السلام عليكم، أنا فاهمة إنك ممكن تكون بتفكر في الأمر ببراءة وإنك مش شايف غير إنهم إخواتك أو إن اجتماعيا مجرد سؤال واطمئنان وبنتكلم بكل احترام، لكن في النهاية فيه حدود لازم نلتزم بها ومنتفتحش باب الفتنة بإيدنا. *** مفيش حاجة مضمونة ومحدش عارف الشيطان ممكن يتدخل بوساوسه ومع الوقت تزول الحدود أو تتحرك المشاعر في اتجاه غير مُحبذ، وتحصل مشاكل احنا في غنى عنها. ** دينيًا، الاختلاط والتعامل بين الجنسين المفروض بحدود وللضرورة، الهزار والضحك بيخرج عن الحدود دي ومع الوقت بيشيل الحواجز. وكمان فرق السن ده مش هو الحاجز يعني أو اللي هيجبر العلاقة تفضل في إطار الأخوة والاحترام. *** فالأضمن إننا نخلي التعامل في حدود ضرورة الشغل، وما دامت الضرورة دي انتفت ما تركت الشغل فمفيش داعي للاستمرار. وإن كنت أفضل توقف تواصل مرة واحدة، ،بس لو خايف تجرح مشاعرهم قلل التواصل ده وخليه في أضيق الحدود وانشغل في حياتك لحد ما توقفه تماما، بالتوفيق.
ان شاء الله، بشكر حضرتك
تم النشر الأربعاء، ٥ أغسطس ٢٠٢٦
العفو، أنا فاهمة، مش قصدي الهزار كان خارج عن الحدود. الهزار والضحك عامة بيعمل ألفة بين الأطراف وبيشيل الحدود والتحفظ، فاهمني؟ وأنا عارفة إن نيتك كويسة ومجرد سؤال للاطمئنان، بس احنا في النهاية نعمل اللي علينا ونلتزم بالضوابط عشان ده الأفضل. ربنا يوفقك.
تم النشر الأربعاء، ٥ أغسطس ٢٠٢٦
شكرا لحضرتك بس يعني انا كنت اقصد ان الهزار وكده كان ايام الشغل يعني كنا نضحك ونهزر بس بحدود برضو واما حاليا كلام عادي الي هو ازيك عامل اي بس
تم النشر الأربعاء، ٥ أغسطس ٢٠٢٦
لعرض الإجابة في فدني اضغط هنا