فيه حد كلمته اكتر من مرة وقالى بيحبنى وكدة المهم قطعت علاقتي بيه من ٥ شهور عشان كنت حاسة انى مش مرتاحة أو بقلق منه بيعمل حاجات غريبة يفضل يزن نتكلم كول ويقولى غمضى ونتخيل وكدة، المهم رجعت تانى من يومين وأنه مظلوم وبيعتب عليا كتير جدااا وقالى نتكلم كول مكنتش موافقة فقال إنه زعلان ومضغوط وانا كدة بزود عليه وكدة ولما كلمته كان عادى الاول وبعدها فضل يقول فمضى والكلام ده كل ما اعترض يتعصب ويقولى خلاص اقفلى انت مش بتحبينى وانا تعبان نفسيا ومضغوط، ولما كملت كلام بقى يقولى كلام حاسة أنه عيب وكدة وبقى يطلع أصوات غريبة ويتأوه كتير لما قولتله مالك وكدة قالى عشان وحشتينى وصوتك وإحساسى بيكى بيتعبنى، ولما سألت شات وكدة قالى ده حاجة جنسية غالبا، ف انا حاسة انى خايفة وقلقانة اوى، حاسة بقرف كدة، هو فعلا شرير طيب؟ طب هو كدة بيستغلنى!؟
استغلال طبعاً طبعاً ، أي محاولة لجر شخص لطريق هو مش متعود عليه بحجة الحب هو استغلال ، اللي بيحب ما بيأذيش ، ما بيفرضش رأيه ، ما بيدورش ع مصلحته هو بس ، اوعي تقعي فريسة تحت ضغط من النوع ده ، علشان ده طريق اللي بيتعود عليه ما بيرجعش منه بسهولة ، فأنتي لسه في بر الأمان ، بلوكاتك الجميلة و حافظي على نفسك
تم النشر الأربعاء، ١٨ مارس ٢٠٢٦
اه بيستغلك وهوا كل غرضه حاجات قذره وبس وانت بالنسبه ليه دلوقتي مجرد حاجه بتساعده تطلع شهوته مش بني آدم حتى متبقيش غبيه وابعدي عنه فورا ده واحد مؤذي ولا يؤتمن عليه وانت انضف وأنقى من كده بكتير تستاهلي واحد يحبك ويحميكي حتى من نفسه وشيطانه اقطعي معاه وابعدي اصلا عن موضوع الارتباطات الغير شرعيه
تم النشر الأربعاء، ١٨ مارس ٢٠٢٦
بصي الشخص ده بيستغل مشاعرك عشان يجرّك لحاجات إنتي مش راضية عنها ولا مرتاحة لها، وده نوع من أنواع الاستغلال العاطفي والجنسي. وفكرة إنه يحسسك بالذنب ويقولك إنتي مش بتحبيني أو "أنا تعبان لما تعترضي، دي وسيلة ضغط عشان يخليكي تستسلمي لطلباته الغريبة. و الأصوات والكلام اللي بيطلبه في التليفون ده مش حب، ده تفريغ لرغباته بشكل يضايقك ويهينك، وواضح جداً إنه مش بيحترم خصوصيتك ولا حدودك. الخلاصه اقطعي العلاقة دي وبدون نقاش أو تبرير (Block من كل حتة). الشخص ده مش تعبان هو بيتمادى لأنك بتديله فرصة، والارتباط اللي يبدأ بضغط وتوتر وقرف مش هيجيب غير وجع القلب. راحتك وكرامتك أهم من أي حد. تمام ولما يمسك عليكي حاجه مش هيسمي عليكي .وجد والله ربنا يحفظك ويسعدك.
