السلام عليكم ورحمة الله وبركاتة
صراحه مش عارفه اطلب بانهي صيغه بس انا محتاجه مساعده محتاجه حد يقف جنبي لحد ما ارجع زي ما كنت انا بعمل حاجات غلط كتير علي الفون ده غير اني بقضي عليه ساعات كتير اوي اوي بالذات فتره الليل نظري ضعف خالص خالص خالص يومي كلو بايظ بيكون مطلوب مني اني انجز حاجات بس مش بعملها من مسكتي للموبيل اللي بديقني وبدايق اللي حوليا وبعيد عن ادماني للموبيل هو ادماني للعاده السريه والشتات المجهوله الموضوع صعب اوي بالنسبالي ومش قادره اتخلص منو لا ده بيزيد محتاجه مساعده في اي بقي عايزه حد امين يثبت عندو برنامج مراقبه الابويين ويتحكم في فوني واني مستخدمهوش اكتر من مثلا تلات ساعات او ساعتين وكمان حاجات تانيه يتحكم في استخدمها فتره لحد ما ابطل كل ده وارجع لشخصيتي الحقيقه هتقولو اطلبي من حد قريب اجابتي هي مستحيل مستحيل اني اطلب م حد يعرفني حاجه زي كدا
اقولك حاجة استمري على قيام الليل شهر واحد بس، اصحي ساعتين قبل الفجر مثلا صليلك 8 ركعات مثلا اقري فيها قرآن وانتي ماسكة مصحف عادي، وافضلي آخر نص ساعة قبل الفجر اقسميها نصين النص الأول تستغفري الله، وتصلي على النبي النص الثاني الي هى الربع ساعة الأخيرة تدعي لنفسك كثير بأمور الدنيا والآخرة والله دي الطريقة الي بردو تركت فيها نفس العادة اللعينة دي فان شاء الله استعيني بالله وانوي نية صادقة واعملي الي قلتلك عليه لأن بصراحة طالما أنا كشاب وما ادراكي ما شاب شهوة عالية وصحبة زبالة و بنات رايحة جاية بالخطوات دي قدر عليها فان شاء الله هتقدري جداا ولو احتجتي اي نصيحة اعمليلي منشن هنا وهحاول أفيدك إن شاءالله، بس أنا كده قلتلك على الخلاصة وحل جربته عليا شخصيا ممكن أقولك حاجة تانية زيادة ممكن تشوفي أي حاجة تشغل وقتك دراسة، مهارة بتحبيها، تتعلمي قرآن وهكذا .... أنا بقالي كده 6 شهور مبطلها وملتزم جدا أسأل الله الثبات ودعواتك، وواثق إن شاءالله انك قدها وهتجيبي نفس الريتم الي وصلتله ده قريب جدا إن شاء
تم النشر الاثنين، ٨ يونيو ٢٠٢٦
وعليكم السلام ورحمة الله وبركاته، أنا فاهمة إن الموضوع صعب جدًا عليكِ وإنكِ بتحاولي ترجعي لنفسكِ الحقيقية، وده شيء يستحق التقدير. الإدمان على الموبايل والعادة السرية بيأثر على النظر والإنجاز والعلاقات، لكن التغيير ممكن بخطوات عملية. بدل ما تدوري على شخص غريب يتحكم في فونكِ (لأسباب أمان)، جربي الحلول دي: استخدمي تطبيقات زي AppBlock أو Freedom أو Qustodio ، وخلي حد موثوق (حتى لو بعيد) يحط كلمة السر. حددي وقت يومي ثابت (ساعتين مثلًا) واستخدمي وضع "لا تزعج" ليلًا. املئي وقت الليل بقراءة قرآن أو صلاة أو هواية بسيطة. لو محتاجة دعم متخصص، روحي لصفحة الخبراء في فدني: https://www.fedni.net/experts وابحثي عن معالج نفسي أو مدرب حياة. كمان ابحثي عن أسئلة مشابهة في فدني عشان تلاقي تجارب أخرى. أنتِ قادرة، وكل خطوة صغيرة بتقربكِ من هدفكِ. لو عايزة تتكلمي أكتر أنا هنا.
