ولدي بيعامل اخواتي بطريقه احسن مني ديما بزعل وبقعد ساعات اعيط مواقف كتير بحس فيها اني لوحدي واني مش قادره اكمل في حياتي لدرجه اني بقيت احلم احلام وحشه وهو بيكون فيها.. معا الوقت من المعامله بقيت افكر في الانتحار او الهروب معتش عارفه اعمل ايه
حاولتي تتكلمي معاه؟؟ وايه هي المميزات اللي بيحصل عليها اخواتك وانتي لا؟
تم النشر الأحد، ١٢ نوفمبر ٢٠٢٣
ايه الحاجات اللى بابا بيعملها متساوية بينكم ..وايه التفاصيل اللى فيها تفرقة ؟ ليه بيدعى عليكى ...ايه اللى بيحصل منك ؟
تم النشر الاثنين، ١٣ نوفمبر ٢٠٢٣
ولا كانك سمعتي حاجه ركزي ع حياتك وكبري دماغك
تم النشر الأحد، ١٢ نوفمبر ٢٠٢٣
بصي، هو دا لو حقيقي فعلا ان والدك بيفرق بينكم ف المعامله ١٠٠٪ ف دي فعلا مشكله عنده. وطبعا معندكيش امكانيه انك تغيري دا، مش انتي بس، انا وانتي واي حد بيمر بموقف مشابه لعلاقتك بوالدك. بدليل ان الرسول نفسه حاول يغير من عمه ويفهمه انه غلط ويفهمه الصح، ربنا قاله "انك لا تهدي من أحببت ولكن الله يهدي من يشاء" وكمان الرسول اتجوز تقريبا ١١ او ١٣ مره مش متاكد، وكانت عائشه بنت ابي بكر احب زوجاته والأقرب له، لكن مع ذلك كان عادل بينهم. القصد من كلامي ان اولا المشاعر دي بتاعة ربنا ملناش كبشر تحكم كامل فيها بس طبعا دا لا يتعارض مع انك كأب تكون عادل بين أولادك، زي مثال الرسول وزوجاتهم. طيب لو حصل وان والدك فعلا كان غير بينك وبين اخواتك؟ بصي طالما منقدرش نغيره، ونحقق مكسب اما نغيره، يبقى ع الاقل نخرج من موقف زي دا بأقل خساير، وهي اولا متخسريش ثقتك ف نفسك وتطوري منها بحيث تزودي اعتمادك ع نفسك ومتكونيش محتاجه لمشاعر الآخرين، وثانيا حافظي ع علاقتك بوالدك بصفته والدك ورباكي وصرف عليكي، وثالثا واخيرا ودي مهمه ان علاقتك اخواتك متتاثرش بسبب سلوك والدك. انا بردو مدرستش علم النفس والاجتماع بس حاولت اقول رأي مش بقوله كحل صحيح ميه ف الميه دا مجرد وجهة نظر.
تم النشر السبت، ١١ نوفمبر ٢٠٢٣
حاولى تتلاشى الاحتكاك بيه وخليكي هاديه وتجاهلى إلى بيعملوا وركزى على نفسك طوريها اكتر واعتنى بيها وخلى بالك منها علشان هيه إلى هتفضل معاكى وبالنسبه للتفرقه العنصريه ده مش تديها اهتمام بدام علاقتك كويسه مع اخواتك خلا اعتبريه جوز امك مثلا (مش قصدى غلط )بس علشان مش يأثر على نفسيتك أن هوه بياخد باله منهم وانتى لا وحاولى تمشى الموضوع بالشكل ده لحد ما ربنا يهديه
تم النشر الأربعاء، ١٥ نوفمبر ٢٠٢٣
اكتر الوقت من غير سبب
تم النشر الأربعاء، ١٥ نوفمبر ٢٠٢٣
بيعمل كده من غير اى سبب
تم النشر الاثنين، ١٣ نوفمبر ٢٠٢٣
شكرا لردك.. انا بحاول اني مبعدش عن اخواتي.. بسبب حبه ليهم.بس حقيقي انا مبقتش متحمله الحياه.. انا انهارده صحيت علي صوته وهو بيدعي ويقول يارب تنام ماتقوم
تم النشر السبت، ١١ نوفمبر ٢٠٢٣
المشكله ان لما بتعت فعلا مبلاقيش اهتمام بيا وبفضل علي حالتي لحد ما اخف بنفسي اقعد اسبوع اسبوعين مبيفرقش
تم النشر السبت، ١١ نوفمبر ٢٠٢٣
كلكم عند والدك زي بعض، لو تعبتي هيكشف عليكي ويطمن وبيقلق عليكم كلكم. انما المعامله اليوميه والعاديه، متركزيش فيها اوي مع اخواتك، ركزي في حياتك اكتر ودراستك وتطوير شخصيتك. هو صعب ع فكره مش سهل بس الوقت هتتحسني.
تم النشر الجمعة، ١٠ نوفمبر ٢٠٢٣
لعرض السؤال في فدني اضغط هنا