عندي 17 سنه لسه فاضلي كام شهر واكملهم في تانيه ثانوي تمريض حاسه اني تعبانه نفسيا عايزة اتكلم وافضفض مش لاقيه حد معايا صحابي مش معايا هو انا بقول صحابي بس انا مش صاحبتهم زي ما هما صحابي
اهلي بقى حوار تاني ماما وبابا خناق مع بعض محدش فيهم طايق التاني بابا سايبنا ومسافر كل الي بيعملو بيبعت فلوس متكفيناش وعايزنا منغلطش وعايزنا تحفه في كل حاجه وهو اصلا مش شايف احنا عاملين ازاي
ماما عصبيه استحملت كتير معانا بس بقيت أحس انها مش فهماني على طول شيفاني قليله واقل واحدا في اخواتي ومليش كلمه على اخواتي مع اني اكبر واحدا فيهم كل حاجه بجد مقرفه بس مش عارفه اعمل ايه
حقك عليا انا من كل حاجة عمومًا سيبك من اي حاجة بتحصل واشغلي بالك بدراستك وحاول تطوري نفسك في اي حاجة احفظي قران وحافظي على صلاتك وادعي ربنا ييسر امورك وسببها على الله مامتك غصبن عنها اكيد انا عارفة مش مبرر إنها متفهمكيش لكن حاولى تفهميها انتي حاولى تتكلمي معاها
تم النشر الخميس، ٥ فبراير ٢٠٢٦
اللي انتي فيه نتيجة تراكمات كتير فبقيتي حاسة انك مرهقة نفسيا. اول حاجة تعمليها انك تبطلي تبصي على الجانب الوحش في حياتك، شوفي الجانب الحلو في حياتك. اعذري اهلك ظروف الحياة صعبة الايام دي وسفر والدك ده عشانكم فطبيعي مع سفر والدك مامتك متحمله مسؤلية البيت لذلك هيا متعصبة اغلب الوقت. انا بس بفكرك ان هما كمان مرهقين نفسيا من ظروف الحياة مضغوطين عشان يوفروا ليكي ولاخواتك حياة كريمه. فانتي تعملي ايه بقا. ركزي في دراستك واشغلي وقتك و زودي طاعاتك. الوقت الفاضي بيضخم المشاعر السلبية. فانتي على قد ما تقدري اشغلي وقتك فيما ينفعك. عايزاك تعرفي ان الدنيا دي مجرد اختبار لينا عشان الجنة بإذن الله. روقي كده مفيش حاجة مستاهله زعلك انتي لسه صغيره وقدامك حياة جميلة وان شاء الله ربنا يكرمك بالزوج والذرية الصالحة وربنا يوفقك يارب.
تم النشر الاثنين، ٢ فبراير ٢٠٢٦
كونك الكبيرة وشايلة هموم ومشاكل أكبر من الـ 17 سنة بتوعك ده يخليكي فخورة بنفسك مش مكسورة. انتي بتتعلمي الصبر اللي غيرك في سنك ميعرفش عنه حاجة. مامتك وباباكي هما كمان تايهين؛ باباكي فاكر إن الفلوس هي كل حاجة، ومامتك ضغطها مخليها مش شايفة أغلى جوهرة عندها. سامحيهم عشان قلبك يرتاح، بس متخليش كلامهم يبني صورتك عن نفسك. دراستك هي "طوق النجاة": بكره لما تلبسي لبس التمريض وتخففي وجع الناس، هتحسي بقيمتك الحقيقية. ربنا حطك في السكة دي عشان عارف إن قلبك رحيم وحاسس بالوجع.. النجاح هو أحسن انتقام من الظروف. الوحدة اللي انتي فيها خلوة لما متلاقيش حد تفضفضي له، اتكلمي مع ربنا، أو اكتبي لنفسك. اللي بيسند نفسه بنفسه مبيقعش أبداً، وصحاب الروح هيجوا في وقتهم، متستعجليش على ناس فاضية مش شبهك. وبكره لما تعافري وتوصلي، هتبصي وراكي وتشكري البنت الصغيرة الضعيفة اللي كانت بتعيط في أوضتها بس مأسلمتش.. انتي دلوقتي بتصنعي الست القوية اللي هتكونيها بكره وبعتذر على الإطالة 😊 وجد والله ربنا يوفقك ويحفظك
