السلام عليكم
انا بنت سني١٨ ، من قبل الابتدائي كنت بعاني من التنمر بسبب لون بشرتي ومن اقرب ناس ليا حتى الاطفال وتقريبا كله مجتمع مريض اكيد اهلي عملو حاجات كويسه كتير منكرش دا بس وجعي منهم لسه موجود حتى لو التنمر اختفى انا سامحتهم بس مش بنسى .
ديما كنت بلاحظ الاهتمام بغيري والحمد للّه مكنتش بحقد على حد ابدا بس كنت بستخبى لوحدي واعيط لاني كأي انسان بيحب يسمع كلام حلو ويلاقي اهتمام واحتواء ومشاعر كتير الحمد للّه كنت مفتقداها بشكل كبير .
كنت بستغرب ليه انا شاطره وذكيه وبحب كل الناس ولكن مش بلاقي اهتمام بالقدر اللى انا محتاجاه لدرجة لو حد قال لي كلمه كويسه بحسه بيشفق او كذاب .
دلوقت مفيش تنمر مباشر بس موجود زي مدح شديد لحد قدامي أو حتى ذم وتنمر لحد أسمر زيي ، محدش يتخيل دا أثر عليا ازاي بقيت حد انطوائي وخجول ورهاب اجتماعي وقلة ثقه بالنفس ولكن كل دا مع دائرة قرايبي أكتر لان مع صحابي بتعامل عادي بل وبيحبوني جدا الحمد للّه وشايفه دا نعمه لأن اللي اتكسر هو اكتر حد بيفهم الناس وبيحس بيهم
وفمره انهرت وتعبت ونفسي كان هيتقطع من كتر العياط بسبب احد المواقف ووقتها لمعت فدماغي فكرة انا لي كدا مش ربنا خلقني ، طب لي انا من وسط كل الناس ليه مليش حق فاني اشوف نفسي جميله ودا شئ مهم جدا لأي بنت وفضلت اقول يارب وبس ، يوميها كنت بعيده عن ربنا ومش منتظمة فصلاتي ، وبحثت ليه ربنا خلقني كدا وشفت فديو لأحد المشايخ وكلامه طبطب عليا لأنه اتكلم بواقعيه وبدون مجامله زي ناس كتير فاكره انها كدا بتعمل حاجه كويسه وهي بتكسرني كالمدح الزايد وغيرو ، وفهمت معنى الدنيا وان دار بلاء وكل واحد مبتلى لأنها دار اختبار وان ربنا حكيم وقال ان ربنا ينظر للقلوب وان دا مش شكلي الحقيقي وان فالجنه ودار البقاء شكلي غير واد ايه هكون تحفه هناك 🤩😭وفهمت ان الموت مش نهاية المطاف بل في حياة بجد بعده وفهمت حكم كتير لوني دا كان سبب خير ليا حبيت ربنا جدا لأنه سبحانه الوحيد الذي يرى قلبي وبقيت الحمد للّه منتظمه فصلاتي ولبست زي شرعي وربنا فتحلي باب صدقة وكمان دلني علي مكان بتعلم علم شرعي الحمد للّه وبدأت احفظ قرآن وكنت هلبس نقاب ولكن اهلي رافضين بس هلبسه برضو وسبحان اللّه كل صحابي واغلب الناس بقو يقولولي ان وشي منور وفيا قبول رهيب بفضل اللّه وشخصيتي بقت قوية بفضل ربنا وبقيت بنصح الناس واكتشفت موهبة اني بكتب شعر🤭وبقيت مستغربه نفسي اكتر من الناس ولطف ربنا محاوطني فكل دقيقه فيومي من كرم وستر وتوفيق وسلامة صدر ولذة واللّه عمري م دقتها ابدا ومقصرة دلوقت ولكن بإذن اللّه ربنا يكرمني بيها اكتر من الاول
وفهمت ان دا بلاء مبقتش احط مبررات لأن حسب فهمي من الناحيه الشكليه النبي صلى اللّه عليه وسلم كان اجمل الخلق وكان ابيض ف الأشبه بيه اكيد اجمل ودا شئ مش مزعلني . بس
احيانا بحس ان كأي انسانه بدعي ربنا بزوج صالح وتقي ولكن على الوجه الآخر بقول اني مش عايزه اكون سبب فزعل حد ولأني بتمنى الخير لكل الناس فمحبش اكون عبء على انسان وبكتفي بإن ادعي لكل صاحب رزق ربنا يباركله فرزقه وبفرح من قلبي واللّه لما ربنا يكرمهم . في اثار نفسيه جوايا زي ان برغم حبي للسكن والونس وفهمي له من خلال الشرع إلا ان قلت مستحيل ابدا اوافق بزواج في الدنيا وربنا يكرمني في الآخره يارب لأني أول واحده بحب الجمال ولازم احب لغيري زي اللي بحبه لنفسي .
