ازاي أعمل علاقات مع ناس جديدة؟
أنا ما عنديش غير صديقة واحدة وساكنة بعيد دلوقتي وحرفيًّا بنتقابل مرة واحدة في السنة
وللأسف أنا انطوائية ومش بخرج من ساعة ما اتخرجت (من سنتين) بمزاجي
بشتغل أونلاين وبنزل كل فين وفين ممكن مرة أو مرتين في الشهر أشتري حاجات بسيطة
المنطقة اللي ساكنة فيها ما فيهاش أماكن كويسة أقعد فيها كبنت يعني وعشان ألاقي مكان كويس لازم أركب مواصلات حوالي ساعة عشان أوصل، فعشان كدا مش بعرف أخرج باستمرار
والأصحاب الأونلاين جربت كتير، بس بعد فترة بيزهقوا وكل واحد بينشغل في حياته والتواصل بيقل زائد إنهم مش بيعالجوا مشكلة عدم نزولي من البيت عشان من محافظات ودول تانية
السلام عليكم، أفهم وضعك تماما، أنا نفس هذه الشخصية الانطوائية التي لا تحب الخروج (بمزاجها) لكن أزيد عليكِ في نقطة التواصل الأونلاين، أنا الطرف الأقل تواصلا مع أصدقاء العالم الافتراضي سواء للانشغال أو الظروف أو حتى لطبيعتي الشخصية، لذا ربما لا أكون أهلا للنصح في هذا النطاق لكن برأيي، لا تركزي على ضرورة تكوين الصداقة فهذه تأخذ وقتا ولقاءات متكررة، وحتى مع قلة السؤال والتواصل في رأيي تبقى صداقة. ركزي على إيجاد نطاق للتفاعل مع الآخرين ومع الوقت ستتكون العلاقات، العلاقات الجديدة ستجدينها في أماكن جديدة تذهبين إليها بوتيرة منتظمة. ** المشكلة أنكِ لا تحبين الخروج أو تجدين همًا بسبب المواصلات لكن تغيير الوضع يتطلب إزالة العقبة والخروج من منطقة الراحة. أنتِ مستسلمة لشعور عدم الرغبة في الخروج لأنه لا شيء يجبركِ على ذلك، في السابق كنتِ مجبرة على الخروج بسبب الدراسة، والآن عملكِ الأونلاين يعطيكِ مهربا من الإجبار الذي كان سيفرضه عليكِ عملكِ على أرض الواقع، لذا الحل هو أن تجدي ما يجبرك على الخروج، كأن تشتركي في دورات تعليمية (لغات أو مهارة ترغبين في تعلمها)، ورشات عمل، اشتراك في مكتبة عامة (ابحثي عن أقرب فرع لمكتبة مصر العامة واشتركي هناك، تجربة ممتعة بالمناسبة)، يمكنك أن تلزمي نفسك بالانضمام لنشاط خيري. ** لا تفكري في نقطة المواصلات فبالتأكيد لم تكن عائقا حين كنتِ مجبرة على الذهاب للكلية. استغلي الساعة التي تقضينها في المواصلات في القراءة أو سماع بودكاست أو فيديوهات في مواضيع تهمك أو شغوفة بها. يعني لا تعتبري فترة المواصلات هدرا للوقت، ستكون ضمن مخطط اليوم ووقتا قمتِ باستغلاله جيدا. كما أنك خروجك لن يكون يوميا، ربما يوم أو يومان على حسب النشاط الذي ستختارينه. باختصار، افرضي على نفسك الخروج وغادري منطقة الراحة فهذه الخطوة الأولى للتفاعل مع دوائر جديدة من الناس. وبالتوفيق إن شاء الله.
تم النشر الأحد، ٣١ مايو ٢٠٢٦
بصي يا جميل في دلوقتي جروبات للبنات بس بتخرج تعمل انشطه و بيسافروا جوه مصر ، بيروحوا مواسم الحصاد مثلا للفراوله و للورود و بيكون في سفر يوم واحد مش بيات لاسكندريه او بورسعيد و في بينزلوا بس عشان يفطروا او يتغدوا بره في مكان جديد ودا بيديكي فرصه تتعرفي علي ناس اكتر و باعمار مختلفه . اعتقد لو خرجتي معاهم هتقدري تكوني علاقات حقيقيه و الناس بتكون لطيفه جدا و اكيد هتلاقي اللي هيتوافق مع فكرك و تكونوا اصحاب ♥️♥️
تم النشر الثلاثاء، ٢ يونيو ٢٠٢٦
أفهم شعورك تمامًا، الوحدة بعد التخرج صعبة خاصة مع الطبيعة الانطوائية والظروف الجغرافية. ابدئي بخطوات صغيرة تناسب وضعك: ابحثي عن مجموعات أونلاين محلية (مصرية) على فيسبوك أو تطبيقات مثل Meetup أو حتى فدني نفسها في مواضيع تهتمين بها (كتب، حرف، تطوير ذاتي)، وركزي على التواصل اليومي القصير دون ضغط. جربي أنشطة آمنة قريبة أو عبر الإنترنت مثل ورش عمل نسائية أو دورات أونلاين تفاعلية قد تؤدي للقاء محلي لاحقًا. استغلي صديقتك البعيدة كجسر، واسأليها عن أفكار أو مجموعات. إذا أردتِ دعمًا أعمق في بناء الثقة الاجتماعية، زوري صفحة الخبراء على https://www.fedni.net/experts وابحثي عن أسئلة مشابهة في فدني لمزيد من الآراء. أنتِ قادرة على التغيير تدريجيًا، خطوة بخطوة.
