أول حاجة لازم تعرفيها إن اللامبالاة، والبعد عن الصلاة، والخنقة، والسيناريوهات اللي في دماغك دي مش نقص إيمان ولا تقصير منك، ده مجرد تعب وإرهاق شديد في الجهاز العصبي ملوش أي علاقة بشخصيتك أو قربك من ربنا، والتعب ده هو اللي عامل فيكي كده، فبالله عليكي بلاش جلد ذات وتأنيب ضمير. كمان الخوف اللي ملازمك، وضربات قلبك السريعة، وتأنيب الضمير المستمر، والسواد اللي تحت عينك، كل دي إشارات من جسمك ومخك بتقول إنك شايلة فوق طاقتك، ومجالك صعب ومسؤوليتك كبيرة لأنك بتتعاملي مع أرواح ناس ومحتاجة تركيز بالملي، والضغط ده سحب طاقتك لدرجة تخليكِ مش قادرة تتنفسي ولا تركزي، وده طبيعي يخلي الواحد غصب عنه يشوف الدنيا ضلمة وكأنه عايش في قاع. وأنا عارفة ومقدرة إن خطوة الدكتور النفسي والنزول لعيادات ممكن تكون مستحيلة وصعبة بسبب الأهل، وعشان كده مش عايزاكي تشيلي هم المواجهة دي خالص، دلوقتي بقى في دكاترة ومتخصصين أونلاين تقدري تتكلمي معاهم من موبايلك وأنتِ في أوضتك في سرية تامة ومحدش هيعرف حاجة، وزي ما أنتِ كدكتورة أو ممرضة عارفة إن المريض محتاج متخصص، أنتِ كمان محتاجة حد يفهم اللخبطة دي ويسندك أونلاين، ويساعدك ترجعي تظبطي طاقتك وتركيزك عشان تقدري تكملي ، ارحمي نفسك شوية من اللوم، وسيبي المجهود والدراسة والناس دلوقتي، وركزي بس في خطوة إنك ترتاحي وتتعالجي، التعب ده محتاج راحة، ومش عيب أبدًا ولا ضعف إننا نطلب المساعدة من حد فاهم في شات أو مكالمة سرية، بالذات إن طبيعة مجالك بتخلّيكِ تدي طول الوقت، ودلوقتي جه الوقت اللي محتاجة تاخدي فيه رعاية لنفسك. أنا واثقة إن جواكي روح قوية هتقدر تعدي الأزمة دي، وزي ما الأيام التقيلة دي جت، هتمشي وتعدي بس أنتِ خدي خطوة ومتبخليش على نفسك بإنك ترتاحي.
شكرا ليكي بجد ولكلامك ربنا يحفظك دايما ♥️
تم النشر الأحد، ١٣ سبتمبر ٢٠٢٦
يا حبيبة قلبي، متقوليش كده إنتي مطولتيش خالص، قولي كل اللي في قلبك وفضفضي براحتك، وأنا بعتذر لك جداً جداً إني اتأخرت عليكي في الرد، غصب عني والله بس حقيقي كلامك كان في بالي طول الوقت عايزاكي تاخدي نفس عميق وتسمعيني كويس إنتي مش وحشة، ولا شكلك وحش. إنتي بس "تعبانة" وتعبانة قوي كمان. لما البني آدم بيشيل فوق طاقته، بيبدأ ينهار من أقل حاجة، والموقف اللي حصل معاكي في البيت ده فوق طاقة أي حد يستحمله. طبيعي تتعصبي وتزعلي، ده مش معناه إنك ملاك مش بيغلط، ده معناه إنك إنسانة ولِيكِ طاقة.يا دكتوره متخليش الزعل يطفي بشرتك ولا يخليكي تكرهي نفسك. إنتي بنت جميلة وعافرتي ودخلتي كلية صعبة ولسه بتعافري رغم كل السواد اللي حواليكي. التقدير والدراسة والضغط ده كله هيتصلح، بس بالراحة على نفسك الأول. بلاش جلد ذات، وبلاش تحسي بالذنب تجاه أي حاجة، ربنا عالم بقلبك وعارف إنتي بتمرّي بإيه.أنا مش هسيبك، وهفضل جنبك خطوة بخطوة لحد ما نطلع سوا من البئر ده. متشيليش هم أي حاجة دلوقتي، واعرفي إنك غالية وقوية. طمنيني عليكي أول ما تشوفي كلامي، وأنا معاكي في أي وقت
تم النشر السبت، ١٢ سبتمبر ٢٠٢٦
@Yona Yona انا اللي كنت كاتبه مسدج اللامبالاة دا انا طالبه في كليه طب ومش هقدر اوفر فلوس الطبيب النفسي اونلاين لان مش بشتغل ولا اقدر اطلب فلوس من اهلي كفايه مصاريف دراستي واحتياجاته الشخصيه وكدا بس انا مش قادرة انا مش هقول اني ملاك مش بيغلط بس انا بردو بقيت بتعصب رغم اني طاقتي الكلام معدومه بس خلقي بقي ضيق اوي بقالي فتره طويله اخر موقف النهارده اختي ضربتني بالقلم الكبيرة وغلطت فيا القلم دا ماحدش بيضرب غيري في البيت انا عندي ٢١ سنه مش صغيرة اخدت القلم ومشيت ومامتي طبعا زعقتلها وكدا بس طبعا هي مش فارقلها كلام حد لما لقيتها لتشهد حد من اخواتي بعدها وبتحكي حجات ماحصلتش فارديت غيبه نفسي لقيت دعوات عليا وفجأه لقيتني حسيت بالذنب وحياتها مع أن انا اللي اضربت واتقل مني دا مجرد مثال للي بواجهه انا كل اللي عايزه اعمله انجح في دراستي علشان ماحدش يمسك عليا غلطه واتعاير بيها زي مابيحصل معايا طول الوقت لاني درجتي السنادي ماكنتش كويسه بسبب اللي انا يعيشه ضغط نفسي ومشاكل شخصيه هما مايعرفوهاش بخاف احكي ومش بأمن لحد حتي اخواتي انا حاسه اني لوحدي انا النهارده بلص علي شكلي انكشفت أخرج للضيوف من شكل وشي انا بشرتي بيضا بس الوقت بقا وشي دائما حزين ووحش انا ماكنتش كدا وقت وفاة بابا انا حولت عليكي معلش بس انا عايزه اطلع من البئر الغويط دا بس مش قادرة ولا عارفه
تم النشر الخميس، ٣ سبتمبر ٢٠٢٦
لعرض الإجابة في فدني اضغط هنا