الوسواس القهري وخاصة وسواس الطهارة منتشر جدًا عند البنات والشباب في سنك، ومش معناه ضعف إيمان أو إنك وحشة، هو مرض نفسي له تفسير علمي وأعراض واضحة وله علاج الحمد لله بس في حاجات مهمة أول حاجة لما روحتي تكشفي عملتي فحوصات طبية؟ يعني اتطمنتي انك صحتك الجسدية كويسة؟ انصحك تستشيري طبيب مخ وأعصاب وطبيب نفسي لو اه عملتي فحوصات انزلي أقرب مستشفى عام هتلاقيهم بيقدموا خدمة علاج نفسي وضمنه معرفي سلوكي بسعر مناسب لو من سكان القاهرة انزلي مركز الإرشاد بجامعة عين شمس الجلسات هناك مخفضة حوالي ١٠٠ج بس اللي ممكن بقى تعمليه مع نفسك لحد ما تقابلي مختص ١. التجاهل التدريجي: كل مرة الوسواس يقولك ادخلي الحمام أو غيري هدومك، حاولي تأجلي التنفيذ ولو 5 دقايق بس وبعدها زودي الوقت تدريجي. ٢. ادعمي نفسك بالخطوات الصغيرة: اكتبي في ورقة كل إنجاز مغيرتش هدومي كتير النهاردة غسلت ايدي مرات أقل الحاجات الصغيرة دي مع الوقت بتفرق جدا وأهم حاجة فكري نفسك دايما ان ربنا رحيم والدين مبني على التيسير مش العسر. العلماء قالوا إن "اليقين لا يزول بالشك" يعني لو شكيت تجاهلي.
لعرض الإجابة في فدني اضغط هنا