تم النشر الأربعاء، ١٨ مارس ٢٠٢٦
يا حبيبتي، أول حاجة: أنتِ محقة تمامًا في شعورك بالقلق والقرف ده . ده إشارة واضحة من قلبك وقلبك إن العلاقة دي مش سليمة، ومش هتجيبلك غير تعب نفسي أكتر. هو بيستغلكِ؟ نعم، ١٠٠٪. الضغط العاطفي : يقول "أنا مظلوم، تعبان، مضغوط" عشان يخليكِ تحسي بالذنب وترجعي، رغم إنكِ قطعتِ من ٥ شهور عشان مش مرتاحة. التجاوز السريع : يبدأ عادي ثم يروح للكلام الجنسي والأصوات الغريبة، وده استغلال واضح لثقتكِ ، مش حب حقيقي. الحب الحقيقي يحترم حدودكِ، مش يضغط عليها. التعصب والابتزاز : "اقفلي، مش بتحبيني" ده تلاعب عشان يخليكِ تستمري، مش شريك يهتم براحتكِ. هوشخص ضار وغير مسؤول ، وفي الإسلام، العلاقات زي دي قبل الزواج (خصوصًا مع كلام جنسي) حرام وبتبعد عن الراحة النفسية والروحية. ازاي تقطعي نهائيًا وتحافظي على نفسكِ؟ حظر فوري : على كل المنصات (واتس، كول، سوشيال). مترديش أبدًا، حتى لو عتاب أو اعتذار. حددي قراركِ : اكتبي لنفسكِ ليه هتقطعي (القلق، القرف، عدم الاحترام) واقريها كل ما يجيلك ضعف. ركزي على نفسكِ : صلي النوافل واقري قرآن يوميًا عشان الطمأنينة. مارسي رياضة خفيفة أو هواية بتحبيها (رسم، طبخ، مشي). حددي هدف صغير يومي (مثل: "النهاردة هقرأ كتاب نفسي مفيد"). لو القلق مستمر : ابحثي في فدني عن أسئلة مشابهة زي "ازاي أقطع علاقة سامة" هتلاقي إجابات كتير. أو شوفي الخبراء هنا: https://www.fedni.net/experts – في متخصصين نفسيين هيساعدوكِ بشكل شخصي. أنتِ قوية وقادرة، وده خطوة هتفتحلك أبواب أحسن بإذن الله. 💕
تم النشر الأربعاء، ١٨ مارس ٢٠٢٦
هو بالفعل يقضي حاجته ولا وزن لك عنده إلا لهذا فقط ـ وهذا مثير حقا كيف بعد كل هذا تسألي هل هو شرير او هل هو يستغلني بالطبع نعم يستغلك استغلال مقرف جدا. نسأل الله السلامة والعافية لا تبتعدي عن هذا الشخص فقط بل عن كل الذكور حتى يأتيك الشخص المناسب ليتقدم غير كدا يعد ظلما لنفسك ولزوجك المقدر لك.
تم النشر الأربعاء، ١٨ مارس ٢٠٢٦
عملتله بلوك الحمدلله
تم النشر الأربعاء، ١٨ مارس ٢٠٢٦
ياارب واياك ♥️♥️🫂
تم النشر الأربعاء، ١٨ مارس ٢٠٢٦
ياروحييي شكرا اوى بجددد🥹♥️♥️♥️
تم النشر الأربعاء، ١٨ مارس ٢٠٢٦
شكرا جدا بجد انك سمعتينى ونصحتى كدة🥹♥️ ربنا يوفقك ويكتبلك الخير كله وييسرلك امورك ويعوضك بزوج صالح يصونك ويحبك اوى♥️
تم النشر الأربعاء، ١٨ مارس ٢٠٢٦
الحمد لله .. ربنا يثبتك ويحميكي يارب .. استمري ع الاستخارة وماتفتحيش اي باب لاي حد غير رسمي وبحدود .. الذئاب البشرية بثوا اكتر من الطيبين .. حاولي قدر المستطاع تمشي بمثل امشي عدل يحتار عدوك فيك .. يمعنى ان كل ماتمشي ع الصح اكتر هتقفلي عليهم فرص انهم يلاقولك مداخل ياحبيبتي .. ومش قصدي خالص انك مش ماشية صح بالعكس انتي طالما اتضايقتي ورفضتي ده معناه انك كويسة ماشاء الله .. هو بس المثل عشان اوصلك المعنى منه مش اكتر 🩷
تم النشر الأربعاء، ١٨ مارس ٢٠٢٦
الحمدلله مسلمة، بحاول قدر الإمكان انى مديش مشاعر لحد عشان مندمش، وكمان قبل اى حاجة كدة بصلى استخارة