تم النشر الأحد، ٧ يونيو ٢٠٢٦
شغلتو وفعلت كل ده حرفيا هعيط من الفرحه ف جزاك الله عني خيرا شكرا بجد بجد من قلبي والف شكرا برضو للاستاذه فاطمه
تم النشر الأحد، ٧ يونيو ٢٠٢٦
باذن الله هشاركم تقدمي كل فتره
تم النشر الاثنين، ٨ يونيو ٢٠٢٦
الله يسعد قلبك الطيب
تم النشر الاثنين، ٨ يونيو ٢٠٢٦
جزاك الله عني خيرا
تم النشر الأحد، ٧ يونيو ٢٠٢٦
حاضر هبحث عنو وانزلو
تم النشر الأحد، ٧ يونيو ٢٠٢٦
ربنا يحقق لك كل احلامك يارب انا هفضل ادعيلك علي طوووول باذن الله
تم النشر الأحد، ٧ يونيو ٢٠٢٦
حملي digital detox وحددي برامج محدده تفتحيها لمده معينه وهيقفلك الجهاز تلقائي ومش هتقدري تمسحيه غير لما تدفعي فلوس فده اظن هيساعدك بس خلي بالك وانتي بتعملي الاعدادات عشان الجهاز ميقفلش خالص وانتي مخلصتيش كل التظبيطات فاقعدي جربي فيه على يوم قفل لحاد ما توصلي لافضل اعدادات وحطيه بقا على شهر
تم النشر الأحد، ٧ يونيو ٢٠٢٦
عايزه اجيب كتب واقراءها
تم النشر الأحد، ٧ يونيو ٢٠٢٦
انا من الصعيد وفي حته مقطوعه كمان ولا جيم ولا جيران ولا جمعيه شرعيه ولا جامع الحاجه الوحيده اللي كات بتخرجني هي الكليه وانا خلاص خلصت امتحانات
تم النشر الأحد، ٧ يونيو ٢٠٢٦
عندك حق بس انا تعبت من نفسي وكرهتها مش لاقيه طريقه ابعد فيها عن كل ده
تم النشر الأحد، ٧ يونيو ٢٠٢٦
هي مش هتكون مراقبه هو برنامج تحكم بيتحكم في الفون بس لاكن مش بيوصل لاي حاجه
تم النشر الأحد، ٧ يونيو ٢٠٢٦
@Ahmed Khairy حاضر دعواتكم ليا
تم النشر الثلاثاء، ٩ يونيو ٢٠٢٦
@Aya Abdallah ما خلاص مش هخلي حد يراقب الفون ان شاءلله مفيد قال علي برنامج كويس وان شاءلله مش هعمل الذنب ده تاني
تم النشر الثلاثاء، ٩ يونيو ٢٠٢٦
@مفيد . حاضر
تم النشر الثلاثاء، ٩ يونيو ٢٠٢٦
اطلعي برا محيطك برا صحبتك حاولي متبقيش فاضيه زاحمي يومك بالطاعات اعملي اللي عليكي فروض وسنن وهكذا وحاولي تتوبي اول باول مهما تكرر الذنب توبي طالما باب التوبه مفتوح
تم النشر الثلاثاء، ٩ يونيو ٢٠٢٦
بصي يا حبيبتي بلاش حد يراقب فونك دي عشان بيحصل بلاوي بس صلي واشغلي وقتك بشغل مثلا مذاكره خلي عندك هدف انا هعمل كذا عشان كذا وتواصلي معايا لو حابه انا زي اختك وموضوع العاده دا اول ما تبدءي تحسي انك هتعملي الذنب دا اول حاجه فكري فيها انا ربنا شايفني وفكري ان بعد الشر ممكن تموتب عالمعصيه دي ف وقتها العبي رياضه واهلكي جسمك ف الشغل اطلعي اقعدي جمب اهلك متسبيش نفسك لفكرك دا وربنا يهديك وبلاش حد يركب فونك دي بالله
تم النشر الاثنين، ٨ يونيو ٢٠٢٦
ايوه لازم تظبطي من الاعدادات التطبيقات الي عايزاها تكون مفتوحه معاكي وتقدري تحددي مده لكل يوم ليها وعشان كده قولتلك خليها يوم ويوم لحاد ما تظبطي افضل اعدادات تحتاجيها