تم النشر الاثنين، ٢ فبراير ٢٠٢٦
يا حبيبتي، أنا ذكية هنا معاكِ، وأنا سامعة كل كلمة قلتيها. تعبك النفسي ده طبيعي في سنك ده، خاصة مع الضغط الدراسي في تانية ثانوي تمريض، والمشاكل العائلية اللي بتحسي بيها لوحدك. أنتِ مش لوحدك، وأنا فخورة بيكِ إنك بتطلعي اللي جواكِ كده – ده خطوة كبيرة! إيه اللي تعمليه دلوقتي عشان ترتاحي شوية؟ اكتبي اللي جواكِ : خدي دفتر صغير واكتبي كل يوم اللي مضايقك، زي لو بتحكي لحد قريب. ده بيخفف الضغط ويخليكِ تشوفي الأمور أوضح. بعد كده، اقري اللي كتبتيه وفكري في حلول صغيرة زي "أركز على دراستي عشان أنجح وأبعد عن الهم ده". الصلاة والدعاء : واظبي على الصلاة والدعاء وذكر "اللهم أذهب الهم والغم عني". اقري قرآن يوميًا. التوكل على ربنا هيسندكِ. رتبي يومك : حددي جدول بسيط للدراسة (ساعة دراسة + 10 دقايق راحة)، ونامي بدري عشان جسمك يرتاح. كلي أكل صحي وامشي شوية – ده بيجدد الطاقة. مع الأهل : متضغطيش نفسك دلوقتي، ركزي على نفسك. لما أمك تهدأ، قوليلها كلمة حلوة زي "أنا بحبك ومحتاجة دعمك"، بس بدون توقع فوري. أبوكِ مسافر، ادعيله يهتم أكتر، والفلوس اللي بيبعتها دي نعمة – اشكري ربنا عليها. أنتِ قوية يا بنتي، وكام شهر وهتخلصي الثانوية وتبدئي حياة جديدة كممرضة تساعدي الناس! لو عايزة تفضفضي أكتر، قوليلي هنا أي وقت. دوري في فدني على أسئلة مشابهة هتلاقي إجابات كتير مفيدة، ولو محتاجة استشارة متخصصة، شوفي الخبراء هنا: https://www.fedni.net/experts – فيه نفسية ومدربين حياة هيساعدوكِ. أنتِ قوية وصبورة يا قمر، وربنا معاكِ ❤️
تم النشر الاثنين، ٢ فبراير ٢٠٢٦
بالنسبه لحوار الفضفضه ده فالحل هو مذكرة تطلعى كل اللى جواكى فيها افضل من مليون حد تفضفضيله ومش كل الناس امان
تم النشر الخميس، ٥ فبراير ٢٠٢٦
عادي انا كنت ث تمريض زيك وبعدت عن اصحابي بسبب الدراسه وكدا تقريبا كنت زيك ووحيده بس عادي هتتعودي المهم متصاحبيش اللي مش شبهك والوحده مش وحشه اوي كدا صدقيني بس اكيد بيجي وقت وتحسي انك لوحدك بزياده زي التجمعات والخروجات بس عادي هتتعودي لحد ما تلاقي الناس اللي شبهك ، اخرجي وروحي اماكن كتيره لو تقدي اشتركي في انشطه وحاجات او كورسز وهتتعرفي على ناس اكتر
تم النشر الخميس، ٥ فبراير ٢٠٢٦
ابعدي عن العيال اللي معاكي واكتبي ورقة فيها مشاعرك واحرقيها بعدها انما مامتك كل الامهات كدا حرفيا
تم النشر الخميس، ٥ فبراير ٢٠٢٦
تقبلي الضعف
تم النشر الثلاثاء، ٣ فبراير ٢٠٢٦
لعرض السؤال في فدني اضغط هنا