تم النشر الأحد، ٣١ مايو ٢٠٢٦
السلام عليكم، أسمك جميل جدًا بجد🤍 لو عندك رغبة في النزول ممكن تنزلي تحفظي قرآن حلقتين في الأسبوع منها يكون عندك صداقات جديدة ومنها تخرجي أعتقد الجزئية دي حلوة جدًا خارجه عشان هدف معين وكمان هيكون عندك صحبة صالحة إن شاء، وممكن كمان تنزلي ولو مرة في الشهر عمل تطوعي أكتر حاجة ممكن تقوي شخصيتك أو تنزلي في مكتبة تقعدي تقرأي ساعة!! كل الحاجات دي بجد هتلاقي أهلها هناك وهتعملي صحبة كبيرة تعينك
تم النشر الاثنين، ١ يونيو ٢٠٢٦
بس أهم حاجة متفكريش إن لازم أي حد يبقى صاحب لمجرد إنك عايزة تهربي من الوحدة، لأن دي فعلًا أسوأ حاجة. اختاري الناس اللي تحسي معاها براحة واحترام وشخصيات كويسة، حتى لو العدد قليل، دا أحسن بكتير من علاقات كتير متعبة، ان شاء الله تلاقي الصحبه الصالحه...بتمنالك التوفيق🌷.
تم النشر الأحد، ٣١ مايو ٢٠٢٦
الانطوائية فعلًا بتخلي موضوع العلاقات متعب زيادة، خصوصًا لما الواحد يبقى متعود يقفل على نفسه أغلب الوقت. بس حاسة إنك مركزة أوي على فكرة “إزاي أعمل صحاب" مع إن الموضوع غالبًا بيبدأ من إنك بس تنزلي وتبقي وسط ناس أكتر. وفكرة ساعة المواصلات دي بصراحة شايفاها تستاهل، لأنك مش بتضيعي الوقت على الفاضي، انتي حرفيًا بتدي لنفسك فرصة تشوفي دنيا مختلفة شوية وتتعلمي تتعاملي مع الناس براحتك. وصدقيني مجرد إنك تروحي أماكن أكتر وتتكلمي حتى كلام بسيط مع ناس، دا بيكسر رهبة كبيرة جدًا مع الوقت. ومش لازم الموضوع يبقى رسمي أو صعب، العلاقات ساعات بتبدأ من حاجات عادية جدًا. زي محل بتروحيه كتير، أو مكان بتشتري منه حاجة كل فترة، ومع الوقت تتعودي على بنت هناك والكلام يفتح تدريجي. أو لو عندك أخت أو قريبة وتنزلي معاها شوية، دا برضو بيساعد جدًا أنك تبقي أهدى وأريح في التعامل.
تم النشر الأحد، ٣١ مايو ٢٠٢٦
@سُلوَان سُلطَان .اه فهمتك، والتجربة اللي مريتي بيها أكيد كانت صعبة شوية، بس كويس إنها خلتك تبصي للموضوع بشكل مختلف.خصوصا و ان اكيد مفيش حد بيقدر يعيش لوحده كدا. وكلامي عن إنك مش تدخلي في أي علاقات وخلاص كان مجرد تنبيه بسيط، ومش تقليل من وعيك طبعًا. بتمنالك تلاقي الصحبة اللي تريحك فعلًا إن شاء الله، وسعيدة إن كلامي فادك ولو بحاجه بسيطه 🤍
تم النشر الاثنين، ١ يونيو ٢٠٢٦
@فَاطِمٌ الشَّافِعِيُّ. وعليكم السلام ورحمة الله وبركاته شكرًا جدًّا يا فاطم انتِ الأجمل❤️ هحاول بإذن الله أشوف مسجد قريب، فعلًا دا أحسن مكان نلاقي فيه صحبة صالحة. شكرًا على نصيحتك❤️
تم النشر الاثنين، ١ يونيو ٢٠٢٦
@Aѕмora ࣪ على فكرة أنا أصلًا ما كنتش بحب أعمل صحاب وكدا ونتكلم كتير، بس مؤخرًا حصل بعض المشاكل في حياتي حسستني إن لو كان عندي حد أقدر أحكي معاه كان وضعي هيبقى أحسن. بالنسبة لساعة المواصلات طول عمري بحس إنها تضييع وقت وفرهدة بس انت لفتي نظري إنها وسيلة فعلًا إني أتواصل مع العالم وإن الموضوع فعلًا يستاهل. أما موضوع إني عايزة أعمل صحاب دا مش مخليني أتعرف على أي حد وخلاص ما تقلقيش😅 أنا باخد وقت عشان أثق في الناس واقدر أتعامل معاهم عادي. وشكرًا جدًّا على وقتك بجد أفدتيني❤️
تم النشر الاثنين، ١ يونيو ٢٠٢٦
أفضل شيء القرار في البيت ،، وموضوع الصديقات هو مش غاية في حد ذاته ، يعني أنا بالنسبالي الصديقه بتكون مشاركة في أي حاجه نافعه أما غير كده علاقات سطحية تماما، ، باختصار يعني إنتي مش مشكلتك إنك عاوزه صديقات لأ إنتي مشكلتك هتتحل لما تبدأي تعملي حاجه نافعه وتلقاني هتلاقي بقا عندك صديقات ،،، يعني مثلًا ممكن تحفظي قرآن أو تطلبي علم شرعي أو تتعلمي مهارات والقروبات كتيره ومنها هتتعرفي على ناس وهنا العلاقه هتستمر لإن في عمل نافع مستمر فاهماني
تم النشر الأربعاء، ٣ يونيو ٢٠٢٦
لعرض السؤال في فدني اضغط هنا