تم النشر الاثنين، ٨ يونيو ٢٠٢٦
التطبيق اشتغل وكل حاجه لاكن قفلي حتي البرامج اللي المفروض استخدمها ف اي السبب لسه يدوب مفتوح لان عامله المده يوم واحد
تم النشر الاثنين، ٨ يونيو ٢٠٢٦
@مفيد . لو سمحت
تم النشر الاثنين، ٨ يونيو ٢٠٢٦
ربنا يقويني واوصل لمرحله الاستغناء عنه خالص
تم النشر الاثنين، ٨ يونيو ٢٠٢٦
ارمي تليفون خالص
تم النشر الاثنين، ٨ يونيو ٢٠٢٦
من غير شكر أنا مبسوطة إنك لقيتي حل والاخ مفيد ساعدك الله يرضى عنك اللهم آمين وإن شاء الله قريبًا كل العادات السيئة تنتهي وتكوني أشطر حد في الدنيا لو حابه تكتبي كل فترة تقدمك وتشاركي معانا هيكون حلو عشان تحسي ان في حد معاكي وعايزك تكوني أفضل وأنتِ أفضل بالفعل🤍
تم النشر الاثنين، ٨ يونيو ٢٠٢٦
استبدالها بعادات صحيه ،، كتاب العادات الذريه قد يفيدك كثيرًا
تم النشر الأحد، ٧ يونيو ٢٠٢٦
واياكي يارب
تم النشر الأحد، ٧ يونيو ٢٠٢٦
الشكر الله ،الله يديم الفرحه وده اقل واجب
تم النشر الأحد، ٧ يونيو ٢٠٢٦
معلش الكلام مش مترتب لاني مستعجل وحاولت اتذكر الي اقدر عليه نظرا ان البرنامج مانعني اشوف الاعدادات عشان معدلش عل حاجه
تم النشر الأحد، ٧ يونيو ٢٠٢٦
هتلاقي زرار عل اليمين من فوق ايقونه الاعدادات اضغطي عليها وهتدوسي على التطبيقات هتختاري كل التطبيقات الي عايزه تسمحي بيها وحدديلها مده يعني الفيسبوك اخرك مثلا نص ساعه يوتيوب ساعه كده يعني حسب انتي عايزه اي واهم حاجه اي صلاحيه يطلبها منك البرنامج ادهالو وكمان في نفس الاعدادات تقدري تحظري مواقع وانصح تقفلي كروم اصلا كلو عل بعضه ولو احتاجتيه فحاجه خلي عندك جمناي متحمل ويشتغل في اي وقت والمشكله اني مفعل البرنامج فمش سامحلي ادخل الاعدادات او اشوف اي موجود فمش متذكر صراحه كل شيء بس في حاجه تقدري تعكليها بحيث يبقا التلفون عادي ويقبل مكالمات ودي ضروري
تم النشر الأحد، ٧ يونيو ٢٠٢٦
نزلتو
تم النشر الأحد، ٧ يونيو ٢٠٢٦
ثانيه احملو واتقلي اعمل اي بالظبط
تم النشر الأحد، ٧ يونيو ٢٠٢٦
@فَاطِمٌ الشَّافِعِيُّ. هاتي حتى أونلاين لو مش متاح خروجك وحاولي في جزئية اللابتوب بجد هتفيدك جدًا وهتوسع عليكِ
تم النشر الأحد، ٧ يونيو ٢٠٢٦
@السائلة طيب مينفعش تخرجي في الاجازة تحفظي قرآن ما هو حتى لو هتكوني في البيت مش مبرر إنك تدمني الفون لأزم تستعلي الدورات الِ على الإنترنت وتاخدي كورسات أونلاين دالوقتي كل حاجة متاحة
تم النشر الأحد، ٧ يونيو ٢٠٢٦
طيب ما إحنا شلنا الموبايل لو مش معاكِ لاب توب هاتي بجد هيساعدك حتى في الكلية
تم النشر الأحد، ٧ يونيو ٢٠٢٦
لا اكيد مش هلاقي وقت بس انا اهو احمست نص ساعه والحماس هيروح وهمسك الموبيل تاني
تم النشر الأحد، ٧ يونيو ٢٠٢٦
