جدعان حاليا انا باذن الله هخطب صالونات وكدا وحده والدتي تعرفها ولسه بالاول خالص ....
بس بصراحه خايف وحاسس اننا ممكن منكش شبهه بعض وهكذا فهل ده عادي عشان اول مره وصالونات وكدا ؟؟؟!
تنصحوني ب ايه ؟؟ الفتره الجايه
خليها نسميه زواج وتعارف بالطريقة الشرعية، وهو هاد الصح، انت مش رح تتزوجها دغري اكيد، بدك تروح اكثر من زيارة، حضّر اسئلة عشان تعرفها عنها وهي كمان، شوي شوي بتتعرفو على بعض اكثر، لما تعرفها وتحكو مع بعض بكون الاشي كثير سهل التعارف، ومريح لانه بيرضي ربنا... وطبعا بكل خطوة استخير... وبعدين ان شاء الله خطبة وعقد قران الله يتمم على خير
تم النشر الخميس، ١٢ يونيو ٢٠٢٥
الف مبروك وربنا يتمملك على خير الاول ، حابه بس اعرفك حاجه البنت اصلا بتكون متوترة في أول لقاء يعني هترد عليك وهتسألك ايوا بس وهي مكسوفه 😅واحدة واحدة ومع الايام هتعرف شخصيتها وهتفهمها اكتر وان شاء الله خير ، صلي استخارة وشوف هيحصل ايه وبرضو وانت بتتكلم معاها شوف كدا انت مرتاح لطريقتها معاك ولا لأ شوف ردودها مناسبه وهل زي ما توقعتها او شبهها ، اول مرة موتره شويه بس مع الوقت عادي هتتأقلم انت هتسألها عن الي نفسك تعرفه عن شريكة حياتك مفيش اسئله معينه مكتوبه في كتاب يعني الي نفسك تعرفه اسأله ليها عشان القعدة متكونش اكننا في امتحان سؤال وجواب وهي هتكون متوترة فبدأ انت بالكلام ، تصدق بالله اختي كانت طول القعدة باصه للسجادة خطيبها الي هو جوزها حاليا قالها هي السجادة عجباكي ولا ايه مش فاهم والله موقف تحفه كدا ومع الوقت بقوا يضحكوا ويهزروا ويتخانقوا عادي جدا وربنا ما يجيب خناق بس قصدي بقا متفاهمين ومرتاحين لبعض ما شاء الله ربنا يخليهم لبعض ويبعد عنهم اي سوء ويبارك لحضرتك في الجوازة وتتم على خير
تم النشر الجمعة، ١٣ يونيو ٢٠٢٥
بص مبدأيا كده انا مش هكلمك كناصح انا هكلمك كاخ ليك فمعلش ممكن تحس ان الكلام مش بطريقه رسميه او حاجه فركز معايه... لو هتخطب صالونات حلو اوي لان ده حاجه مش حرام او حاجه وانصح فيها لان اكتر الناس الي بيتجوزو صالونات بيكملو مع بعض حياه حلوه نوعا ما... وبما ان والدتك تعرفها فاكيد هي اختيار كويس وكده لان كل الامهات بتدور على الاختيار الامثل لابنها وكده فدي حاجه كمان تخليك تاخد خطوه... وخوفك من انكم مش هتكونو شبه بعض دي حاجه الخطوبه اتعملتلها اصلا فتره الخطوبه دي المفروض فتره تعارف بينكم وكده انت كل الي عليك تفكر قبل ما تنام كده "انا عايز اعرف عنها ايه" وفكر وشوف ايه الي ناقص ولما تتقابلو خد وادي في الكلام واسأل الاسئله مش بطريقه دغري كده عشان متخافش او متقلقش او ممكن متبقاش مستريحه معاك فابدء الموضوع بهزار وشويه دلع (وكلنا عارفين ان قلب البنت في ودنها 😉👌🏻) وخلي الأسئله من ناحيه فضول مش من ناحيه انك قلقان او خايف لتكونو مش مناسبين ودي حاجه بتحصل لكل الناس فعادي انت لسه في الاول... متخافش حبه حبه هتاخدو على بعض وهتحبو بعض وكده فخد الموضوع براحه وعلى رواقه كده... عارف ان كل ده اتكرر معاك كتير بس اتمنى اكون فيدتك بحاجه.. وبارك الله لكما وبارك عليكما وجمعكما في خير 😁✌🏻
تم النشر الجمعة، ١٣ يونيو ٢٠٢٥
خلينا نتفق انك بتاخد في الأساس شخصية وبعدين تشوف الجمال ...لأن لو أولويتك الجمال فمصيرها الجمال يتلاشى مع الوقت والعمر .. وكمان الأبناء محتاجين أم للتربية مش دمية أو تمثال •والشخصية معناها الضمير والدين .. انها تكون بينها وبين نفسها ناويالك الخير • وده طبعا مش تسألها انتي بتصلي ولا لا ؟ تقول لك بصلي تقوم تاخدها على طول .. لا طبعا .. •أنا مأذون وحضرت زواجات كثير ... والحقيقة لا انا مأذون ولا حضرت زواجات كثير .. يعني لو قالت بصلي هل تضمن أنها بتصلي ؟ الخلاصة ١-استخير ٢- متخليش المظاهر والجمال أولويتك ٣-متعتمدش على أسئلتك لها لأن للكذب احتمال لكن أعتمد على السمعة وأنك تسأل عنها ١٠ أو أكثر
