سُلوَان سُلطَان

ممكن تشتغلي أونلاين هتشغلي نفسك وتكسبي فلوس ومش هتبهدلي نفسك قولي لهم أنا محتاجة أشتغل عشان نفسي عشان حاسة إني مش بعمل حاجة في الحياة أنا ما اعرفش أهلك طبعًا بس ممكن مع إصرارك يوافقوا حتى لو اعترضوا شوية في الأول وطالما بتمسكي التليفون بالساعات استخدميه في حاجة مفيدة زي إنك تحملي كتب مجانية عن المواضيع اللي حاسة إنها بتجذبك أو ممكن تفيدك

وعليكم السلام ورحمة الله وبركاته لأ ما تبعتيش حاجة؛ كفاية إنك بعتي صورة أصلًا، غير كدا فيه حاجة اسمها رؤية شرعية ويا ريت ما تشغليش نفسك بيه وطلعيه من دماغك لأن شكله مش جادّ أو مش جاهز وربنا يكتب لك السعادة مع اللي فيه خير ليكي

وعليكم السلام ورحمة الله وبركاته النصيحة الأولى بالنسبة لي في أيام الامتحانات ما لا يُدرَك كله لا يُترَك كله حاولي تجيبي امتحانات وتشوفي الأجزاء اللي بيجي منها معظم الأسئلة وابدئي بيها وركزي عليها اتفرجي على مراجعات يوتيوب ولو كنتي حضرتي حتى من غير مذاكرة هتفتكري بالمراجعة وكل ما تتوتري وتحسي إنك مش هتلحقي افتكري إن ما لا يُدرَك كله لا يُترَك كله وإن الوقت اللي انت متوترة فيه دا لو هديتي نفسك وفهمتي معلومة واحدة جديدة هتبقي انت الكسبانة ربنا يوفقك وييسر لك أمورك ويرزقك الكلية اللي نفسك فيها

أول حاجة شايفة إنك لازم تعملها إنك تلجأ لمتخصص نفسي يساعدك أما رأيي الشخصي انت راجل بمعنى الكلمة، ربيت نفسك وعلمت نفسك وشغّلت نفسك وخطبت كمان رغم إنك طول عمرك وحيد بل وبتتعرض للتعذيب كمان اللي انت وصلت له فيه ناس كتير عايشين حياة طبيعية في حضن بابا وماما ما حققوش ربعه فانت لازم تكون فخور بنفسك وما تضيعش كل تعبك دا ع الفاضي نصيحتي اللي متأكدة إن تنفيذها صعب بس شايفة إنها هتحسن نفسيتك إنك تساعد والدك حتى لو بتكرهه، وحاسة كمان إنك ممكن تكون رغم كل دا مش بتكرهه بدليل إنك أول ما شفت حالته صعبة حياتك وقفت رغم إنها كان ماشية رغم كل اللي عديت بيه، هو دا المشهد الوحيد اللي كسر جواك حاجة يمكن عشان لسا ليه في قلبك أي ذكرى كويسة ولو بسيطة أو عشان هو بس أبوك عارفة إن الكلام سهل والفعل صعب بس انت عديت بالأصعب وتجاوزته ووصلت للي غيرك في ظروف طبيعية ما حققهوش فأكيد هتقدر تعدي المحنة دي كمان بس استعين بالله ربنا يعينك ويرفع عنك البلاء والإدمان ويرزقك حياة سعيدة تعوضك عن اللي عشته وتاني لازم متخصص نفسي لأنك اتعرضت لصدمة قوية

أنا شايفة إنك ماشي طول اليوم كويس المشكلة أول ما بترجع البيت وتلاقي التليفون ممكن تبيعه وتشتري تليفون بزراير على قد المكالمات طالما مش محتاجه في شغل مثلًا أو شغلك مش متعلق بالنت والطبيعي إنك لو قادر تتجوز المفروض تتجوز عشان تعفّ نفسك، لكن انت بتقول ما عندكش ثقة في أي ست ودا ممكن يخليك تظلمها معاك، فلازم نظرتك دي تتغير قبل ما تفكر ترتبط، ما تعممش السيئة عشان شفت كام حد وقع فيها توب لربنا وادعي إنك تكون رجل صالح تليق ببنت صالحة

غالبًا بتحس إنك ناسي المنهج عشان بتحاول تسترجعه كله في لحظة واحدة فجأة ودا مستحيل ما تخليش الشيطان والأفكار السلبية تسيطر عليك عشان تعرف انت فعلًا فاكر ولا ناسي هات امتحانات وابدأ حلها، لو كنت بتذاكر هتلاقي نفسك بتعرف تحل عشان بتركز على معلومة واحدة بتسترجعها وحتى لو لقيت حاجات ناسيها دا طبيعي، لو كنت مذاكرها مراجعة بسيطة هتفكرك بيها تاني وعمومًا حل امتحانات كتير عشان تتعود على شكل الأسئلة وتحل أسئلة متنوعة وربنا يوفقك وتجيب المجموع اللي نفسك فيه وتدخل الكلية اللي تحبها وتوصلك للمستقبل اللي يرضي ربنا ويرضيك