الفراغ فساد بلاش تكوني فارغة حياتك لأزم تكون مليانة في حاجات كتير جدًا زي الكورسات الجيم عمل تطوعي تتعملي مهارات القراءة حفظ القرآن بالله لو حياتك مشغولة هتلاقي وقت لـ الفون؟
تم النشر الأحد، ٧ يونيو ٢٠٢٦
صحبة الصالحين هيساعدكي جدًا جدًا وكل حياتك معاهم حلوة، ممكن برضو تنزلي تحفظي القرآن وتشوفي مدى جمال الأمر ممكن تنزلي جيم وتفرغي طاقتك
تم النشر الأحد، ٧ يونيو ٢٠٢٦
مفيش حاجه إسمها مش بقدر أسيبك الفون ساعة؟ لو مثلًا جالك مرض مفاجئ ومش قادره تحركي إيدك خالص هتعملي إيه؟ هتطلبي الفون من أهلك؟ ولا هتكوني مرعوبة إن إيدك مش بتتحرك خالص وبتقولي يارب آخر مرة تخليلي معايا بالله الموقف، لو مثلًا ملك الموت جا خلاص هتمسكي الفون برضو أنا بضرب مثال أقوى من كلامك عشان بجد تفوقي وتعرفي إنك تقدري وتاخدي قرار من دالوقتي
تم النشر الأحد، ٧ يونيو ٢٠٢٦
هنبدأ خطوة خطوة شلتي الفون صح؟ هبدأ أشوف أنا واقع مني إيه علاقتي بالله أنتظم في صلاتي وكثرة الدعاء إن ربنا يكرهك في ذنوبك
تم النشر الأحد، ٧ يونيو ٢٠٢٦
اتعود ان كل حاجه بتكون بالاجبار والسيطره
تم النشر الأحد، ٧ يونيو ٢٠٢٦
مش بقدر اسيب الفون ساعه
تم النشر الأحد، ٧ يونيو ٢٠٢٦
عارفه المصيبه فين اني عارفه مدي الخطوره علي نفسيتي وجسمي والذنوب عارفه كل حاجن
تم النشر الأحد، ٧ يونيو ٢٠٢٦
أولًا أنتِ لأزم تقفلي الفون خالص خالص ممكن لمدة ٣ شهور وكل التعاملات تكون من على اللابتوب أو جهاز كمبيوتر أو جهاز حد من أهلك المهم أنتِ متشتليش هاتف شخصي فترة كبيرة عشان دماغك تبدأ تتعافى هتبدأي تخرجي برة أوضتك مش معاكِ فون هيبقى معاكِ كتب وحياة تاني أفضل مليون مرة من الفون، الفترة دي الـ هتشيلي فيها الفون هتحسي إنك أول مرة تشوفي العالم بعيون مختلفة الإنشغال هيكون منهج حياتك
تم النشر الأحد، ٧ يونيو ٢٠٢٦
حاضر يا غالية خليكِ معايا، أول حاجة الإدراك لأزم يكون عندك وعي وإدارك بخطورة الأمر أنتِ ممكن تنزلي برامج وممكن تعملي حاجات كتير وبعدين ترجعي عادي بس عايزة حل جذري يخليك تبعدي حتى لو الحاجة قدامك متاحة ومتوفرة وأنتِ رافضه تعمليها عشانك عشان نفسك وعشان ربك
تم النشر الأحد، ٧ يونيو ٢٠٢٦
ياريت بالله قليلي اي هي الحلول اي
تم النشر الأحد، ٧ يونيو ٢٠٢٦
طيب أولًا حلو جدًا إنك عارفة مدى خطورة إدمان الفون، وكمان إنك بضيعي نفسك وحياتك، وفي عواقب عليكِ بس الموضوع ليه حلول وأنا هساعدك إن شاء الله،
تم النشر الأحد، ٧ يونيو ٢٠٢٦
وعليكم السلام ورحمة الله وبركاته، أنا مش معاكِ في جزئية حد يراقبك لأن في يوم الأيام الشخص الـ بيراقبك أو بيحاول معاكِ هينظر ليكِ نظرة وحشه ويقولك أنتي مذنبة عشان كدا ربنا أمرنا بعدم المجاهرة بالمعصية والستر والتوبة
تم النشر الأحد، ٧ يونيو ٢٠٢٦
لعرض السؤال في فدني اضغط هنا