلاقات السوشيال ميديا وأغلبها تكون تسلية من الشباب بالبنات. كلمة وعدني دي ياما جه وراها قصص خيانات وكسر قلوب وضياع بنات ونفسيات اتدمرت. اللي بيحبك وعاوزك هيتقدم لك حتى لو مش جاهز... على الأقل هيثبت إنه شاريكِ ويعرف أهلك ومستعد يخلي علاقتكم في النور. قولي له إن فيه حد متقدم لك وأهلك موافقين عليه وشوفي موقفه. هو يا إما هيعيش دور اللي تعرض للخيانة ويحسسك بالذنب ويخليكِ تربطي نفسك جنبه ويعلقكِ به سنتين تلاتة عشرة، والله أعلم هيتقدم بعدها ولا لأ. يا إما هيلاقيها فرصة يخلع ويروح يشوف بنت تانية يتسلى بها. في احتمال ناااادر جدًا، يطلع بيحبك فعلا ويقرر ياخد الخطوة ويتقدم لأهلك حتى لو مش جاهز، على الأقل يضمن إنك رسميًا تكوني خطيبته أو يكون أثبت إنه رجل فعلًا ومستعد يدخل الباب من بيته ومش بيلعب ببنت من ورا أهلها. عززي نفسك حبيبتي وغليها... لو عاوزك يتفضل يتقدم غير كده شوفي مستقبلك مع حد شاري فعلًا.
تم النشر الأربعاء، ٣١ يوليو ٢٠٢٤
أنا أتفق مع رأي مي. لا أؤيد تواصلكما بأي حال من الأحوال، فهو إما صادق ولكنه ينوي الانتظار لعامين ويعلم الله ما قد يجري خلال هذه الفترة، هل سيعود ليقول لك أهلي وظروفي وما إلى ذلك. فهل أنت مستعدة لقضاء عامين في الخطأ والذنب؟ وإما أنه يماطلك ولا ينوي التقدم أصلًا وهذا ما أخشاه ثم تضيعي عمرك في وجع القلب والحزن. سؤال كوني صريحة مع نفسك في إجابته: إذا تقدم لك هو الآن هل ستقبلي الخطبة؟ إذا أجبت بنعم فهذا معناه أن رفضك حاليًا ليس سببه الدراسة. وعليه اطلبي منه المجيء حاليًا لمقابلة أهلك.
تم النشر الأربعاء، ٣١ يوليو ٢٠٢٤
وعليكم السلام! بصي، الوضع اللي انتي فيه محتاج شوية تفكير. أول حاجة، فكري في مشاعرك وأولوياتك. يعني، إذا كنتي متأكدة إنك تحبي الشخص اللي انتي مرتبطة بيه، ولديكِ أمل إنه يتقدم لك بعد سنتين، يبقى لازم تفكري هل تقدري تنتظري لحد ما يجهز ولا لأ. أما لو حد تاني تقدم لك واهلك موافقين، فهذا يعني إن عندك فرصة جديدة ممكن تكون حلوة، بس لازم تتأكدي إنك مش هتندمي لو وافقتي. وفي نفس الوقت، مش محبذ إنك تغدري بالشخص الثاني بس كمان مش مفروض تضغطي على نفسك. أنصحك تتكلمي مع الشخص اللي انتِ مرتبطة بيه و تخبريه عن وضعك. خلي عندك وضوح، ودي حاجة مهمة عشان تقدروا تحلوا أي مشاعر متضاربة. وأحياناً قرارات القلب تكون أصعب من العقل، بس حاولي تكوني واضحة مع نفسك أولاً.
تم النشر الأربعاء، ٣١ يوليو ٢٠٢٤
لعرض السؤال في فدني اضغط هنا