وعليكم السلام ورحمة الله وبركاته أنا كمان اتخرجت من كلية التربية قسم عام لغة عربية شايفة إنك تمارس مهنتك من بدري عشان لما تتخرج تبقى عندك خبرة كافية، مش تبقى لسا بتبدأ تشوف هتعمل إيه، بالعكس لما تبدأ بدري هتبقى واقف على أرض صلبة وقت التخرج وبتجيب فلوس من مهنتك الأساسية، مش مجرد بجيب فلوس من أي حاجة ولما أتخرج أشوف هعمل إيه للأسف مش هقدر أفيدك أوي في ازاي تبدأ في التدريس لأني بشتغل في التصحيح اللغوي -من قبل التخرج برضو- لكن ممكن أنصحك تبدأ سكرتير مع مدرس معروف تاخد من خبرته، بس تستمرش معاه كتير، يعني بالكتير أوي سنتين تفهم الدنيا ماشية ازاي وبعدين تستقل بنفسك وربنا يوفقك

انتظم على فيتامين دال، أنا نقصه عندي كان هيدخلني في اكتئاب، لما بدأت آخده حسيت إني أحسن الحمد لله، وحاول تخرج الصبح في الشمس أظن من الساعة 10 ل 12 وأكيد الأول لازم تسأل الدكتور عن الجرعة المناسبة ليك عشان ما تكونش ضارة

@𝙰𝚜𝚖𝚘𝚛𝚊 ࣪ تمام بس إيه الابتزاز وتسريب البيانات اللي هي بتقول عليه اللي ممكن يحصل برقم جلوس؟ رقم الجلوس آخره بيتجاب بيه النتيجة واللي فهمته إن النتيجة مش فارقة معاها إن أهلها يعرفوها، لو الموضوع كله إحساس باختراق خصوصية أو أسلوبهم في طلب رقم الجلوس ما عجبهاش تمام بس الصح تركن الكلام دا على جنب دلوقتي وتشوف مصلحتها وبعدين تكلمهم إن دا ضايقها، إنما موضوع الابتزاز دا يا إما هي فاهمة غلط يا إما أنا فيه حاجة فايتاني أو مش فاهماها.

البيانات عبارة عن إيه يعني؟ مش فاهمة ازاي يبتزوكي بيها. وطالما كدا كدا النتيجة بالرقم القومي هم صوروا البيانات ليه وانت حاسة باختراق خصوصية ليه؟ مش قادرة أفهم المشكلة

قريت قبل كدا بنت كاتبة إنها بتخلي في إيدها حاجة حلوة صغيرة زي بونبوني مثلًا، لما حد ييجي يسلم عليها بتدي له واحدة، منها ما بتكسفش إيده ومنها مش بتسلم وكمان اللي قدامك بيفهم

ربنا يآنس قلبك ويعوضك خير ويرزقك من حيث لا تحتسب بأسرة جميلة وناس صادقة تكون سند ليك

@السائل فهمت قصدك، انت شايل هموم وصدمات سنين طويلة، واللي بتمر بيه أكبر من إن يتحمله شخص لوحده مهما كان. أتمنى تحاول تتواصل مع متخصص يساعدك، لأن اللي مريت بيه محتاج دعم حقيقي ومش طبيعي تشيل كل دا لوحدك. ولو أي كلمة مني ضايقتك أو حسستك إني مش فاهمة اللي بتمر بيه أو بقلل منه فأنا بعتذر، وبتمنى لك الخير وصلاح الحال.

@السائل انت لو اقتنعت بالهزيمة ما كنتش هتيجي هنا وتسأل ازاي تتجاوز، ممكن تكون بتمر بفترة ضعف زي أي إنسان بس دي مش طبيعتك، ممكن تكون محتاج حد تتسند عليه زي صاحب قريب أو خطيبتك لو فيه مجال تشرح لها اللي حصل وتحاولوا ترجعوا تاني. المهم يعني انت خسارة في الإدمان، ربنا يقويك ويقدرك تخرج من اللي انت فيه💪🏻

ادخلي على خبراء فدني وابحثي عن المحامي Dr Paskhiroun Rabea ادخلي على صفحته ودوسي على اسألني وحطي السؤال عنده يا رب يقدر يفيدك

@mai mahfouz وعليكم السلام ورحمة الله وبركاته معكِ حق، أنا مستسلمة لأنه لا شيء يجبرني، حين أكون مجبرة أخرج بغض النظر عن المواصلات والمسافات، أشكر لكِ نصيحتكِ الغالية.❤️

@فَاطِمٌ الشَّافِعِيُّ. وعليكم السلام ورحمة الله وبركاته شكرًا جدًّا يا فاطم انتِ الأجمل❤️ هحاول بإذن الله أشوف مسجد قريب، فعلًا دا أحسن مكان نلاقي فيه صحبة صالحة. شكرًا على نصيحتك❤️

@Aѕмora ࣪ على فكرة أنا أصلًا ما كنتش بحب أعمل صحاب وكدا ونتكلم كتير، بس مؤخرًا حصل بعض المشاكل في حياتي حسستني إن لو كان عندي حد أقدر أحكي معاه كان وضعي هيبقى أحسن. بالنسبة لساعة المواصلات طول عمري بحس إنها تضييع وقت وفرهدة بس انت لفتي نظري إنها وسيلة فعلًا إني أتواصل مع العالم وإن الموضوع فعلًا يستاهل. أما موضوع إني عايزة أعمل صحاب دا مش مخليني أتعرف على أي حد وخلاص ما تقلقيش😅 أنا باخد وقت عشان أثق في الناس واقدر أتعامل معاهم عادي. وشكرًا جدًّا على وقتك بجد أفدتيني❤️