تم النشر الأربعاء، ١٨ مارس ٢٠٢٦
فاهماكي وحاسسة بيكي .. وبيحصلنا كلنا صدمة ف حد وثقنا بيه بعد كل التراست ايشوز اللي عندنا .. انا نفسي حاصلي كده حاليا وسيبت خطيبي بعد ماوثقت فيه وانا لا اثق ف حد اصلا وخذلني .. وحاسسة زيك بندم اني وثقت فيه .. هو مكنش نفس سبب مشكلتك بس اللي اقصده اني حاسة بيكي جدا .. حاولي ماتركزيش ع الشعور ده .. خليكي حذرة واتعلمي .. وحاولي تبعدي عن العلاقات اللي مش رسمية .. وحتى لو اتخطبتي حافظي على حدودك .. في رجالة بتخطب عشان الحاجات دي وتسيب الواحدة بعد كده .. واتعلمي ان الثقة مكتسبة مش هبة بنقدمها .. يعني اثق فيك لما تثبت انك تستحق ده مرة واتنين وتلاتة والف .. وبرضو خدي حذرك
تم النشر الأربعاء، ١٨ مارس ٢٠٢٦
عملتله بلوك من بدرى، طب هو انا غلطانة انى وثقت فيه أو اتكلمت معاه كدة؟
تم النشر الأربعاء، ١٨ مارس ٢٠٢٦
بعدت الحمد لله انا مضايقة من نفسي اوى انى وافقت اتكلم معاه أو فضلت اسمعه، وانى خوفت منه عشان كل ما اعترض أو كدة يزعقلى ف ده مضايقنى محسسنى بالقرف انى قبلت اسمع حاجة كدة
تم النشر الأربعاء، ١٨ مارس ٢٠٢٦
تسلميلى بجد، انا رجعت اتكلم فعلا عشان حسسنى بالذنب وانى ظلمته حرام عليا وهو بيحبنى وبيدور على اكونتى من وقتها وكدة
تم النشر الأربعاء، ١٨ مارس ٢٠٢٦
اوعي تكلميه تاني ده شخص مش محترم وبيستغلك .. وده نمط معروف جدا من الصنف ده بيضغط بيه عليكي عشان تخضعي له .. انهي علاقتك بيه تماما لان ده استغلال جنسي صريح وابتزاز عاطفي نفسي غير محترم وغير شريف .. واوعي تقولي ع النوع ده طيب واصل انا ضايقته اوعي تقعي ف الفخ ده .. واوعي تسحلي دماغك بسؤال ليه في ناس كده عشان سؤال مالوش لازمة ياحبييتي .. الناس دي كتير اوي وعمر طيبتك ماهتخلي الاشرار طيبين معاكي .. في مقولة كده بتقول ما معناه ان مش عشان الغزالة نباتية يبقى الاسد هيقدرها ومش هياكلها .. واوعي تعاتبي ولا تناقشي عشان هيسحبك لدايرته الملعونة دي تاني .. ربنا يعافيكي ويحميكي من كل شر يارب
تم النشر الأربعاء، ١٨ مارس ٢٠٢٦
دا واحد وسخ اقطعي علاقتك بيه فورا بدون تبرير ولا نقاش لانه بيتكلم معاكي بس للغرض دا و عمره محبك اعرفي كدا كويس دا عمره محبك ولا هيحبك محدش بيحب حد بالطريقة ديه اللي بيحب بيخاف ع مشاعر اللي ييحبه اياكي تكلميه تاني ولا تردي حتى دا عيب و حرام
تم النشر الأربعاء، ١٨ مارس ٢٠٢٦
تمام شكرا لحضرتك
تم النشر الأربعاء، ١٨ مارس ٢٠٢٦
العفو ياحبيبتي على ايه .. ربنا يفرح قلبك يارب 🩷🌷🫂😘
تم النشر الأربعاء، ١٨ مارس ٢٠٢٦
ياقلبي انتي انا موجودة اي وقت تحتاجي اي حاجة 🌷🩷 يارب ياحبييتي انا وانتي يارب ويوهبلك الزوج الصالح اللي يكون محل ثقة ويصونك ويعوضك بكل الخير يارب 🌷🩷 .. انا بحبك اكتر ياحبيبتي اوي اوي 🩷🌷😘 طمنيني عليكي كل ماتقدري واعتبريني اختك 🫂
تم النشر الأربعاء، ١٨ مارس ٢٠٢٦
