معايا وحده صحبتي جامد يعني قريبه مني اوي وهي تبقا بنت عمتي ف نفي الوقت هي بتحبني اوي واما تبقا بايته معانا مش بتنام غير ف حضني وبتبقا جنبي وانا تعبانه لكن هي دايما بتنتقدني يعني مثلا بتقولى انتي وزنك هيقف على كدا هتفضلى عيله وده كلام جارح بييجي على نفسيتي و بتقولى انا احلى منك وانا ابيض منك وانا جسمي حلو وانتي لا مع انو فرق السن بينا 3 سنين ولو شافت وحده صحبتي بتروح تقولى صحبتك احلى منك مع انو الكلام ده مش صح و صحابي الى هي ب تقارني بيهم هما نفسهم بيقولولى انتي حلوه ونفسنا نبقا زيك ومعروف عندنا انو شعري احلى شعر ف العيله وهي اما نبقا قاعدين مع اخواتي تقول اختك كذا شعرها احلى منك هما اخواتك هيحلوو وانتي لا خلاص وقفتي وبتعاملني بوقاحة ف طريقت كلامها وانا بحبها ومش بيهون عليا ارد ب المثل وف نفس الوقت هي بحسها كويسه عشان كل م نتخاصم ونبعد تيجي بعدها بفتره وتكلمني هي
بس هي عملت بردو معايا حاجه جرحتني بعيد عن كل الى بتقولو ده لان ده لعب عيال بس هي انا وقفت معاها ف فتره صعبه جدا من حياتها لدرجه انها كانت بتقولى انها مدايقه وهي مش عارفه لى وكنت بواسيها يعني قعدت سنه بواسيها على مشاعر مختلطه جت هي بقا انا ف وقت كنت محتاجها فيه جدا جدا بس هي فضلت حبيبها عليا وكانت بتكلمو ومش بترود عليا وبتقفل المواضيع علطول يعني وهي كانت مدايقه مكنتش بقفل النت خالص عشانها وهي وانا بحكيلها كانت بتبقا مركزه مع حبيبها وبترد عليا بعدين او من الاشعارات واحيانا تانيه كانت بتبقا بتلعب ف تطبيق تاني. يعني هي كانت بتواسيني لما كانت هي محتاجه حد بواسيها واما لقيت الى هي عيزاه الى هو حبيبها سبتني وحدي من غير م تراعي اني كنت بسبب كل حاجه عشانها وخسرت صحابي عشانها وزعلو مني وفضلت فتره وحدي بس بحسها بتحبني
من المواقف دى مش هقول بتكرهك ولكن فيه شخصيات كده بتبقا طبعها كدا يعنى متعرفيش تغيريها . ف الافضل انك تبعدى عنها تدريجى مش تقطعر معاها و ده عشان نفسيتك ليه تهلكيها
تم النشر الأحد، ٣٠ يوليو ٢٠٢٣
ممكن متكونش كراهية .. بس تكون حقد، غيرة ... وده وارد جدا وده اللي باين من تصرفاتها .. لكن هل يجتمع الحقد مع الحب؟ ولكن السؤال الاهم .. هل بتحاولي تشوفي مبرر لحبها علشان تفضلي معاها؟ او تخليها تقرب منك؟ ولا الواحد في التصرف ده ممكن يعمل ايه؟ في الحقيقة لو انا مكانك مش هقبل على نفسي ان حد يتعامل معايا بالطريقة ديه، ولا حتى ابقى حاسه ان فيه حد حاسس بالحقد اتجاهي بالشكل ده .. خصوصا ان ده واضح جدا منها. ممكن بقى تقولي لي انتي حاسه بالحب من انهي جهة بالظبط؟ وحتى لو حاسه بالحب .. هل ده كافي انها تكون معاملتها ليكي بالشكل ده؟ ف الجواب لأ حتى لو فيه حب منها ف ديه حاجه مينفعش تكون موجودة (المعامله السيئة) من الاشخاص احنا مش مضطرين اننا نقبلها اصلا! ف وقفيها عند حدها في كل مرة بضايقك فيها .. ومتقبليش ان حد يهز كرامتك او يهينك.
تم النشر الأحد، ٣٠ يوليو ٢٠٢٣
بصي هي بتغير منك ولكن مش عايزه تبين دا بس أفعالها فضاحتها و حوار انها تفضل حد عنك يبقى انتي اختاري غيرها مهما كنتي بتحبيها اوعى تأذي نفسك عشانها و هي كده مصدر ازعاج و أذى لمشاعرك و متسمحيش لأي حد مهما كان انو يكون مصدر أذى ليكي و تفضلي قريبه منو
تم النشر الأحد، ٣٠ يوليو ٢٠٢٣
لعرض السؤال في فدني اضغط هنا