انا طالبه تانيه ثانوي علمي ..
كنت متحمسه للسنه و بذاكر و كنت كويسه اول اسبوع بعدها درجاتي قلت مش اوي يعني كنت بغلط غلطه غلطتين تلاته بالكتير فكنت خايفه فكنت بعيط حتى وانا بذاكر كنت بقول لنفسي انا في الاول وبجيب كده اومال لما الحاجه تتقل عليا هعمل اي
مع الوقت بقيت لا ابالي بدرجاتي وبقا مش فارقه معايا و مبقتش انزل دروسي بانتظام ومبذاكرش وقطعت المدرسه بس جوايا خوف تعبت شويه و كشفت وكده فكان في خلل في القلب وضعف بسبب الارهاق وكده مع اني ولا برهق نفسي ولا بعمل حاجه خالص لكن خايفه وتفكيري شغال
نهاية اللي انا في ده اي ومفيش هدف عندي كل اللي انا عايزاه اهلي يكونوا فخوريين بيا واكون مش مستقليه بنفسي وابقى عارفه اعمل اللي انا عايزاه و ابقى كويسه قدام نفسي قبل الناس بس مبقاش عندي شغف لكده
وبقيت تايهه ومعنديش شغف حتى في حياتي العمليه عادي بعدي يومي وخلاص لا بكلم حد ولا بتعامل مع حد ولو اتعاملت بيبقى بالعافيه وبعيط بسبب ومن غير سبب بقيت تايهه في الدراسه و مش عارفه اعمل اي والامتحانات قربت ومش عارفه حاجه في المنهج و طالما انا كده دلوقتي اومال في تالته هعمل اي ..
أتمنى حد يفيدني بليز عشان انا تعبت🙏🤍
عايزة اقول لك ان انا كمان زيك بس انا بقى تالته ثانوي وازهر كمان حقيقي الفتره دي بعد فتره صعبه جدا يمكن شبهك جدا جدا جدا جدا بس عايزه اقول لك ان تانيه ثانوي والله العظيم المواد بتاعتها تتلم وخصوصا لو انت عام لان المواد في عام مش كتير حتى لو في أزهر فاعرفي ان المواد تتلم لان الماده مش كبيره قوي لان هي مقسومه ترم اول وترم تاني المهم انتى دلوقتي فكري في ان انا اقدر على اى حاجة حتى لو باينة أنها كبيرة اقدر اعمل وانجز حقيقي بجد والله المواد تتلم وقسما بالله بالنسبه لان انتى زهقتي او مليتي وخايفه حتى من الامتحانات فاعرفي ان اول حاجه تتوكلي الله سبحانه وتعالى وتقوي عضله الصبر عندك يعني كل ما تصبري كل ما عضلة الصبر هتقوى فهو ده بالظبط اللي احنا عايزينه ان انتى تتوكلى على الله و تقوي عضله الصبر بعد كده بقى ابدئي اعملي جدول تلمى به اللى عليكى واكيد انتى عارفه تقدرى تذاكرى قد إيه في يومك لان ببساطه كل واحد عارف نفسه فاهمانى فتوكلى على الله واصبرى وابدأى على طول وابعدى عن التلفون واعملى جدول بكل اللى مذاكرتهوش ولما تخلصى حاجة علمي عليها هتحسى احساس روعة بعد كدة بق كافئى نفسك بحاجة تحبيها لو بتحبى تعملى كروشية اعمليه وتبقى مكافأة لو بتحبى الحلويات اشترى بس مش كثير عشان صحتك 😉 وتبقى دى هى المكافئة عشان اخترتى تتعبى وتبعدى عن الراحة فهتكون دى مكافئتك اللى تستحقيها وافتكرى إن إللى انتى فيه خير والله وهتعدى متنسيش الذكر والصلاه لان دول اللى بيهونوا على الواحد تعبوا وصلي على النبى كثير هتهون خليكى واثقة من كدة
تم النشر الاثنين، ٢٤ نوفمبر ٢٠٢٥