تم النشر الجمعة، ١٣ يونيو ٢٠٢٥
.اولا طبعا ربنا يتمم لك على خير يا رب ان شاء الله وتبقى جوازه ناجحه، جواز الصالونات دوت ما فيهوش مشكله ولا في قلق خالص انت بتتعرف على واحده وحتتعامل معها بما يرضي الله ودائما بتبقى فتره الخطوبه فتره تعارف كل واحد فينا بيعرف الطرف الاخر فده طبيعي جدا تمت الجواز على خير ده نصيب ما تمتش برده ده نصيب انت خليك واضح وصريح حاول تفهمها حاول تطلع الكلام منها افتح مع مواضيع شوف هي بتحب ايه ايه هوايتها طريقه تفكيرها ازاي اسالها في مواقف قل لها مواقف ما اي موقف وشوف رايها في ايه هي مثقفه. هل هي ما بتعرفش حاجه؟ هل هي متدينه؟ طيب هي رومانسيه متسلطه نرجسيه كل دوت انت هتعرفه من طريقه تعاملكم مع بعض، بتسمع كلامك بتفرض دايما حسن النيه معاك عايزه تسعدك ولا لا كل دوت لازم تشوفوا معاها على فكره جواز الصالونات او جواز الحب الاثنين نتيجه واحده في الاخر هو جواز واحد بيبقى مع العشره ومع المعامله بيجي الحب
تم النشر الخميس، ١٢ يونيو ٢٠٢٥
السلام عليكم اهم شىء تعرف انها فترة اختبار لنفسك وللبنت مرحلة الخطوبة مش ختم النسر بنتعرف وبنتفق اننا عادى فى اى وقت نقرر اننا مش مناسبين تستغلوا المرحلة دى انكم تسألوا عن شكل الزواج اللى كل حد فيكم منتظره
تم النشر السبت، ١٤ يونيو ٢٠٢٥
أهلًا بك يا صديقي، ذكية معك هنا وأحب أطمئنك وأدعمك في هذه المرحلة الجديدة من حياتك. أولاً، من الطبيعي جدًا أن تحس ببعض القلق والتردد في بداية أي علاقة خطوبة، خصوصًا لو كانت أول مرة لك. مشاعر الخوف وعدم التأكد إذا "اخترت الصح" أو لا هي مشاعر بشرية طبيعية جدًا، ومش معناه إن في مشكلة بالضرورة. بالنسبة للشبه بينكما، مش شرط يكون فيه تطابق كامل في كل شيء، بل المهم أن يكون هناك تفاهم واحترام وتقبل لكل الطرفين. الاختلاف في بعض الصفات أو العادات ليس عائقًا، بل يمكن أن يكون مصدر إثراء للعلاقة إذا كان الخير والنية صادقة. نصائحي لك في الفترة القادمة: التعرف على الشخصية أكثر : خذ وقتك في الحوار معها ومع أسرتها لتفهم أهلها وأنماط حياتهم، وكذلك لتظهر لهم جوانبك الجيدة. الشفافية والصراحة : حاول تكون صريح مع نفسك معها في الأمور المهمة مثل المستقبل، العمل، الدين، القيم، وكل شيء يهمك. ادع الله واطلب منه الهداية : الدعاء مهم جدًا لتيسير الأمور، واسأل الله أن يكتب لك الخير ويهدينا لما يحب ويرضى. استشارة أهل الخبرة : مثل والديك أو شخص كبير تثق فيه، لأنهم عندهم رؤية وخبرة ممكن تساعدك. الراحة النفسية : إذا حسيت أنك مش مرتاح في الأمور أو في طريقة التوافق، لا تتسرع وخذ وقتك، لأن الزواج قرار كبير يحتاج حكمة وهدوء. وإذا حبيت، في موقع فدني تقدر تستشير خبراء في العلاقات الأسرية ممن يستطيعون مساعدتك بنصائح أكثر تخص حالتك. لا تتردد تسألني أو تطلب مساعدة في أي وقت، وصدقني، كل خطوة تأخذها لطمأنينتك ستقربك من القرار الصح بإذن الله. فماذا تشعر الآن؟ هل هناك أمور معينة تشغل بالك أكثر؟
تم النشر الخميس، ١٢ يونيو ٢٠٢٥
عادي انت لسه هتجرب وتحكم الخطوبه هنا مقياس ومش خطوبه وجواز لازم تدرس كل حاجه فيها واسهل كلمه مفيش نصيب متقلقش
تم النشر الجمعة، ١٣ يونيو ٢٠٢٥
لعرض السؤال في فدني اضغط هنا