موضوع الرفض ده لازم تشتغلي عليه .. ده له علاقة بالتربية للاسف .. للزم تكسريه لان ده من اكبر الاسباب اللي ممكن تخسرك حياتك .. بخصوص العرسان ماتثقي بس خدي بالاسباب وخلي المواقف تثبتلك .. انا اسفة لو ماانتبهتش لكلمة توضح بس انا مش عارفة لو انتي مسلمة استخيري كتير على اي حد وتوكلي على الله وخدي بالاسباب .. وحتى لو الامر تيسر وبعد كده باظ لحكمة او درس يعلمه الله .. بس وقتها هتكوني ع الاقل مش حاسسة بالذنب .. ولو مش مسلمة استشيري اهلك او حد كبير بيعجبك رايه او اسمعي وشوفي ڤيديوهات تساعدك تقييمي الناس وخليكي برضو ف كل الاحوال ياحبييتي حذرة .. وحتي لو مسلمة مع الاستخارة ذودي وعيك وخبرتك النت مليان حااجات مفيدة تطورك
تم النشر الأربعاء، ١٨ مارس ٢٠٢٦
واكتشفت اني مبعرفش اقول لا، مبعرفش ارفض وده اكتر حاجه بتدخلنى فى مشاكل
تم النشر الأربعاء، ١٨ مارس ٢٠٢٦
بقيت بخاف اوى بحس أنه مينفعش اثق فى حد عشان هيجى فى وقت ويخذلنى بجد، يعنى فيه بيتكلم بجدية تماما أنه يخطبنى وكدة بس حاسة أنه ها هتمشى وتخزوقنى امتى مش قادرة اثق في حد
تم النشر الأربعاء، ١٨ مارس ٢٠٢٦
الفكرة انى اكتر حد عنده تراست ايشوز اصلا، ف ده مضايقنى اوى يعنى لما احارب افكارى واثق ولو لوهلة يحصل كدة؟
تم النشر الأربعاء، ١٨ مارس ٢٠٢٦
كويس جدعة .. مش غلطك انك كنتي صادقة وطيبة .. بس لازم يعلمك .. يعلمك ماتثقيش بسهولة وماتبرريش اعوجاج سلوك حد .. لو مااتعلمتيش من التجربة هيكون ده الغلط وقتها ياحبييتي
تم النشر الأربعاء، ١٨ مارس ٢٠٢٦
سامحي نفسك وانتي من ده اتعلمتي .. وخلي ندمك يتحول لرفض تام لكلامك معاه بدل ماتجلدي نفسك
تم النشر الأربعاء، ١٨ مارس ٢٠٢٦
على فكرة هو بيحسسك بالذنب عشان تفضلي تحت سيطرته .. لكن هو فعلا وحش دي كلمة قليلة عليه .. هو وسخ انا اسفة .. فوقي ياقلبي لنفسك وماتتناقشي معاه عشان هيضحك عليكي تاني
تم النشر الأربعاء، ١٨ مارس ٢٠٢٦
الله يسلمك من كل شر ياحبيبتي .. ابتزاز صريح وخداع عشان يثبتك .. ابعدي عنه نمطه معروف ومفضوح .. انتي يمكن لسه صغيرة او لسه بريئة ماتعرفيش اد ايه الناس خبيثة ووحشة .. ارجوكي احمي نفسك منه هيجرك لاكتر من كده وهيفضل يخدعك ويطاردك .. والله العظيم لو بيحبك عمره ماهيعمل كده .. ابعدي عنه نهائي ارجوكي ده شخص مش شريف ياحبييتي ..
تم النشر الأربعاء، ١٨ مارس ٢٠٢٦
لالا هو لايحتاج ذلك ـ قد يكون مريض وقد يكون متبع لشهوته وتغلب عليه الشهوة فيبحث عن اقرب شيء يساعده للإنتهاء من هذا ـ وهذا لا يحتاج إلا القليل والكلام فقط يكفيه وقد استغل عاطفتك ـ ونسأل الله السلامة
تم النشر الأربعاء، ١٨ مارس ٢٠٢٦
طب ليه ممكن حد يعمل كدة أو يستغل شخص، متكلمتش معاه سيكشوال أو عملت حاجة مثلا مغرية او اى حاجة تخليه يفكر فيا كدة
تم النشر الأربعاء، ١٨ مارس ٢٠٢٦
لن يفيد شيء ـ كل المطلوب هو حظر هذا الشخص ومسحه وكل ما يتعلق به والإبتعاد عن هذا الطريق تماما وان تحافظي على نفسك. واسألي الله ان يعفك بالزواج من الصالح.
تم النشر الأربعاء، ١٨ مارس ٢٠٢٦
طب اقوله انه انت شرير واعمله بلوك؟ اشتمه طيب ؟
تم النشر الأربعاء، ١٨ مارس ٢٠٢٦
لعرض السؤال في فدني اضغط هنا