وهتفضلي كده لو سكتي على نفسك انا تالته ثانوي ونفس حوارك ومش عارفه أتصرف او اكشف او اعمل اي حاجه لان اهلي مش مصدقين انني تعبت وشايفين انني مهمله وبس كل حاجه بقت تقيله عليا وتعبت وطلعت عندي هالات سوده والمنهج متراكم ودايما مش مرتاحه وبحس في حاجه غلط في جسمي بس ساكته لان محدش هيساعدني انتي عرفتي من الاول لازم تكشفي وتشوفي انا من أولى في الحوار ده وبسبب انني في ارياف معندهم شغل طب النفس ده فروحي والحقي نفسك ضروري
تم النشر الأحد، ٢٣ نوفمبر ٢٠٢٥
حصل معايا نفس الموضوع بالظبط ف تالته اعدادي، مكنتش بذاكر خالص لأني وقتها كان عندي حالة اكتئاب بسبب حد كنت بحبه (ربنا يسامحها). و كان عندي نيه اني هنتقم منها و هخليها تندم على اللي عملته معايا،و انتقامي كان في صورة سلسلة نجاحات متتاليه، قبل الامتحان بشهرين جبت كل كتب المنهج و قعدت فضلت اذاكر لحد م لميت المنهج ف الشهرين دول و جبت 92%، وبعد م نجحت افتكرت اللي حصل ده وقولت لنفسي هو انا ازاي عملت كده، ازاي منهج زي ده يفضلو يذاكرو فيه السنه كلها و انا لميته ف شهرين بالمختصر المفيد انا مكنتش بطل ولا هيرو، انا بس كان جوا قلبي نار الإنتقام فالدافع هو كل شئ، لو لقيتي لنفسك سبب يستحق، ممكن بسببه تشقي الصخر حرفياً و أخيراً ادعولي لأني طالب تالته ثانوي و ربنا يوفقنا جميعاً..🥹✨
تم النشر الأحد، ٢٣ نوفمبر ٢٠٢٥
اولا هو الموضوع طبيعي تغلط غلطة وغلطتين وتلاتة عادى لأن طبعا المدرس بيعمل اى وهو بيحط الامتحان مثلا الامتحان عشرين سؤال منهم تمانية تسعة سهل ستة متوسط تلاته مذاكره واحد مذاكره كويس والآخر علشان المتميز قوى فالغلط طبيعي ولازم أن المدرس مراجعات مع معرفة الغلطة بتفهم وأهم حاجه هى تالتة ثانوى المشكلة انك ضغطتي على نفسك جامد اوى والنفس ضعيفة والخوف اللى انت عملته لنفسك هو اللى عمل كده المشكلة أن مثال مذاكره وحالل كل المسائل وكان مثلا قدامك طبيعي إذا شعرت خوف أو قلق مش هتفتكر حاجة خالص ونسيت اهم حاجه إن انت عليك السعي بس النتيجة مش بتاعتك بتاع ربنا وإن ربنا لا يكلف نفسا الا وسعها أما بالنسبة للامتحانات لسه قدامك شهر ونص يعنى إن شاء الله تستعين بالله وحاول مش اكتر هتبقى أحسن درجات إن شاء الله تالتة ثانوى اهم حاجه نصيحه من اخ انك مثلا كل يوم اللى خدته تحاول تلمه مش اكتر مقدرتش يومها تحاول تانى يوم تلم وكانت بتحصل معايا شخصيا وتراكمات وكده مع الكل وكان مش احسن درجات فى الامتحانات بس الحمد لله الامتحانات كانت كويس وكل واحد خرج بالكلية اللى يقدر يمشى فيها وربنا اختاره له والامتحانات يعنى إن شاء الله خير إن شاء تبدء وتلحق كل اللى فات اسف على الإطالة اه وملحوظة يا دكتورة/يا هندسة/سفيرة: الكلام كله بصيغة المذكر أسف وبالنسبة للمرض ألف سلامة بس ده بسبب الخوف والتوتر الزائد وده كلام إن شاء الله تدرسيه فى الطب
تم النشر السبت، ٢٢ نوفمبر ٢٠٢٥
لعرض السؤال في فدني اضغط هنا