ممكن حد يفيدني انا حاليا هتكلم عن اللى بيحصل في حياتي الفترة دي مش هحكي الماضي انا حاليا خلصت تالته ثانوي ومعنديش صحاب وعندي رهاب اجتماعي ومش بحب انزل لوحدي ف دايما فى البيت دايما بفكر كتير اوى ومش عارفه انا عايشه لى ومدمنه عادة سريه كل يوم حرفيا ادمان وينام ب منوم عشان أصحى اعيد نفس اليوم ومش عارفه انا عايشه لى ومعنديش ثقه في نفسي وبكرة شكلى وجسمي
عامة الرفاهيه ملهاش علاقه بالصحاب انا معنديش صحاب وبفكر كمان اشتري خط جديد وامسح كل صحابي اللي عليه ف ملهاش علاقه، اللي عندك دا اكتئاب انتي لسه مخلصه ثانويه ف دا طبيعي، انا لسه داخلاها وحاسه بضغوط شبهها بس في فرق، انتي ممكن تبقي تنزلي وتخرجي نفسك، استغلي كل دقيقه والله حتي لو رحتي ماركت وركبتي في العربيه بتاعت التسويق دي وزقيتي نفسك، فرفشي كدا يا اخت انتي لسه صغيره، انا عادي جدا بدعي علي البشر كلهم وبعدها بخمس دقايق اغني 😂 الدنيا مش مستاهله يعني فاهماني ف فرفشي عن نفسك، قربي من ربنا واعملي لاخرتك، صح الكلام دا بس بردو متنسيش دنيتك عشان في ناس شايفه ان احنا نغمل للاخره ونسيت الدنيا، لا، الرسول قال ان لو انت بتزرع زرعه ويوم القيامه هيقوم كمل زراعتها ف عيشي حياتك يعني غني، بس متبعديش عن ربنا، مثلا انتي مش بتحبي الغنا وشايفاها حرام، اسمعي اناشيد و شعر، اتفرجي علي فيلم، استغلي خروج اهلك منالبيت عشان الخصوصيه واجري او نطي، فرفشي نفسك يعني، او نامي بس من غير منوم، نامي عادي بمزاجك، انا عن نفسي بنام عشان احلم 😂، ف نامي ولو هتعيطي مفيش مشكله بس تكوني متأكده من جواكي انك بتعيطي عشان تخرجي اللي جواكي مش عشان كارهه العيشه بتاعتك وبعد ما تخلصي عياط اعملي كل دا، ممكن تكتبي بردو، انا مثلا بحب اكتب روايات ف بستغل لحظه الضعف اللي فيا دي عشان اكتبها لبطل الروايه وممكن اعيط نفسي عمدا عشان اعرف اوصف العياط، ممكن تقرأي بدل الكتابه، او ترسمي حتي لو مبتعرفيش ترسمي، شخبطي حتي في الورقه
تم النشر الاثنين، ٢٤ أغسطس ٢٠٢٦
يا ياسمين، أول حاجة أحب أقولها لك إن شعورك ده طبيعي جدًا في المرحلة دي، وإنك مش لوحدك فيه. خلصتِ الثانوية وفجأة كل حاجة وقفت، والأفكار بتدور في دماغك بدون توقف، ده بيخلي الواحد يحس إن الحياة مالهاش معنى. المهم إنك قدرتِ تتكلمي عن اللي جواكِ، وده خطوة كبيرة. بالنسبة للإدمان اليومي والنوم بالمنوم عشان تعيدي نفس اليوم، ده بيخلق دايرة مغلقة بتزود الإحساس بالفراغ وقلة الثقة. حاولي تبدئي بخطوات صغيرة جدًا، زي إنك تحددي وقت معين في اليوم للنوم بدون المنوم، وتملي الوقت ده