احيانا بتحصل مواقف بترجعلي وجعي ولكن سرعان م يسمح اللّه بلطفه على قلبي وكمان الرضا لا يتعارض مع الألم الحمد للّه ، لاحظت اني بقيت اكثر نضج وفهمت حقيقة الدنيا حتى المواقف اللي كنت بفضل ايام اعيط منها بقت بتعدي عادي الحمد للّه🥹
من فترة طفله بتقولي وشك ليه بني اغسليه كويس واستحمي😂مش عارفه برائة الاطفال راحت فين كله بق جاحد كدا ليه😂
بعيدا عن الضحك اثرت فيا شويه الكلمه لأنها اوقظت معاناة م يعلم بيها إلا اللي خلقني الحمد للّه بس عدت زي م الدنيا كلها هتعدي وبإذن اللّه لما ربنا يكرمني بالجنة هغيظهم براحتي بق😂😅
طيب انا طولت كتير اوي ولكن بحكي دا علشان بجد أي حد وخاصة البنات مبتلى بالأمر دا يفكر ويتدبر كرم ربنا له فحياته ويصبر واللّه الجنة جميلة اوي اوي اوي والدنيا أقصر واحقر من ان نزعل عليها . دمتم بخير😊
وعليكم السلام ورحمة الله وبركاته يا قمر 🌸 قصتك مؤثرة جدًا، وأنا فخورة بيكِ وبقوتك اللي ربنا أعطاها لك. اللي مريتي بيه من تنمر ووجع من أقرب الناس كان ثقيل، ومع ذلك قدرتِ تحوليه لطاقة إيمان ونضج وجمال داخلي. ده مش سهل أبدًا، وهو دليل على إن قلبك نقي وربنا اختارك لتجربة صعبة عشان يرفعك درجات ويفتح لك أبواب ما كنتِ تتخيليها. اللي لاحظتيه عن نفسك دلوقتي – الرضا، الصلاح، حفظ القرآن، كتابة الشعر، والقوة اللي بتظهري بيها قدام الناس – كل ده ثمرة حقيقية للصبر واللجوء لربنا. الدنيا فعلاً دار بلاء، وأنتِ فهمتِ المعنى ده بعمق، وده نضج نادر عند سنك. أما بخصوص الزواج والخوف إنك تكوني "عبء" على حد، فدي فكرة طبيعية تيجي من الجرح القديم، لكنها مش الحقيقة. ربنا خلق الجمال بأشكال كتير، والجمال الحقيقي اللي بيستمر هو جمال القلب والتقوى. ادعي بزوج صالح وأنتِ مطمئنة، وربنا اللي يعلم ما في القلوب هيختار لك اللي يشوفك كنز مش عبء. استمري في اللي بتعمليه من صلاة وذكر وقرآن، ولو المواقف القديمة رجعت تقلقك أحيانًا، حاولي تكتبيها وتردي عليها بكلام إيجابي زي اللي بتعمليه دلوقتي. ده بيساعد الدماغ يعيد صياغة الذكريات. ولو حابة تشاركي تجربتك على فدني عشان تفيدي بنات تانيين، هتكوني بتزرعي خير كتير. ربنا يكمل عليكِ بالستر والرضا والزوج الصالح اللي يقر عينك، ويفرحك في الدنيا والآخرة يا رب 🤍
تم النشر الخميس، ١١ يونيو ٢٠٢٦
كلامك صح. في ناس بتقول كلمه و تنسي و لكن الشخص التاني بيبقي اخدها علي خاطره و زعلان و تفضل ماثره فيه سنين و التاني عايش حياته عادي..مش هيفهم بجد غير اللي جرب.ربنا يهدينا و يهديهم.
تم النشر الخميس، ١١ يونيو ٢٠٢٦
اه والله العظيم..قوليلهم متتكسفيش 😂😂
تم النشر الخميس، ١١ يونيو ٢٠٢٦
اللهم بارك..ربنا يحفظك يا رب 🤍. عايزه اقولك الناس بقت بتعمل تان دلوقتي عشان البشره الفاتحه مش عجباهم 😅. عامة الناس دي اذواقها بتختلف كل فتره ف رايهم ملهوش لازمه..