بنشاط بسيط زي قراءة صفحة أو حتى ترتيب غرفتك. الإدمان ده غالبًا بيبقى وسيلة للهروب من التوتر والوحدة، فلو قدرتِ تقلليه تدريجيًا هتحسي بتحسن في طاقتك ونظرتك لنفسك. أما عن "أنا عايشة ليه"، في الإسلام الحياة لها غرض واضح: عبادة الله وإصلاح النفس والإحسان للآخرين، حتى لو بخطوات صغيرة زي الصلاة والدعاء والتفكر في نعم الله. أنتِ دلوقتي في مرحلة انتقالية، والثقة بالنفس والرضا عن الشكل بييجوا بالتدريج من خلال أفعال يومية صغيرة، مش من يوم وليلة. جربي تبدئي بتمارين بسيطة لتقبل الجسم زي النظر في المرآة وقول كلمات إيجابية، ولو حسيتِ إن الأمر بيأثر عليكِ بشدة، ابحثي عن استشارة متخصصة. لو عايزة تتكلمي أكتر عن أي جزء من اللي بيحصل معاكِ، أنا هنا أسمعك وأساعدك بخطوات عملية. وممكن تلاقي أسئلة مشابهة على فدني عشان تشوفي تجارب ناس تانية.
تم النشر الجمعة، ٢١ أغسطس ٢٠٢٦
حاولى تقربى من ربنا دا اولا واعرفى مين هو ربنا سبحانه وتعالى و احكى ل ربنا و قوليله انك عايزه تبطلى العاده السريه لان ربنا هو الوحيد اللى قادر يهديكى و يخرجك من اللى انتى فيه و حاولى تحبى نفسك و لو فى حاجه مش حابها حاولى تغيريها و شوفى ناس. بتعمل كدا الشوسيال ميديا فيها ناس كتير حاولى تتابعى ناس كويسه و بتتغير للاحسن و حاولى ومتزهقيش
تم النشر الاثنين، ٢٤ أغسطس ٢٠٢٦
@Yasmin Wagdy اي اللي داخل عقلك دلوقتي ؟ ، حاسة انك محتاجه اي ؟
تم النشر الأحد، ٢٣ أغسطس ٢٠٢٦
المشكله انتو بتتكلمو كأن الموضوع سهل لكن الموضوع متعب اوى بجد حتى أنا مش بعرف انزل لوحدى وحالتي الماديه متسمحش انزل جيم فبفضل ف البيت دايما الموضوع صعب اوى بجد
تم النشر الأحد، ٢٣ أغسطس ٢٠٢٦
صلي
تم النشر الأحد، ٢٣ أغسطس ٢٠٢٦
اعملي اي حاجة مفيدة حتى ولو بسيطة ... واستمري عليها ... لأن طول اليوم فراغ ده هو المشكلة
تم النشر الأحد، ٢٣ أغسطس ٢٠٢٦
انزلي جيم للبنات،تظبطي جسمك وتطلعي فيه طاقتك،وتكوني صداقات جديده
تم النشر السبت، ٢٢ أغسطس ٢٠٢٦
وقفي العاده السريه اولا لانها حرام ثانيا لانك بنت ومينفعش ولازم تصلي حتى لو اول يوم صليتي فرض وتاني يوم صليتي اتنين وهكذا لحد ما تنتظمي عليها وأنصحك تغتسلي وتصلي ركعتين قيام وتدعي ربنا يهديكي وادعي باللي انتي عاوزاه هتفرق معاكي جداً لازم تتوبي وتبطلي العاده السريه هي اللي مدمراكي والله العظيم
تم النشر السبت، ٢٢ أغسطس ٢٠٢٦
مش بصلى للاسف ومش عاوزة أو بلاقي نفسي مش قادره
تم النشر السبت، ٢٢ أغسطس ٢٠٢٦
بتصلي ي ياسمينه ؟
تم النشر السبت، ٢٢ أغسطس ٢٠٢٦
لعرض السؤال في فدني اضغط هنا