تم النشر الخميس، ١١ يونيو ٢٠٢٦
فعلا الحمد للّه بجد نعمة كبيرة أوي وفضل من اللّه حتى لما ازعل بتخفف عني كتير وبفضل اتأمل كرم ربنا ليا🥹🥹،حاضر هعمل بنصيحتك🤭،هنشف حاضر🤭😂، صراحة موضوع النقاب كنت مصِره عليه اوي وفاتحت أهلي وهم مش موافقين خالص وبيقولو اللي بيلبسوه مش كويسين والكلام المنتشر دا وأحدهم قال لي لبستيه أو لأ واحد وان مفيش خوف من الفتنه يعني🫠ساعتها الفكره كانت فدماغي أصلا وان هو الغرض منه امن الفتنه ف البسه ليه ، وكلمته وجعتني اوي صراحه حتى لو كانت بهزار وبعدها سكت فتره لأني مكنش عندي معلومات كتير فكنت بتوتر واتلخبط لو جيت اتكلم وكمان شغفي تجاه النقاب قل بس دلوقت الحمد للّه عرفت اكتر وقلت بإذن اللّه اخلص امتحانات والبسه 🥹
تم النشر الخميس، ١١ يونيو ٢٠٢٦
ابتلاكِ الله ليقربك منه ، والحمدلله ده حصل ، دي نعمة كبيرة أوي أوي الحمدلله ربنا يثبتك ، أهم حاجه الاهتمام الشخصي يعني ممكن يبقا الوجه أسمر بس صاحبة الوجه مهتمه بنفسها فبيبان الجمال على طول ،أقل شيء غسول ومرطب ، فالاهتمام يظهر الجمال وبكده موضوع الزواج تمام ،،، تاني حاجه النقاب عجلي بالخطوة ولما تلبسيه خلي نيتك إنك لبساه لإنه راية الإسلام لإن في بنات كتيره بتقع في فخ إني مش جميله هلبس النقاب على ايه بقا ،ده كلام غير صحيح ، بس إنتي محتاجه تنشفي شويه😂 حساسه ليه كده ، خلي شخصيتك قوية . ربنا يكرمك بأفضل ماتتمنى 💓💓
تم النشر الخميس، ١١ يونيو ٢٠٢٦
آمين وإياكم ،الحمد للّه على كل حال نسبي أو لأ هي دنيا وهتعدي، مجرد أختبار لينا كلنا ولكن الأسئلة بتختلف والمُوَفق هو اللي يَرضى ويحسن الظن بربه لأن رب الخير لا يأتي إلا بالخير😊
تم النشر الخميس، ١١ يونيو ٢٠٢٦
جميل كلامك 🤍 ربنا يكتب لك اللى فية الخير يارب وعموما الجمال ده مش لون بشرة ولا لون عيون هو شئ نسبى بيفرق من شخص لأخر
تم النشر الخميس، ١١ يونيو ٢٠٢٦
نقولهم حاضر 😂اللّه يهدي أي حد بيعمل كده واللّه كسر الخواطر حسابه مش سهل عند ربنا
تم النشر الخميس، ١١ يونيو ٢٠٢٦
اسمعي فيديوهات للمهندس علاء حامد ودكتور حازم شومان ، هتوضحلك عن النقاب معلومات كتير وطرق لاقناع الأهل .وحاولي تزودي ثقتك في نفسك أكتر ، يعني تبقي فاهمة إن الإنسان مش مجرد شكل فقط وأصلا الإنسان بينظر لنفسه نظرة أقل من النظرة اللي الناس بيشوفوه بيها فإنتي أحسن من الصورة اللي إنتي شايفاها عن نفسك بكتير ، يعني أنا مثلا ممكن في موضوع معين أبقا شايفه نفسي فاشله جدا فيه وبعدها أتفاجئ إن الناس شايفيني ناجحه خالص 😅😂😂
تم النشر الجمعة، ١٢ يونيو ٢٠٢٦
واللّه مش ناقص الناس غير الرضا وفهم ان الدنيا ملهاش لازمة هو اختبار وكل واحد يبص في ورقته ، نفسي اقول لهم كفايه بحلقه😂🤭😂
تم النشر الخميس، ١١ يونيو ٢٠٢٦
لعرض السؤال في فدني اضغط هنا